اختصار كنا جالسين قدام التلفزيون
وحسيت ان البيت هااااااااااااادي وبنتي مالها حس وانا اعرف ان هالهدوووء وراه مصيبة
واجي والاقي علبة الفازلين كلها خبصتها على شعرها بكل اخلاص وتغلغلللل بالشعر
والله غسلته يمكن خمس مرات مارضى يطلع
فيه وحده قالت لي غسليه بالفيري بس والله خفت على عيونها
الله يخليكم اللي تقدر تفيدني بأي حل لإزالته بسهولة
علما ان بنتي تكره الترويش والله تقعد تبكي كأنا بنسوي لها عملية
وامس وانا اروشها بغت تنهبل من كثر ما فركت شعرها بدون فايدة
انتظركم والله الي تساعدني لادعيلها
شاركي في النقاش
سجلي الدخول لإضافة تعليق.
التعليقات
14- لالا مو بفيري :(
بيخترب شعرها زيادة....
اذا صغيرة قصيه لها بوي..و بتفتكين - مرحبا اختي
الله يحفظ لك بنتك ان شاء الله
انا اقترح عليك تزيتين شعرها بأي زيت نباتي
وبعدين غسليه على طول بالشامبو
وان شاء الله بيطلع - والله ماعندي خبرة لكن اللي اعرفه ان الليمون يذيب الدهون المستعصية
وهذا لاحظته لما اجي اغسل صحون او قدور فيها شحم يلزق بيديني واغسل واغسل ولا به فايده وبالاخير اجيب نصف ليمونة افرك بها يديني ويطلع الدهن بسرعة
ماادري اذا يصلح تضيفين عصير الليمون للشامبو او انك تفركين شعرها بالليمون
مجرد فكرة خطرت ببالي ولا عمري سمعت احد جربها وخايفة ماتنفع واشيل ذنب المسكينة
الله يوفقك بحل مناسب وتنحل المشكلة - دهنيه بزيت طبخ وخليه شويات وغسليه ومع الوقت بيروح
- جيبي ماي دافي واجد يعني قد ما تقدر تستحمل سخونته واغسلي شعرها فيه وبعدين حطي شامبو واغسلي بالماي الدافي ترا هاي الطريقة تذوب الفازلين
مواضيع مشابهة
تابعي تجارب أخرى من هذا القسم.