السلام عليكم
بنات هلي من النوع المعقد
زواج من برا القبييله مافيه ""صعبين بمعاملة الخطاب ويفصفون ابوه لدرجه ميب معقوله
عاد الحين متقدملي واحد من برا القبيله كلمتني اخته وقالت شوفي اهلك نجي ولا مانجي لاننا خايفين من الكسحه قلت لامي ومارضت اصلا تقول لابوي وتطلع فيهم عيوب مع انهم مافيه شي وهو رهيب
ولا ودي يفوتني وانا استحي اكلم ابوي واخواني>>هذا اذا ماكان رايهم زي راي امي
انا ماني صغيره عقدوني كل احد يرفضونه قريب بعيد مع اننا عاديات مايفرحون مثل باقي الناس مدري ايش اسوي معهم انا ابيهم على الاقل يسألون عنه وامي ماجابت سيره لاحد لانها هي ماتبيه
ولا تقتنع تقول منتي داريه عن شي الرجال ذيابه وليش مخذ من قريباته واكيد فيه ومافيه
تخيلوا تقول تاخذين الثالثه من جماعتك ولا الاولى من برا
وخواتي يستحون يكلمون ابوي قلت لهم واحده بتخلي زوجها يسأل عنه بس وش الفايده وهذا تفكير امي
والمصيبه مايقنعها اكبر رأس
بنات ادعولي يعدي الموضوع على خير ويتم انا طفشت خلاص
مدري كيف زوجوا خواتي الكبار
الله المستعان
دعواتكم بنات تكفووون
والحل مع امي بالذات ومع العايله كلها بهالخصوص
شاركي في النقاش
سجلي الدخول لإضافة تعليق.
التعليقات
56- شوفي اختي شوفي احد يمون على ابوك وله قدر وكلمه عنده وخلي واحد من ازواج خواتك يكلمه عشان يتوسط او ان الرجال اذا كان من جد يبيك يكلم هالرجال عشان يكون واسطه خير
انا يوم اتزوج من زوجي كان يبيني وابوي رافض لانه مو من قبيلتي فراح زوجي وكلم واحد من قبيلته وواحد من قبيلتي يمون على ابوي واقلطو عليه ووافق ابوي مع العلم اني كنت مطلقه ماني بكر
والله يوفقك ويرزقك بالزوج الصالح والذريه الصالحه - الله يسهل امري وامرك يارب
- هلا سارا
انتي اول شي استخيري واذا حسيتي براحة لهالشخص
خلي اقرب وحدة من خواتس لامتس تكلمها وتقنعها وتقولها ان الوحدة موب كل يوم يجيها واحد بهالمواصفات وكل ماكبرت كل ماقلت فرصها بالزواج يعني من هالكلام لعل وعسى انها تقتنع
واذا عاندت خلي لتس موقف قولي انا ان مااخذته ماراح اخذ غيرة<<<< قلبنا فلم مصري
وانشاء الله انها راح تقتنع
اهم شي انتس تجتهدين بالدعاء
والله يوفقتس ويكتبلتس طريق الخير نوووض هلا سارا انتي اول شي استخيري واذا حسيتي براحة لهالشخص خلي اقرب وحدة من خواتس لامتس تكلمها وتقنعها وتقولها ان الوحدة موب كل يوم يجيها واحد بهالمواصفات وكل ماكبرت كل ماقلت فرصها بالزواج يعني من هالكلام لعل وعسى انها تقتنع واذا عاندت خلي لتس …
مانقول الا الله يفرج لك ..
والقدر والدعاء يختلجان في السماء فعليكِ بالدعاء ,,
والله نود ان نساعدك بحلول لكن ستبقى حلول تنظيريه تطبيقها احينا يكون صعب عليك نفسكـ
لكن مافكرتِ تلتجأين لله وحده .. الدعاء هو حلك الوحيد .. بيد الله لا بيد الخلق ...ممكن نواسيك نعزيك
لكن استحاله ان نحل لك مشكــلتكـ
حينما تتقلبين على فراشك في الليل قولي لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السموات و رب العرش الكريم ..
اللهم رحمتك أرجو فلا تكلني إلى نفسي طرفة عين ِ و أصلح لي شأني كله لا إله إلا أنت ". " الله ، الله ربي لاأشرك به شيئا
ثم ادعي حاجتك والله يسر لك امرك- الله يكتبه لك ان شااااء الله ’’’
مواضيع مشابهة
تابعي تجارب أخرى من هذا القسم.