ربة بيت جديده ومتوهقه " تساعدونها" وتكسبون ثوابها ؟؟!

بالنسبه للمطبخ

المواعين :
* لازم يكون عندك سفرتين وحده لاستخدام البيت والثانيه للضيوف
*وكذلك طقم الملاعق والسكاكين والشوك لازم اثنين وسكاكين كبيره لتقطيع السلطه والدجاج والخضار
*والبيالات والفناجيل والترامس لازم اثنين وطوافير التقديم
* كاسات شئ للبيت وللضيوف وكاسات عصير
* اكواب لك ولزوجك
*وطبعا القدور خذي احجام متوسطه وصغيره لاتاخذين كبيره مره ما تستفيدين منها واجد
*وقطاعات خذي 2 وحده للدجاج واللحم والثانيه للسلطه
*إذا كنتي ما تحبين تقطيع البصل بيدك فيه اله صغيره تقطعه لك نسيت وش ماركتها
*غلايه مويه خيارات كثيره اختاري الشكل اللي تحبيه واللون اللي يناسب مطبخك
*صياني تيفال او قزاز اللي تحبين تطبخين فيها اشتري منها وخذي احجام مختلفه
*بلندر هذا حسب رغبتك فيه خيارات كثيره قدامك فيه اللي يجي معه اشياء كثيره او بلندر لحاله
بس من تجربتي احس اللي بلحاله افضل لان الكبيره تاخذ مكان وغير كذا صعبه بالتنظيف وانتي توك متزوجه مااظن بتحتاجينها إلا لو انتي متعوده عليها في بيت اهلك
* العجانه لو انتي ما تحبين تعجنين بيدك بس انا ماعمري جربتها
* توستر عندك اشكال مختلفه وكذلك حماصه الخبز
* عصاره ممكن تاخذين اليدويه علشان الليمون
* مبشره
* مدق للثوم
* ملاعق غرف
* ملاعق الطبخ الخشب او اي شكل تحبين مفك العلب المعدن وقشاره البطاطس والجزر
*مقلى جيبي لك 3 احجام واحد كبير شوي هذا خليه للقلي فقط والمتوسط والصغير خليه للطبخ
وغربال او مشخله فيه اشكال كبيره وستيل للمكرونه بعد سلقها ,,, وفيه الصغار السلك علشان تغسيل البقدونس والذي منه
* صياني كبيره شوي تشيلين فيها صحون الاكل
* شبك للبصل والبطاطس
* زباله للمطبخ ( وانتم بكرامه )
* فوط تمسيح
*علب بهارات
* علب للشاي والقهوه والهيل
وطبعا الفرن والمايكروويف وبراده والثلاجه <<<< نصيحه خذي الثلاجه والفريزراللي تجي مقسومه بالطول ارتب شكل ومنظمه
هذي بالنسبه للمطبخ والمحلات عندك العويس ولو شئ للضيوف مملكه المرأه قبال العويس يقولون فيه اشياء حلوه ماعمري رحت له وايكيا والدانوب وهوم بلازا

والاداوت الكربائيه عندك اكسترا والكترو اسعارهم ارخص من الشتاء والصيف

بالنسبه للغساله لاتاخذين اللي تغسل وتنشف مع بعض خلي كل واحد لحاله اقوى للغسيل اولا
وثانيا بعض الملابس مايصلح تدخل النشاف مثل الغتر وبعض الملابس الملونه يخربها النشاف

انا عندي كلفينيتر غساله تنشف الملابس بنسبه 80 % " تطلع كانها معصوره "
وفوقها نشاف لو حابها تنشفين

يبي لك تشترين منشر علشان الغسيل والطاوله الكوي والمكوى وانا ابي اسال عن المكوى البخار وش احسن شركه
<<<<<<<<<<<<<<<<<< تكره الحوي :(
بالنسبه للاكل والرز والشاهي اشتريها قبل باسبوع .... والخضار والفاكهه بنفس اليوم لانها تخرب ولا تشترون كثييير خذي من كل شئ كم حبه لان الخضار تخرب بسرعه

بالنسبه للمنظفات لغشيل الملابس انا احب اريال وتايد
وللمطبخ للصحون فيري اللي بدون ريحه <<<<<<<< ما تحب ريحه الفواكه
وتنظيف المطبخ جف وكلوركس كم نقطه والعملاق الاخضر

وللحمامات جف و تايد والعملاق الاخضر

وارضيات السيراميك شهريا اغسل البيت بصابون ويوميا امسحه يا داك او العملاق الاخضر

وللخشب بليدج
وللقزاز اي شركه

<<<<<<<<<<<<<<< تموت بالعملاق الاخضر ريحته حلوه ومنعشه
واشتري قلفز شئ للمطبخ الخفيفه
وشئ لدورات المياه الثقيله
ويبي لك شطافه ومكنسه بعصا خشب وجردل المويه اللي معه عصا <<< علشان تمسيح السيراميك
وبلاستيك صغيره للصابون
واسنفنج

إن شاء الله مااكون نسيت شئ يمكن الاغراض ملخبطه لاني كل ماتذكرت شئ كتبته :)
ولي عوده لو نسيت شئ وذكرت ....

والبنات مايقصرون معك

ام يوسف
تسسسسلمين مشكوره الله يوفقك

.
.

غيوض
لبى قلبك والله وربي اني اقرا لامي ردودك وهي مبتسمه قلت ادعي لها يمامي من قلبك < تراني قلت يمه بس اتميلح هنا loooool
الله يوفقك ويخليك لعين ترجيك على قول اميمتي

.
.

قرموله
ابشررررررررررررررري الله يسهل
هذا الي ابيه بما انكم مجربااااااااات تسلمون لي
وربي يرزقك بكل شي تتمنينه ياقمر آمين

.
.

ريماز
حي الله الغاليه
تعاااااالي ذكرتيني ابي هذي الي فيها مكنسه وماء وكفرات من تحت احسها سهله واذ خلصت منها ارجعها بمكان في المخزن مثلا مابي المنظفات بالحمام يعني اجمعها فيها
وين بضبط الاقي هالاشيا الي كذا ؟

وبجرب الرز وفروج الذهبي احس جعت < ياشين الرجيم الي تعرفينه :o

الله يخلي لك عصافيرك ويسخر لك شايبك قولي آمين

.
.

الجوهره اللماعه
علميني بتجربتك معهااااا وربي يسهل
ماقصرتي ياقمر

.
.

ترتر
ماعندي خوات ياقلبي الا صغيرونه عمرها سنتين الا شوي بعد :icon33:
مشكوره

.
.

timoon
بعض الاجهزه عندنا ماعجبتني مثل غساله الملابس عند اهلي ماحبيتها وامي تقول انها ممتازه
مدري انا الي ماعرف ولا امي تعودت عليها

تصدقين تحمست اشوف نمارق هذا وين فيه موقعه ؟ كثير مدحوه
تسلمين لي لا خلا ولا عدم

..
.