أمهات البنات السنعاااات يفزعوووووون لنا

هلا وغلا ياقلبي وياعسى ربي يثبتك ويثبتنا على طاعته قولي امين وماشاءالله على بنتك ياليتني من صغرهن بديت معهن المشكله ماحسيت بهالشي الامتأخره لا وابوهم يساعدهم على كسلهم توهم صغار توهم على الشغل لاحقين على الهم <<< مايبي غيرها تشيل الهم يااااااااااااارب سااااااااااعدني

هلا موضوعك مفيد على اني ماعندي بنات

بس بغيت اشارك بطريقة امي بالتربية

على هذا الرابط

http://forum.hawaaworld.com/showthread.php?t=858541#Scene_1

صباح الخيراااات
موضوع روووووعه
مفيد لنا ولبناتنا
انا عندي اربع بنات الله يحفظهم
الكبيرة ماشية بال 16
والثانية بال 14 واللي بعدها 12 والصغيرة 7 سنوات
من صغرهم وهم يساعدوني باعمال البيت
واتبع نفس طريقة الوالدة
اوزع الشغل بينهم
يعني الكبار كل يوم على وحده فيهم تنظيف المطبخ بالكامل تكون هي مسئولة عنه
والثانية بيكون عليها غرف النوم والصالة
والثالثة بتساعدهم الثنتين
الصغيرة المداخل غالبا ما يكون فيها شيء

اما الطبخ الكبيرة من صغرها تحب تطبخ وتتفنن الان ماشاء الله عليها
اما الثانية فبالقوة حبته لانها كانت ما تطيق تسوي شيء <<<<اللي تسوي اي طبخة تغسل مواعينها خخخخخخخخ
وحببتها فيه بالمديح بدت بالحلى والان من حالها تبتكر شغلات حلوة

اما الثالثة تساعد بالسلاطات والعصير لاني اخاف عليها من الغاز فيها طفقة بعدها ما ركدت

لاتقولون على بناتكم صغيرة وبدري
بالله الى متى بتظل صغيرة والشيء اللي بنزرعه فيهم من الصغر بيكبروا عليه
اذا طلبتوا منهم شيء معين لاتقولين لها وخري او تساعدينها لا ابدا
اتركيها تكمل عملها لوحدها وامدحيها بصدق
واذا عملت طبق خلي ابوها يثني عليها وخذي منه لبيت اهلك
واذا رحتي محل مواعين خذيها معك تشتري وتختار اللي في خاطرها
بكذا تكون عندها ثقة بنفسها وما فيه احد يتعلم شيء ويتقنه الا اذا كان واثق من نفسه
الموضوع رائع بحق لكني مشغولة بالغداء الان ولي عودة بإذن الله

مشكوره ياقلبي ماقصرتي وربي يرزقك البنت اللي تملا حياتك وتذوقين نفعها آآآآآآمين

ماشاءالله تبارك الله عليك وعلى بناتك بصرااااااحه اتمنى اوصل لهالمرحله اللي مااشيل هم بنتي لادخلت المطبخ الى الان اخاف عليهم من الفرن بس الله يقدرني ويقدركن على تربيتهن
مشكوره على افادتك يالغلا