صرخة في وجه غلاء المشاغل ....حرام عليكم اللي تسوونه فينا...نبي مشاغل رخيصه

السلام عليكم
انا يابنات عندي كذا مناسبة وزواج بالصيف والمشكلة انهم اقاربي يعني احتاج كذا فستان ...
الجاهزالحلو غالي يعني عالاقل 7000 وانا ابي عالاقل 3 فساتين ....
فقررت اني افصل ....ولقيت لي كم موديل نااااااااااااااعمين يعني لا شك ولا خرابيط ....
رحت لخمسين الف مشغل ارخص مشغل بتسوي اقل واحد ب 1800 خياط بس ....تخيلوا خياط غير القماش وانا اللي بجيب البليسية وانا اللي بجيب الكلف ....يعني هي بس خياط...
تخيلوا خياط بس ب1800-2000-2500...المجموع 6800 غير الاقمشة يعني 10000ريال تقريبا ...بالله مو شي يعور القلب...
لاحظوا اني رايحه لمشاغل بوقتنا الحالي تعتبر مشي حالك ...يعني مارحت للدراعه والا دار باش والا انجاد...تخيلوا هالمشاغل توصل الخياط بس ل10000 ....
بالله مو حرام اللي قاعد يصير...
ابسأل بس وش اللي وصل الاسعار لهالمستويات الا هبالنا يالحريم ....متى نعقل بس ونرفض ونضرب عن الشراء ونشوف كيف الاسعار تنزل وترجع ...
الله يرحم يوم كان الفستان يتفصل ب200 وب300 ...
الله يرحم زمان اول يوم كان الريال ريال ....
ماضيع البركه من فلوسنا الا استهتارنا بالريال ...حتى صارت الالف والالفين ولاشي....
يابنات انا ما عاد ادري وش اسوي ....
ولا ادري وش الحل ...
عندي خمس زواجات غير العزايم ....وبكرر ....بس ولو يبيلي اقل شي 3...ولازم اروح لها كلها ...كلهم قريبين لي مره...
من جد مدري...
أبي حل ...ابي مشغل رخيص ويضبط...(بس حتى لو فيه اكيد بينهبل الحين وبيدبلون الاسعار) ...
الله بس يرحمنا برحمته ...ويرزقنا شكره وحسن عبادته

41 تعليق 3,969 مشاهدة

شاركي في النقاش

سجلي الدخول لإضافة تعليق.

التعليقات

38
  1. @ashgan_1406

    صادقه والله يااختي :( ؛؛ حنا اللي سمحنا لهم يغلون بالأسعار !!!!!
    هذا غير المكياج والتسريحه مايقل عن 1000 ريال واخر اليوم اغسله حراااااااام !!!

    انا من 7 شهور تقريبا فصلت فستان لي واخذت موديله من قريبتي وكان مكلف عليها
    7000 ريال !!!! وانا اخذته وشريت نفس قماشه وفصلت مثله بالضبط وكلف علي
    القماش والتفصيل 1700 ريال بس ...

    اذا تبين رقم المشغل هو بالبديعة ؛؛ والخياطة اسمها "اوليفيا" وانا مدري عنها كانها
    غلت اسعارها من بعد ماخيطت عندها ...
  2. يااختي فهمت من كلامك انك بتفصلين فستان بلسيه الحين فيه فساتين جاهزه بلسيه ناعمه اشتري واحد واضيفي عليه كلف واللي تبين وخصوصا الفستان قيمته 600 ريال او اقل ....لان المشاغل استغلال غير طبيعي ومالومهم لانهم يجيهم حريم الله المستعان تحسب اذا غلا الفستان صار راقي وماتحكم عقلها هل هو يستاهل اولا " ا
  3. @sarah_8

    سكر مكر
    والله شئ يعور القلب وكلامك صح
    ااااااااااااااه بس
    انا عرووس
    وعندي حوالي 7 قطع ابي اخيطهم

    منها سهرات ومنها بدل

    وبلايز

    للحين مالقيت ولا مكان اخيط فيه :(

    الا مكان واحد الكل يجيله :icon28:
    وهو مررررررره حلوو خياطتهم ونظييييييييف

    العادي الي مافيه شي ولا شك ولا شي بس موديل بسيط بـ 300
    رريال


    والباقين فووق بس وش اسوي واصلا كل المشاغل كذا مافي ارخص
    بكره عندي برووفا لفستان لي عندهم وان شاءالله يطلع زين مره

    وانا شفت الفساتين الي تخيطهم مره حلووووووووو ومرتب
    بس عليك انتي تعطينها المووديل
    والقماش وتطلعه لك

    وهو بحي المصيف
    المشغل اسمه المليونيره
    تجين من مخرج 6 واسم الشارع ابو بكر الصديق
    تدخلين يساااار وتدخلين للخدمه
    ويجيك قصر الحمرا على يدك اليمين
    تتركين اول دخله

    ثاني دخله تجيك جااي ورااايح واسمه الحسين بن علي
    وتمشيييييييييييييين طوووووووالي

    الين يجيك مشغل المليونيره على يدك اليمين عند سوبرماركت رووم بالزاويه نهاية الشارع
    روحي شوفي خياطتهم علشان ترتاحين :)

    وان شاءالله فهمتي وصفي هههههههههههههه
    ومابي منك الال الدعاء حبيبتي :26:
  4. @shkalyth

    فيه مشغل دره في البديعه شارع الابراج مقابل لباسكن روبنز اغلا شي عندهم 700 وخياطه نظيف اختي فصلت فستان ايلي صعب الموديل الحمل اللي طايحين فليه درابيه على الصدر وطبقات طبقات
    600 ريال بس ترا عشان الزحمه عندهم ما يستقبلون الا شهر 7

تابعي تجارب أخرى من هذا القسم.