بصراحه .. تضايقت و انا اقرا ردة فعله و انصدمت يوم قلتي رمى الهديه ( مو مره بس لان ماشاء الله جته كنغزه مو كهديه ) .. بس اول ما قريت انه ارسل يعتذر لا و اعتذار بهديه .. يعني قول و فعل و الرجاجيل عاده يكتفون بالفعل نادر ما تلاقين رجال يعتذر بالكلام ..
اهو اكيد غلط .. بس ما غلط و كابر لا اعتذر و على طول بعد ..
شوفي إنتي عاد وش سويتي .. تقولين ينكرون العشير و انتي نكران العشير راكبك من ساسك لراسك تسع شهور و على اول هوشه كبيره كرهتيه و تقولين العزوبيه لذيذه !!! ( داريه مستحيل تكونين صدق كرهتيه بس كلمتك و احساسك بالضغينه ضده كافيه ووافيه ) .. هذا و هو معتذر و مفكر فيك وش اكثر شي ممكن يفرحك الي هي الساعه الي كانت بخاطرك و متعب روحه يدورها كله عشان يرضيك يعني عشان يرد لك كرامتك متعني باكثر شي شافه مستاهل ...
تدرين يا أختي .. و انا ادري اني شديده بكلامي معاك بس المثاليه بعيني هي الي توقف معاك صح ولا غلط بس عشان تفرحك فانا تركت المثاليه عشان خاطرك ..
تدرين لو انا زوجك و دريت إنك نسيتي وفاي معاك و محبتي لك في لحظه و قلتي العزوبيه افضل مني .. والله ينجرح قلبي و لا انساها لك و يقل قدرك عندي بدرجه كبيره ..
صدقيني لو درا زوجك عن كلمتك هذي كان قال هنت عليها باول مشكله حقيقيه و نست تعبي و دلالي لها ..
حلفتك بالله .. وقفي دقيقه و تذكري على الاقل خمس مواقف حلوه له .. لو هي بسيطه .. لو هي لمسه ولا حرف .. تذكري اشيا تذكرك بحبه و رعايته لك ..
بعدها تخيلي لو للحين عزبا .. و هو مع وحده ثانيه تدلعه و يدلعها .. تزعله و يزعلها همن يراضيها بساعة فندي تكلف و هو يدورها عشان يرضيها .. همن تغلى عليه حبه قبل تقبلها و تعاتبه بدلع مو بنفس شينه و يرجع يرضيها ..
و قولي لي .. العزوبيه ألذ ولا انك تكونين في ذاك الموقف ؟؟
بقولك موقف صار لي مع زوجي قبل فتره بسيطه ..
غلط في حقي غلط ما اقول فظيع الا لو وحده ثانيه كان طلبت الطلاق او اقلها سوت له جمعه لرجال العايله و خلتهم يأدبونه ..
انجرحت منه جرح والله موقفك تافه يمه .. هذا و فوق كذا اهو مو مثل زوجك دلع و حركات لا جدي و ناشف ..
و كنت مقرره أرد له الصاع صاعين .. باسلوبي .. بس سبحان الله رجعت البيت لقيته حاط لي هديه و رسالة إعتذار .. و انا وقتها ادري لو فتحت الهديه خلص بيعتبر إني سامحته و فعلته المفروض اعذبه عليها على الاقل فتره .. بس وقفت شوي و تخيلته لا رجع و لقى هديته ما انفتحت و بمكانها والله بغيت اموت من الكتمه و مسكت صيحتي .. تخيلت شلون بينكسر خاطره لا شاف هالمنظر خاصه إني اعرف اهو ناشف ما يعرف لحركات الدلع و اختيار الهدايا الشخصيه و الاعتذار برساله .. و مع إن هذي أشنع غلطه يغلطها علي من تزوجنا لكن كانت اسرع رضوه .. فتحت الهديه و قلت مسامحته..
أتوقع إنتي مو كارهته إنتي منجرحه منه مو عشان سالفة الثقه لا بس لانه مدلعك عالاخر و انتي كنتي متهيأه نفسيا لليلة تدلعينه فيها و تفرحينه و متوقعه شلون بيفرح و ينبسط عليك و و و ثم كسر خاطرك برمي الهديه ..
و هذا شي مره مفهوم ... بس صدقيني توك باول سنه زواج ما اتوقع جربتي لذة الرضوه بعد هوشه كبيره .. و لذة تكونين العاقله و تستخدمين العتب على دلع بدل الزعل ..
ما اقولك ارجعي له لا خليه هو يرجعك البيت .. و تغلي علي بس لا تثقلين تراك بدل ما تكحلينها بتعمينها .. كلميه تحذررررررررررررررررري إنك تقاطعينه او تتهربين منه ردي عليه و كلميه بس برزانه .. بس أول ما يراضيك و يبدى بالرضوه على طول افتحي له المجال ولا تراه بيعافك و بيعاف مراضاتك و المره الجايه الي بيغلط فيها لا بتشوفين رسالة اعتذار ولا هديه ولا حتى وجه نادم ..
هذا إن كنتي باقيه على زوجك و تحبينه و تعرفين قدره اما اذا على قولتك العزوبيه ابرك خذيها من قاصرها و خلك ببيت اهلك لا تردين
زرجي قهرررني والله كرهته ابي شوركم
متابعة النقاش، صفحة 9


