شاركي في النقاش

سجلي الدخول لإضافة تعليق.

التعليقات

42
  1. @ryaan_1

    الله يعينج ويصبرج ان شاء الله

    صراحه ذكرتيني في نفسي وصج مثل ماقالو البنات خلي الدكتوره تفهمه

    لانه لما يجي الكلام منها بيصدق بس لما يسمعه منج يحسبج تتدلعين

    صدقيني نفس الي صار لي ماصدقني لين قلت للدكتوره وهو جنبي وش التغيرات

    الي تصير في نفسيه الحامل وقعدت تشرح وهو يسمع وعقبها صار يتحمل عصبيتي وتقلب مزاجي

    بس حطي في بالج لازم بتجي مره بيطلع من طوره وبيعصب في هالحظه انتي حاولي تهديه وتصبري

    وانتبهي البيبي ماله ذنب لازم تهتمين في نفسج وتغذيتج لانج عقب راح تتعبين انتي والبيبي

    والله يسعدج ويتمم حملج على خير
  2. @drcafe

    ياختي شده وتزول مجرد تخلصي الرابع راح يخف كل شي:) انا لما كنت حامل كان يجيني حالت صياااح بدون سبب وكنت اكبر السوالف وافهمها على كيفي لدرجة اذا تذكرتها الحين اضحك على روحي اقول صدق كنت مجننننننونه مادري وشكان في مخي اتوقعه في ذاك الوقت كان متعطل او فاضي وكنت اذا ودي اصيح ادخل الحمام واصيح على راحتي واللهم صلي على محمد تقل مذبوح لي احد بس كنت ارتاح بعده :42: بعدين امسح دميعاتي:icon33: واطلع كان زوجي يدري بس يخلي روحه كنه ماشافني
    احمدي ربك انت عند اهلك متى مابغيتي رحتي غيرتي جو عندهم انا موعندي ورزقني الله اهل زوج مايحبو الاجتماعات ابد :( فكنت رهن البيت الا ان تفضل ابو الشباب وطلعني بس الحمدلله لما دخلت الخامس خفيييييت زانت نفسيتي وشهيتي بس نصيحه لك قللي وقت الفراغ عندك اشغلي نفسك نظفي اطبخي اتفرجي على التلفزيون وقري قران وقري كتيب الافاده فيما جاء من اوراد الولاده فيه ادعيه للحامل ولي في بطنه والله يييسر عليك ويقر عينك بولدك يارب:icon28:
  3. @mona_alroo7_1

    فترة الحمل فترة جدا رائعة استغليها استغلال جيد

    نكد وصياح بس

    الرجال عموما مايحبون النكد وضيقة الخلق

    على طول زعلانة ومبوزة

    وين يقعد يحق له يطفش

    وبعدين بدل االصياح والدموع

    فكري شلون تخلين هالطفل يكون اسعد طفل بأمه وابوه

    كلمي زوجك وخبري عن الطفل وشلون تربيته واحتياجاته حتى يشاركك في همومك

    بالله عليك اذا وصل البيت وانتي مادة البوز شبرين وين يكلمك وتقولين مايحبوني

    اذا كلمك عصبتي فيسكت افضل

    من وجهة نظري حاولي تغيرين في معاملتك وقللي الشك والغيرة والحمل كلها 9شهور وكل شيء يرجع الى وضعه من جسم وهرمونات

    الحين الحمل بتقولين هرمونات

    وتالي تولدين بالسلامة وبتقولين هرمونات وتعب وسهر

    وشوي الولد ولا البنت تكبر وبتقولين جنوني

    يلقاها هالزوج منك لو من من؟؟
    الله يسهل عليك ان شاءالله

    وييسر امورك

تابعي تجارب أخرى من هذا القسم.