مشكلة ولدي ادخلوا الله يسعدكم

بنات الله يخليكم
ابي رايكم في مشكلة تخص ولدي
ولدي عمره خمسة سنين ونصف يعني السنة الجاية بيدخل المدرسة

المشكلة انه ماعنده شخصية ابدا
انسان ضعيف لابد الحدود
يعني تخيلوا اخوه عمره سنه ونصف ماشاء الله لااله الا الله احس انه اذكى واوعى منه
اخوه الصغير يضربه باي شي وهو قاعد يتفرج عليه:(
وفي الاخير يقعد يبكي تخيلوا:(
لو احد اخذ لعبته او اي شي ملكه يسكت ويقعد يبكي
يعني ماعنده اي ردة فعل

ممكن ولد عمره سنتين يموته من الضرب وهو مايقدر يعمل شي
انا مضايقه من هالمشكلة
وبصراحه خايفة تتاثر شخصيته لما يكبر
لانه اغلب الناس اخذت بلها من شخصيته الضعيفة
دايم يقولون انه زي البنات والحريم
بصراحة هم معاهم حق لانه خوااف لابعد درجه
انا حاولت اشجعه واقله لا
دافع عن نفسك انت بطل ورجال بس مافي فاايده

انا افكر فعلا اني ادخله مركز لتعليم الكارتيه
يمكن يعطيه ثقه في النفس ويقدر يدافع عن نفسه

والله قاهرني
تخيلوا مرره لقيت عينه حمررره سالته من وشو هذا قال فلان اللي هو اخوه اللي عمره سنه ونصف يلعب في عيني ويدخل اصبعه فيها
قلت وانت ليه تخليه يلعب بعينك قال ماادري :angry2: :angry2: :( :(
قاهرني لازم القى حل والحق ولدي انا متاكده انه بتصير له عقده لو جلس يحس بالضعف والهزيمه
بنات وش رايكم الله يسعدكم ادخله مركز للكارتيه
بس لاتقولون لي نخااف يصير شراني وعنيف لا لانه ابووه يقدر يضبطه والحمد لله هو يسمع كلام ابوه بالحرف الواحد
انا فكرت اني اخلي ابوه هو اللي ينمي شخصيته بس خفت لانه زوجي الله يهديه ممكن يعصب عليه او يتنرفز منه واخاف يضربه

انا متاكده لو قلت لاهلي ماراح يوافقوا بس ماعلي لو لقيت اراء مشجعه ممكن اتشجع

20 تعليق 1,590 مشاهدة

شاركي في النقاش

سجلي الدخول لإضافة تعليق.

التعليقات

18
  1. @mooonksa

    هلا أختي
    خلالالاص تدخليه مركز الكارتيه
    حلوووووه الفكره مررررررررررره
    حتي يحااول يداافع عن نفسه ولالا تتترددين ودخليه
    وإنشاااء الله يكون لليتتمنينه
  2. @cute_cat_2

    شخصيته تذكرني بشخصية اخوي الله يذكره بالخير..اخوي تربى بين بنات هو الوحيد وكانت شخصيته ضعيفه مرره مو ضعف او غباء او خوف فيه لان امي وابوي مدلعينه مو قادر يدافع عن نفسه حتى اذكر الولاد الي اصغر منه كانو يضربونه ولا يدافع عن نفسه بس الحين مشالله قويه شخصيته واثق من نفسه سبحان الله من دخل المتوسط ولاقى التشجيع من معلمينه ومن اهلي وصار له صداقات...

    لاتخافين على ولدك انشالله يصير قوي شخصيه مع الايام انتي حسسيه انك انتي محتاجت له مو هو محتاج لك...اخفي شي مهم لك وقولي وينه ضاع وسوي نفسك تدورينه وخليه يلاقيه لك وشجعيه وامدحيه عند ابوه واخوه قولي فلان اليوم ضاعت شنطتي مثلا وهو الي لقاها حسسيه انه خدمك بشي كنتي محتاجته...

    خليه يسوي عمل فني او اي شي يبدع فيه وجيبيه قدام اهلك واقاربك واطلبي من دون علمهم انهم يمدحونه على الي سواهوانه مبهر ومعقوله في احد بسنه يسوي كيذا...ركزي على نقاط القوه في شخصيته وحاولي تبرزينها وخلي علاقته بابوه تكون اقوى بحيث ياخذه مجالس ...انشاللله اكون افدتك اختي..:)
  3. @fo0ohy

    الله يكون في عونك اختي بس انا اعتقد انك لو تبحثين عن الاسباب لحالة الخوف اللي عنده اكيد فيه خطا تربوي ارتكبتيه انت او والده في تربيته او يكون تعرض في صغره لاضطهاد أو رفع صوت وصراخ على أخطاء ارتكبها لابد فيه سبب مسح شخصيته راجعي اسلوبكم في التربيه حاولي تعيدين ثقته من جديد كلفيه بأعمال في البيت يسويها خليه يعتمد على نفسه قد ماتقدرين يعني مشكلتنا اننا الامهات نخرب عالنا ونعلمهم الرخاوه وبعدين نستغرب اذا ما فلحوا ابسط مثال لما يجي واحد منهم يفتح علبة عصير او يحط فيها المصاص على طول نفزع له ونفتحها عنه حتى لو ماطلب مانصبر انه يفتحها بنفسه ويختبر قدراته والمره الجايه خلاص ما يحاول يسلمها لك مباشرة بدون مايتعب نفسه وقيسي على ذلك المشكلة انا نسوي هالاشياء مع ابناءنا ونعتقد اننا امهات صالحات ونضر عيالنا اكثر مما ننفعهم
  4. الله يخليه لك ياااااااااااارب وإن شاء الله تشوفينه رجااااااال يحج بك قولي آآآآمييين
    أنا من رأي تاخذينه لعياده نفسيييييييه إذا كان هالشيء مسيطر على شخصيته الدكتور النفسي يعرف أكثر بهالأمور...
    وإذا ماتقدرين كلمي الدكتور عبد الله السبيعي أو التويجري في برنامجهم بر الأمان أو أرسلي رساله لهم أو أدخلي الموقع وأكتبي مشكلتك

تابعي تجارب أخرى من هذا القسم.