شاركي في النقاش

سجلي الدخول لإضافة تعليق.

التعليقات

76
  1. @rya_o_skynh

    بقولك قصة وحده زي قصتك ولما وقفو اهل معها زي اهله اخذلتهم وراحت مع زوجها الخبله احبه واموت فيه وشوق وما شوق
    مات ابوها وهو غاضب عليها امها ما تكلمها اخوانها كرههوها
    وهي
    عاشت حياة اخس من الي قبل ذل اكثر اهانه لا تنقطع سب وشتم على مدار الساعه ضرب في كل دقيقه
    ليش لانها ما عزت نفساها ولا سمعت كلام اهلها مع انهم كانو بياخذون حقها منه ثالث مثلث هو بنفسه قال لها انتي لو عندك كرامه ما رجعتي بس انتي الان ذليله وحتى اهلك الي وقفو معك تخلو عنك نك عصيتيهم وجيتيني انتي بلا كرامه واخرتها تزوج عليها وحده مطلقه 3 مرات ولما قالت ليه انا اصغر واحلى وذي اكبر منك ومطلقه قال تطلقت لان عندها كرامه
    لا تصيرين نسخه ثانيه منها ولا تخسرين ابوك وامك عشانه واتذكري الزوج بداله الف زوج بس الاهل ما بدلهم احد والي مالها عزوه سهلة الكسر
    ويكفي ان ابوه سبك يعني وش تنطرين لين ولد جيرانهم يتجرا عليك بعد ويسطرك
    اشتري كرامتك اشتري كرامتك اشتري كرامتك
    خلي ابوك يتصرف وغيري رقمك ولا تعطينه احد خليه يحس انك بايعه وهو اخر همك وانك قويه
    واذا تطلقتي مو مشكله ولا هي اخر الدنيا وبتعيشين سعديها على الاقل عندك كرامه
    اسفه على الاطاله بس بصراحه بطيتي كبدي ودي اشوفك واجرك من شعرك
  2. @barby_alrfaaa

    غيداء عبدالله
    امحق شوق بيذبح استغرب من البنات اللى تشكا وتصيح زوجى سوا واهله سوو واخرتها بيذبحنى الشوق عليه قلتى انه يمد يده علشان امه تدخل وابوه سبك وشتمك وهو مثل ما ذكرتى واقف يبتسم بخبث علشان دق عليك قال ارجعى حنيتى
    ياحياتي ....
    أعرف ان اشوق يذبح :(
    بس اذا ماعزيتي نفسك ماحد راح يعزك مااقول لاترجعين بس ارجعي بقوه ....
    -لا تكلمينه من ورى اهلك ....
    -خلي ابوك يتفاهم معه عشان يعرف ان وراك حد .....
    -فهميه ان يغير الفاظه الشينه (هذا الشبل من ذاك الاسد) :angry2:
    -واهله خلي اهلك يوقفونهم عند حدهم ....
    -وخليه يعرف انك ماراح تسمحين لا ليده ولا لسانه انه يسببون لك ألم مره ثانيه .....:icon33: :icon33:
    وعليك بالدعاء حبيبتي ترى والله مافيه مثله من الحين أبدي بالدعاء وان شاء الله بتشوفين الفرق ياحياتي ...
    والله يوفقك ويكتب لك الصالح امين..
  3. @amal_bsyth

    عزيزتي الرسول عليه الصلاه والسلام يقول :بما معنى الحديث لو كنت امر احد ليسجد لاحد لامرت الزوجه لتسجد لزوجها)فهدا دليل على وجوب طاعة الزوج ولكن في ذات الوقت وصى الرسول الرجال بالنساء خيرا في كل شي التعامل واداء الواجبات وانت تقولين بانك مشتاقه لزوجك ولاحد يقدر يلومك فربما ترين به اشياء نحن لانراها وطلبتي من كل اخواتك في المنتدى المشوره وماقصروا جميعهن وانا عن راي لاتبادري وراء زوجك فمن المفروض ان يبادر هو للصلح وعودة الحياة كما كانت ولكن زوجك لم يفعل فلما تسعين وراءه والمثل يقول:( من باعك بالرخيص بيعه بالغالي )فانت تنتابك هذه الحاله واقصد الشوق ربما لعدم وجود مايشغلك فحاولي شغل اوقات فراغك واتركيه هو من يسعى وراءك من غير طلب منك او من ابيك ليكون اول تنازل منه واعتراف بخطئه واطيعي والديك تكسبين باذن الله وكلما شعرت بشوق تذكري مافعلوه بك وقولي لنفسك الصبر الى ان ياتي يوم ويعود لرشده باذن الله واكثري من اللجوء لله والله يكون بعونك ويبارك لك في صغيرك ويجمعك بزوجك ان كان هذا خيرا لك اميييين ونحن دائما ندعو لك ولكل مكروب وقلوبنا مفتوحه لسماع اي حديث للتنفيس منك
  4. الله يعينك
    تدرين انتى طيبة الانك ماكرهتية بعد كل اللى سواة فيك
    استخيرى واطلبى من الله الفرج احنا ناس مثلنا مثلك ماننفع الله وحدة بيدة النفع
    وقوليلة مثل منتى تسمع كلام اهلك انا بعد اسمع كلام اهلى
    بس لاتذلين نفسك عشانة وتأكدى ان اهلك مايسون الشى الا لمصلحتك ويشوفون شى انتى ماتشوفينة الانك تفكرين بقلبك لكن هم يفكرون بعقلهم
    حاولى تشغلين نفسك ولاتفكرين فية واذا فكرتى فية اذكرى اشلون ذلك واشلون انة انسان ضعيف عشان تصيرين قوية
    ودام الحين عرف رقمك فرصة انك تستغلين هالنقطة فهمى بالمسجات انك عايشة مكرمة ومستانسة وقوليلة انى سرت استحى اقول سوالفك لاهلى الانها تفشل مومصدقين انة فى شخص خواااف كانة طفل خلى يستحى من عمايلة
    ولاتنسين قيام الليل والدعاء والله يسعدك

تابعي تجارب أخرى من هذا القسم.