انخطبت والظاهر انى تورطت وش اسوي؟

السلام عليكم


كيفكم يا اخواتى

السالفة اللى محتارة فيها انى انخطبت وخطيبي من جماعتنا ما ادرى احس انه غبي


وامه وخواته ما شاء الله عليهم كل ما قالوله شي يسمع الكلام على طول


وانا خايفة بصراحة اتورط ويطلع يسمع كلامهم على طول

يعنى حتى تلقفوا فى فستان العرس وموديله وفى الذهب اللى بشتريه

بصراحة محتارة وما بلاقى احسن منكم ينصحنى ويدلنى على طريقة اعرف فيها اذا هو كدا على طول ولا لان تونا ما ملكنا

وكيف ممكن اعرف اذا هو بخيل ولا كريم ويسمع كلام اهله وهالسوالف

ارجوكم ساعدونى وقفتوزا معاى كتير والوقفه هاذه اهم من كل الوقفات


يعنى وش الحركات اللى كل وحدةة سوتها مع زوجها او خطيبها واكتشفت فيه شي؟؟





انتظر ردودكم ومشاركاتكم الله لا يحرمنى منكم

12 تعليق 2,489 مشاهدة

شاركي في النقاش

سجلي الدخول لإضافة تعليق.

التعليقات

8
  1. @rya_o_skynh

    مدري وش اقولك لاني ما احس هالامور بتعرفينها بين يوم وليله لازم عشره واذا انتي مرتاحه له ومقتنعه فيه توكلي على الله وصدقيني بكره ان شاء الله بيتحول من حال الي حال وبيصير لك ومايسمع الا كلامك اذا حبيتيه وحترمتيه وكسبتي قلبه بالطيب ونا اختك
    الرجال زي الطفل تقرين تاخذين كل الي تبينه بطيبك
    وخواته وامه ما عليك منهم اذا ملكتي قلبه ما يهمونك مردهم يلتهون بحياتهم لا تخسرين زوجك عشانهم
    وفستانك مالهم حق طنشيهم واصلان لا يدرون عن جهازك كلش خلي عندك خصوصيه من قبل زواجك مو كل شي مفتوح لهم
    والله ابي انصحك خليك على الرسمي دامهم توك وتدخلو بلبسك خليك على الرسمي سلام وبس خصوصياتك لك
    والله يوفقك
  2. @fdaaa_mhmd

    أقوووول اعقلي من الحين بتنبشين عن عيوب ومشاكل ..

    أخخخخ منكم بنات الحين .. بس كيف تدخلوا بفستان الزواج يعني قالوا مثلاً نبغاه ساتر والا فخم والا كيف ؟؟ والذهب شلون ؟؟ قولي تفاصيل عشان نكشف شخصيته ( حركات محللة نفسية صايرة ) بس نصيحة لا تقعدين تنبشين عن مشاكل من كثر ما تسمعين بهالمنتدى من مشاكل الله لا يلومك صراحة والله المشاكل من يسمعها يتعب ويتهيأ له اشياء .... طيب هو من عايلتكم يعني اسألي احد كبير من العيلة عنه ..وعن شخصيته ..
  3. @klm_mnsf

    موفقه اختي

    وكيف يسمع كلام امه ؟؟؟ يعني كل شي يشاروها ولا في اشياء معينه
    ومدامه ولد عمك اكيد تعرفينه وتعرفين اهله وطبعهم وممكن تعرفين عنه اكثر بس وصي احد اخوانك

    يسال عنه

    وفي الاول والاخير استخيري والله يكتب اللى فيه الخير لك

تابعي تجارب أخرى من هذا القسم.