زوجي بيطلقني الحقوووني وش اسوي

السلام عليكم ورحمة الله وبركاته

بنات زوجي قلب علي فجأة واليوم صارحني انه يبي يطلقني عشان يرتاح وما يبي يعذبني معه

انا متزوجة من 11 شهر بس وكان زواجنا زي العسل حياتنا وكل شي ماشي تمام

واول ما تزوجت كنت في بيت لحالي جلسنا 9 شهور بعدين قال نبي نرجع عند الوالدة بالبيت

احنا من تزوجنا واخواته مسوين مشاكل من لا شي وغيررررررة ليش يحبها تحمد ربها انه خذاها

مع انه ما فيه زود علي كلنا عيال عم

صار مشاكل وامه ما انصفتني بس ما قدرت اقول شي عشانها امه

اخر شي من اسبوعين تقريباً مسكته امه وجلست تبكي عنده وتسب فيني ليه مدري

مع ان معاملتي معاها مرررة كويسة واحترمها وحتى لما صارت مشاكل مع اخواته ما تكلمت وبلعتها وسكت

الرجال انقلب بعد كلام امه ما صار يحترمني زي اول وصار يجرح بالكلام

ويعاند ويستخف بكل شي ويسوي اشياء ما ادري عنها اتفاجأ لما ادري

اخر شي قالي اليوم انه ما يرضى يعذبني معه واحسن شي نتطلق عشان يرتاح ويريح

وعشان لو حطني بينه وبين امه بيختار امه طبعاً

يقول اعرف ان ربي بيعاقبني ويمكن ادخل جهنم عشاني ظلمتك بس شي في نفسي ما اقدر اضغط على نفسي اكثر

مع انه يقولي ما فيني عيب وما عمري عصيته ومقدر هالشي بس حجته ما يبي يعذبني معه


بنات وش رايكم وش اسوي

والله الدنيا ضاقت بي مقدر اقول لامي بيضيق صدرها واخاف يدري ويكبر الموضوع

وش اتصرف ساعدوني الله يخليكم

وادعولي تراني محتاجه دعواتكم

88 تعليق 22,537 مشاهدة

شاركي في النقاش

سجلي الدخول لإضافة تعليق.

التعليقات

88
  1. @miss_music

    الله يكون بعونك و يسخرلك زوجك يا رب

    اتقربي من حماتي و شوفي شو اللي مزعلها منك
  2. @am_good

    الله يسهل أمرك
    و يختار لك اللي فيه الخيرة

    أكثري من الاستغفار و قول (لا إله إلا أنت سبحانك إني كنت من الظالمين) و دعاء تفريج الكرب
  3. @rhooobh

    والله يااقلبي من جد غرررريب تصرف زوجك .... موو معقوول يتنازل عنك بسهوووله ... الزواااج مو لعبه ... وليه ام زوجك شايله عليك ؟؟؟ اذا كنت تعاملينها زيييين لييش ماتبيك ؟؟؟؟

    احس فيه شي غااااامض بالسالفه ؟؟؟؟
  4. @mshroaa_fylsof

    مابيدنا الا الدعاء لك في ظهر الغيب

    اطلعي معه على انفراد وتكلموا بشكل اوضح واوسع في الموضوع وافهمي قصده وخاصة هالجملة الغامضة


    انت هالحين اتصلي على شيخ من اللي يصلحون بين الازواج

    والشيخ يكلم زوجك رجل لــ رجل ويفهم منه وشو هالشي اللي بنفسه .

    وبعدها يصلح بينكم .

    ودخلي اعقل اخوانك بالسالفه عشان يكلم زوجك ويتفاهم معه ويآخذ منه سبب مقنع .


    او كلمي مفتي عشان تشوفين وش حكم انه يطلقك عشان يرضى امه .

    وكمان حافظي على الرقية الشرعية يمكن خواته فطنوا لكم ولحبه لك

    و ضروكم من حيث لايعلمون ولاتعلمون


    الله يعينك وابدأي بتصرف من الآن
  5. @sarab911

    شوفي حبيبتى لايرد القضاء الا الدعاء ادعي والحي على من هو ارحم بك من امك
    حاولي تجلسين معاة وتتفاهمين وياة وش تبي امه منه ليه ما هي راضيه عنك واساليه وش شايف منك تقصير يوضحلك وقولي له يعنى ان طلفتني بتتزوج ثانيه وامك بتسوى معاه نفس الشى
    قولي له امك على عينى وراسى بس حرام تظلمني عشانها يعني لو بنكم طفل ليه يتبهدل بينكم
    قولي له ان اصر ابروح ارتاح عند اهلى وانت فكر زينى وخبريه ان طلقك عشان امه تراة ظلم وانك بتدعين على اللي ظلمك وتراى عندة خوات ما اظن ان ودة تكون وحدة من خواته بنفس موقفك خليه يحط وحدة من خواته محلك
    الله يسخرة هو وامه وخواته لك ولاتخافين ما دامك ما قصرتى بحقه وحق امه ومعاملتهم بما يرضى الله فالله لايرضى بالظلم

تابعي تجارب أخرى من هذا القسم.