سنسن
إيه يا عم المواضيع الجميلة دي ,,,,,,,,,,, ربنا يحميكي ويثبتك على دينه
أم أنجل
وأزيدك : نقول رجل (مصيب) والمرأة (مصيبة).
كلبوزتي :
إيه اللي شاغلك عنا ياجميل ,,,,,,,,,,, أنا الولاد بدأوا الأسبوع ده وحيخلصوا يوم التلات اللي جاي
أم أكرم
خدي دي
ابني آخر يوم في الدراسة ,,,المدرسة عملت ليهم حفل تخرج ( من الأعدادي )وقلت لأبوه لازم تروح علشان فرصة تسال على مستوى الولد , ماكدبش خبر وفعلا راح , ولما رجع جري قلت له : ها الأساتذة قالولك إيه ,, قال لي كانوا حيطيروا من الفرح , طبعا أنا عدلت الياقة بتاعتي ( مش أمه )
المهم كمل كلامة : أبنك يا هانم هو اللي جهز للحفل بالكامل ,,فقرات الحفل وعرض البورجيكتور
قلت : وحضر لي ده كله إمتى ,, قالي في أسبوعين المراجعة
قوليلي أصوت ولا أنكش شعري ويقولوا الوليه اتجننت
يعني أهم أسبوعين ( ويعالم يمكن أكتر ) وحضرته مش بيحضر دروس , وعامل فيها شهم وبيحضر لهم الحفل ,,,,,,,,,, ولما أكلمه, يقولي متخافيش حنجح ( طبعا مش حاطط في دماغه في مجموع أصلا )
وتعالي شوفيه يوم النتيجة
والله يدخل فاشخ بقه ( كأنه فتح عكا ) وماسك النتيجة ,, منظر واحد جايب 99 في الميه
ولما تقوليله إيه يابني المجموع ده ,,,يقعد يحلف إن فلان جايب 50في الميه وفلان مش عارفة جايب كام ,, أقولة طيب شوف الناس الشاطرة , يرد وأنا مالي بيهم
مافيش أي طموووووووووووووووووح , بيبص بس تحت رجله
لو قلتله شوف أختك ,,,, يقول : ماهي بنت وراها إيه إلا المذاكرة
معلش مش حقدر أكمل الضغط على عليا, بس إللي عندها حل تدلني
بنات مصر فى الغربة( الطيور المهاجرة)
متابعة النقاش، صفحة 86