ياحرام تدرون اني الكبيرة واصلا كل خوات العريس ثنتين ؟ (واللة اني اكسر الخاطر)

احنا في زواج خالى سوينا اغنيه للاطفال وطلعنا كل اطفال القاعه وطفينا الانوار وخلينا النور بس على الكوشه وكانو الاطفال يرقصون مع الاغنيه ووزعنا عليهم العاب حلوه صغار وعرايس مره تزنن صغيره ومعها حلويات في اكياس صغار الى فيها حبل من الطرف ينشد حطينا فيها العبه والحلاوه وحطينها كلها في ثلاث سلال كبار ووزعنها على نهايه الاغنيه تقريبا
والله مو متذكره وشي الاغنيه بالظبط بس اظنها مصريه
او حطي انشوده احسن زي ياطيبه عاد انتى حره
وتراها ماتكلف شي يعنى كم كرتون حلاو اوشكولاته مارس القطع او اي شي مع اللعاب ابو ريالين يعنى لو عندك 100 طفل يبالك 200 ريال العاب والحلاو ب50 ريال اعتقد يكفي (لان مو انا الى شريت الاغراض مومتاكده) اي صح نسيت الاكياس او يمديك تلفينا بنفسك في البيت اشتري القماش الى مخرق ذا مدري شسمه ههههههههه حق التغليف وقصيه مربعات وبعدين اربطيها بشريط ملون خلي للبنات لون وللاولاد لون ثاني
ان شاء الله اكون افتدك
دمتم بود

مرحبااااااااا00 بصراحه ماعندي افكاااار00 بس اذا انتي محتاره وماعندك خلفيه عن التقديم00 ليش ماتروحين لمحلات الحلويات وكوش الافراح 00 في محلات متخصصه بالتقديم 000 وتشوفين وش عندهم من جديد اغلب محلات الكوشات يبيعون صناديق فخمه وانتي تختارين نوعية الحلاو ويكتبون على الحلاو اسم العريس والعروسه00 وممكن تروحين لمحلات يسوون هدايا بسيطه للحضور --ممكن تروحين لابو ريالين وتاخذين من عندهم شغلات صغيرونه ممكن صناديق صغيره وتحطين داخلها ورد مجفف وتحطين دهن عود00او تاخذين كريستالات صغيره وتطبعين عليها اسم العريس والعروس
معليش شكل افكاري قديمه بس لانو من زمان عن المناسبات00 بس الي اشوفه في الزواجات انهم صاروا يقدمون صواني كبييييييييره وفخمه حاطين فيها اشكال والوان من حلا الباي 00 وعصيرات مشكله وحلويات وا وا وهذا الي عندي

اتمنى اني افدتك000

أهم شي بالزواج يكون مرتب و(مافيه أطفال ) أستغرب العالم اللي يسمحون بدخول الأطفال بزواجاتهم ,, أساسا العالم ماتتجمع الا بعد 10 فتنوم عيالها وتجي الله لايهينها أنا صديقتي كانت توها طالعه من النفاس وقالت لي مااقدر اجي الا وبنتي معي قلت لها اسمحي لي والله انا ودي بجيتك بس الأطفاال حتى بنات عمي الصغاار ماراح يجون وأساسا هذا نظام القاعه يعني الموضوع مو بيدي (عن الاحراج )

الشي الثاني تكون الكوشه حلوه ورايقه وابعدي عن التكلف طبعا المحل اللي يصلح الكوشه يمسك الصاله من الى وأقل شي الصاله نفسها والمدخل ( دورة المياه وانتو بكرامه مايبيلها شي ممكن انتي تسوينها )

ثالثا : التقديم , وبنصحك نصيحه بلاش حركة الشمعدانات اللي فيها حلا وموالح عالطاولات مرررره قديمه خلو الطاولات تكون صغيره وعليها الترامس بس والضيافه يدورون فيها العاملات طبعا تكون مشكله

الشي الثالث : الطقاقه / عندك أميرة الورد / وفرقة آهات / وغزيل / وأم أماني

والعشا طبعا تبع الصاله

والدارج بها الفتره (الأوف وايت / والذهبي ) مررره فخم وكلااااس

أتمنى أكون أفدتك وان شالله يطلع زواجكم مرتب ومميز :26:

لقيت هالموضوع يمكن يساعدك والله يوفقكمhttp://forum.hawaaworld.com/showthread.php?t=802479

* قلوبي*
جزاك اللة كل خير فعلا موضوع الاخت كان اكثر من رائع
جزاك اللة الفردوس الاعلى
.
.
سلااااااااام
افكارك حلو ومعلومات جيدة ماقصرتي
جزاك اللة الفردوس الاعلى
.
.
في حياتك من أنا
فعلا فكرة حلوة اناشاكرة لك
جزاك اللة الفردوس الاعلى
.
.
gr8
فلا هذي فكرة جديدة على ماعمري حضرت زواج فية هذي الفكرة ان شاء اللة انفذها
جزاك اللة الفردوس الاعلى
......................

تحياتي للجميع
.
.
.
انا بانتظار افكار الجميع
يلة همتكم هذي مو خاصة لي لكن الجميع يمكن ان يستفيد واكيد كل وحدة منا عندها مناسبة في هذي العطلة
يابنات الكلية تراكم خلصتم يلة وينكم