:(
بسم الله الرحمن الرحيم
السلام عليكم ورحمة الله وبركاته
أنا مشكلتي مشكله واتمنى تلقولي حل _ أنا وزوجي نحب بعض بدرجه ماتتصورونها بس عيبه انه انقيادي لأهله حيل وخاصه أمه لدرجة انه صار يمد ايده علي بضرب مبرح ويتلفض علي بأبشع الالفاظ ويسبني ويسب أهلي وامي دقت على امه وفهمته اننا عارفين ان تغير زوجي علي منه وقالت والله لأخليه يطلع الدم منه وقبل اربع شهور صار مشكله بيني انا وزوجي عاديه وكنا في بيت أهله ودخل علينا ابوه ولعني وشتمني وقال لي كلام ماينقال ولايقوله رجل بكامل قواه العقليه وزوجي واقف لايهش ولاينش ويبتسم ابتسامة خبث وكنا متفقين انه يوديني لخوالي بنفس الديره الي فيها أهله ويجي اخوي ياخذني لأهلي ومن هذاك اليوم وأنا عند أهلي زعلانه وغيرت رقمي علشان مايكلمني بس وحده من جماعته علاقتي فيها قويه كنت ادق عليها وتدق علي من الرقم الجديد وزوجها أخذ رقمي وأعطاه زوجي وصار يرسلي رسايل يتوسل لي اني ارجع وأنا ماأدري وش أسوي امي تبيني اتطلق تقول الحياة معاه مستحيله بس انا احبه حيــــــل
وأبوي يقول لازم يغير شقتنا لانه قديمه حيل ويغير الاثاث لانه شاريه اثاث مستعمل ولازم هو يجي ياخذك وزوجي ماراح يجي علشان أهله مانعينه يجي ياخذني يقولون هي راحت تجي بنفسه وألحين بعد ماعرفتوا مشكلتي قولو لي حل يريحني لأني والله العظيم احس صار فيني حاله نفسيه دايم جالسه لحالي ودايم زعلانه ومتضايقه حتى صارت نفسيتي مسدوده عن الاكل
مع العلم اني متزوجه لي بس سنتين ولي ولد عمره سنه
ساعدوني ارجوكم عسى ماتحتاجون مساعده من أحد ويهنيكم ويسعدكم
وشـكـــــــــــــــــــــــــــــــــــــــــــــــــرآ
:( :26: :(
شاركي في النقاش
سجلي الدخول لإضافة تعليق.
التعليقات
76- حبيبتي أنا مع الشــوق يذبــح
بس بصراحه تصرف ابوك عين العقل
كــذا يخلي زوجك يعرف قيمتك وقدرك وأن وراك رجــال
ولاتـخالفي ابوك ابد ومثل مازوجك يمشي ورى أهله على
احسابك انتي خلك قويــه ..
وتقدرين الحين تعبرين بسياستك وشطارتك تكسبين
زوجــك بمسجــات وكــلام مصارحه بينك وبينه
وأن شاء الله ربي يسخره لج وترجع الامور الطبيعتهاا
وزوجك يحتاج تاخذين وقت معاه لان من كلامك ان ابوه
تصرفاته غير محترمه فالولد على ابوه ..
والمثل يقول : (زوجك علي ماتعوديه ... وابنك علي ماتربيه )
واعذريني حبيبتي على صراحتى ..
تحيــــــــاتي ... - يا بعد عمري
انا كاتبة مشكلتي من يومين
اقرايها واستفيدي
ونصيحة من مجربة
دام انه مد يده عليك وابوة شتمك وسبك
وانتي عند اهلك
اياك ثم اياك ترجعين
يبغاك
ميت فيك
الله لا يهينه هو يجي ويراضيك ويحقق لك مطالبك
لا تغلطين غلطتي
تراه والله يطمع فيك اكثر
اقراي موضوعي واستفيدي
تراني انا ندمااااااااانه لاني سكتت عن اهانتي
اول كان بالمشاكل يمد يده علي
الحين عالفاضي والملياااااااااان
نصيحة والله من قلب
خليه يجي ويلكم ابوك وارجعي بشروطك
وغير كذا بيت اهلك ابرك لك
ولا تكلمينة من وراء علم ابوك
وجوالك غيرية واللي عطتهم الرقم اقطعي علاقتك فيها
موفقة يا رب
والله يحفظ ولدك ويقر عينك بشوفته رجااااااال - والله مادرى اش اقول غير الله يعينك
- الله يفرج كربك بس خليك قوية وارجعي بشروطك مو بشروطه
والا مثل ماقالوا بيت اهلك اكرم لك ونصيحة اختي لاتكونين عاطفية زيادة عن اللزوم - الله يكون بعووووووووونك ..
ادعي ان الله يكتب اللي فيه الخير وييسره لك .. اميييييين ..
طبعا اكيد لاترجعين من نفسك ...... .
لازم تحسسينه انه غلطااااااان وهذي مو اي غلطه .
وعلشان اذا كملتوا انشالله على خير مايكرر غلطه ..
المهم .. ادعي ,, واسخيري
مواضيع مشابهة
تابعي تجارب أخرى من هذا القسم.