تجمع جديد لمواليد يناير وفبرايرومارس 2008.. >> يرجى الانتقال إلى ملف جديد

مرحبا يا mariaa تسلمي حبيبتي و الله يبارك فيكي
انا اللي صار انو التبويض كان متأخر و هدا اثر على موعد الولادة عشان هيك احسبي من 10/4 صار الحمل مو الدورة و هيك بتكون الولادة تقريبا 15/1 باذن الله

مرحبا حبيبتي توتا
ربنا يعوضك خير انشاء الله

يا عمري يا توتا
الله يكتبلك اللي فيه الخير يارب

صباح الخير يابنات..........:27: :27:

اشفيكم كذا مكسلين كل هذا وحم :09: ياساااااااتر صحصحوا شوي وخلونا نشوفكم على الشاشة

هههههههههههههه<<<<<<<< اقصد في الموضوع الظاهر انا اكثر وحدة ادخل اكلم نفسي واطلع

شكلي بأنجن على اخر عمري :lick1: .....

المهم يابنات واش اخباركم وكيفكم مع الوحم ؟؟؟؟؟؟؟؟؟؟؟

يابنات بأقول اخباري امس والله انها تضحك ههههههههههههههههه

طبعاً تدرون اني من قبل امس وانا نفسي في (عصيدة ومرقة)وامس لما جاء زوجي من العمل قلت لة

شوف اليوم بعد صلاة العشاء تجيب لي من المطعم عصيدة ومرقة قال لي طيب انتي بس تدللي عاد انا

ما صدقت قلت وبأروح السوبر ماركت بأشتري عصيرات وفواكة قال قولي وش تبغين وانا اجيب لك

قلت لا لازم انا اروح واختار قال لي طيب ومن فرحتي بالعصيدة ما تغديت وفي العصر قلت بأنام اشوي

واصحى واحاول انام مافية فايدة بطني يطلع اصوات واشوف العصيدة والمرقة قدامي<<<<<صرت

مثل توم وجيري المهم ماقدرت انام صبرت نفسي بجلكسي وبعد صلاة العشاء رحت السوبر ماركت

وزوجي حطني قال بأروح الحلاق وارجع لك وبديت اقضي ماهو اتي:::

(7 أكياس بطاطس شيبس كل الانواع- 4 كراتين عصير برتقال-جوافة-راني-الجواهر الثلاث غير

الجوالين يمكن 4 مشكل -منغا -برتقال -داناو بالخوخ والمشمش -لبن -زبادي -رحت على الكاكاوات

اخذت كرتون كاكاو مارس - وكرتون كاكاو ملكي واي الازرق طبعاً غير مقاضي البيت الثانية

والاساسية (الرزوالسكر والزيت والحليب والصابون والمعلبات والدجاج والمناديل والمنظفات والخضار

والفوكة ....الخ)والعربية طفحت وما عاد قدرت ادفها وانا باقي ما خلصت وحطيتها على جنب وجبت

عربية ثانية ورحت قسم الفواكة وبديت احط الخضار وجاء زوجي :arb: قال ماشاءالله كل ذا الوقت

بس هالاغراض <<<<<<مسكين ما يدري بالعربية الثانية اللي طافحة وقاعدة تستنجد قلت امش خلنا

نكمل الفاكهة وحطيت كرتون برتقال وموز بطيخ وشمام ومشمش وخوخ وبخارة حمرا وبخارة صفرا

وكرز وفراولة وتمرالمهم يابنات والله انكم لو تشوفوني تضحكون علي امشي وألقط يمين وشمال كأني

مفجوعة :42: والا داخلة مجاعة والمشكلة انا ألقط وعيالي الصغار يلقطون من جهة بطاطس

وحلويات ....الخ

طبعاً الاخ اكتشف انة في عربية ثانية تنتظر عند الحساب وانا خليتة يحاسب ورحت للسيارة ......طبعاً

طلع الحساب حدود 2000 ريال وجاء زوجي يقول وش هالمقاضي حتى الهندي يقول بابا انت فية يفتح

بقالة هههههههه قلت هو وش دخلة يعني الواحد ما يقضي <<<<<<عاد موبهالشكل كنهم مفاجيع

خخخخخخخخخخخ

المهم بعدها قال ها وين قلت عالمطعم نشتري العصيدة ورحنا واشوا لقينا المحل مفتوح والا لو مقفل

يمكن كان سويت عملية انتحارية في السيارة قال كم يكفيك صحن واحد قلت لااااااا جيب 3 قال ياساتر

بتأكلين الثلاثة كلها قلت تراني جيعانة حدي واخذنا العصيدة وقال بأحطها ورا قلت جيبها قدام عند

رجولي قال علشان ما تحرقك قلت يازينة من حرق (واصلاً السيارة ما عاد تقدر تتنفس من كثر

المقاضي لا الشنطة ولا المقعدة اللي ورا هذا وهي جمس كيف لو سيارة صغيرة)خخخخخ وما صدقت

وصلنا البيت واحط العصيدة والمرقة واتبحبح عليها لين بغت تطلع من اذاني:23: وحسيت اني ما عاد

اقدر اتنفس وما أكلت الا صحن واحد قال ذبحتيني تقولين جيب 3 صحون وفي الاخير تأكلين واحد بس

قلت لاتخاف بأشيل الباقي لبكرة وهذي سالفتي وسلامتكم ......:26:

بس نصيحة لله يابنات لا تروحون تقضون مقاضي وانتم جيعانين علشان ما تصيرون مفاجيع مثلي.....

ادري طوادلت عليكم بس من يوم جيت كل ما اتذكر نفسي وشكلي في السوبر ماركت كأني مفجوعة:p

اضحك على نفسي ...........

Habibat Alush اعتقد انة طبيعي تروح الام الظهر والبطن والله يتمم لنا ولك الحمل ياااارب...

وينكم يابنات مختفين باااونتي - ماريا - مروة - عزيزة بدينها - ام فارس - انوار البحرين - قلب البتول -

الطيبة دوما-بنت قطر -الوطن الحر - بيتي-بوب -bestfuture - امة الواحد الاحد -ام حنيفة - ونبت

الوسم طمنيني اش سويتي في موعدك؟؟؟؟؟؟؟؟؟

نداء للجميع بدون استثناء حركوا الملف لا تخلونة راكد سووا لة رياضة وخلوكم نشيطين

شوي (الله يعينكم على الوحم والنوم)...........