مرحبا يالغوالي
كيفكم أن شاءالله تمااام وكيف أحوالكم مع كروشكم ومواليدكم يارب بخير ...
يالحبيبات أنا حبيت أنكم تشاركوني بأرائكم من باب الخبرة لصاحبات الخبرة
ومن باب المعرفة للي توهم في الطريق بس درت وش جنس جنينها
وخصووووصاً اللي جربو الحمل بابنات
عارفة طولت الهرجة وهي قصيرة :angry2:
المهم أنا حامل في الخامس وهذا حملي الثاني الأول جبت ولد وتقريبا أذكر كيف كان حملي به
وكيف كانت حركته ونفس الوقت ماكانت تفرق عندي ولد أو بنت أهم شي الخلقة الحسنة
وحملي هذا خاطري في البنت مررة وقعدت أراقب نفسي من حملت وأقرا الفروق في حمل البنت وولد
وأطبق على نفسي ومن ظمن ماقريت
أن حركت البنت تكون أسفل البطن وعالجنب اليسار وهذا اللي صاير معي (( وفرق عن حملي الأول ))
وبرضو البنت كأنها تسبح ورفسها خفيف وهذا اللي حسيت به (( الأول كان مرررة حركة كثيرة وواااضحة للي يشوف بطني )) مدري يمكن تقوى الحركة الأشهرالجاية ..؟؟
وبطني هالمرة مو كبير مرة مع أني تقريبا بنهاية الخامس (( والحمل الأول بنفس الشهر كان أكبر ومكور ))
وبرضو ؟أحلامي دااايما أحلم أني جبت بنت ومرة حلمت أن أمي تعطيني 500 ريال وتكررت الـ 500
في حلم ثاني ومرة حلمت بولد لابس غوايش ذهب ..
وأمس الأحد رحت مراجعة وسألت الدكتورة إذاممكن يبن في الأشعة أولا قالت يبان حاولت تعرف بس ماوضح
وقالت عادتاً الولد يبن على طول أما البنت ماتوضح بسهولة ((وهذا الكلام قريته بالمنتى )) .. فقلت في بالي أن شاءالله تكون بنت ..
وزيااادة على هذا كلة عندي أحساااااس قووووي أني حامل ببنت ما أدري ليش ..؟!!
وعالعموم أهم شي حسن الخلقة والعقل سواء بنت أو ولد واللي يجي من الله حياه الله ولا ني معترضة عليه أبد كله رزق ونعمة من ربي الله يرزق كل وحدة تتمنى يارب ...
وسامحوني لوكثرة عليكم الكلام لأني أبيكم تشاركون أحاسيسي وتوقعاتي
وترا مواضعي قليلة بالمنتدى عشان كذا من حقي أخذ راحتي معكم .. ومن حقكم علي أني أسولف عليكم لأن تشتاقووون لي أكييييد :42: <<<< ياشيييين الثقة ضفي وجهك أحسن
المهممممم وش رااايكم وش تتوقعون ..؟؟؟؟؟؟
شاركي في النقاش
سجلي الدخول لإضافة تعليق.
التعليقات
27- اتمنى ربي يرزقك باللي تتمنينه انا ماعرف بهالسوالف والله وخبرتي فيها جدا قليلة مع اني مجربة الحمل بولد مثلك بس ماعرف الفرق بينه وبين حمل البنت وان شالله البنات يفيدونك ياقلبي
- الحركة مالها دخل في نوعية الجنين يعني انا عندي بنت يوم كنت حامل فيها بصراحه ذبحتني بكثر الرفس الله يصلحها يعني مو شرط الحركة
فيه طريقه حلووووه قالتها لي وحده الله يجزاها خير وهي انك تقرين سورة الفاتحة سبع مرات على بطنك بحركه دائريه من عند السر اذا حسيت ان فيه شيء يطلع على فوق يقولون ولد واذا حسيت شيء تمدد بيكون بنت والله اعلم - هلا والله وغلا حبيبتي.. انا والله ماادري ابدنننننننننن بالسوالف ذي لانه اول حمل لي..
بس انشالله تصير بنت علشان تفرحين فيها :)
وصادقه يقولون الولد على طول يبين عكس البنت بالأشعة..والله اعلم :) - والله من واقع تجربتي بحملي بثلاث بنات والرابعه في الطريق
احس كل وحده حركتها تختلف عن الثانيه ووحمي بها غير
الله يرزقك ان شاء الله باللي تتمنين
واهم شي الخلقه التامه والصلاح :) - أتوقع بنووووته يا نساايم و خاصه انه في نهاية الخامس و قالت مو واضح ان شاء الله يرزقج باللي تتمنينه يا رب..
أنزين جا دوري أسأل انا الحين انا لما كنت في نهاية الثالث قالتلي الدكتووره ولد قلتلها كم في الميه قالتلي 90% و عالاسبوع سويت أشعه مره ثانيه عند دكتووره ثانيه و الحين انا في نص الخامس و قالتلي 90% ولد بس انا ما شفت الأعضاء لانه نظري خاني لحظتها ههههههه يعني الحين خلاص أكيد انه ولد و الا اسوي مره ثالثه والا شو رايكم و يا ريت تردون عليا و مشكورين.
مواضيع مشابهة
تابعي تجارب أخرى من هذا القسم.