عرض زواج محير

بنات اول مرة اكتب هنا بصراحه
هذي مشكله صاحبتي ولا عرفت احلها لها ولا اعطيها حل يريحها قلت انتم ممكن تساعدوني
اولا هي تقريبا عمرها 30 ولاتزوجت للأن بدون سبب الا انه النصيب ماجاها يمكن هي واهلها اجتماعيا ماعندهم علاقات كثير وهي تشتغل الحين ومعتمده على نفسها مشكلتها انه ابوها متزوج وشبه منفصل عنهم ولا له علاقة فيهم ويجيهم نادر وهي مالها الا اخو واحد اصغر منها وله حياته مثل كل الشباب ساكنه ببيت لحالها مع امها كبيرة بالعمر واخوها الشاب وابوها لو جاهم بس وين المشكله
تبي تتزوج ولما تأخر نصيبها اتصلت على خطابه وفعلا جاها عن طريقها 2 واحد عمره مقارب لها ولكن يوم شافها قال لا لأنها زايدة الوزن
الثاني كبير جدااا بالعمر 60 ووافقت بس عشان يكون لها بيت وحياه زوجيه ولكن بعد شافها ورفضها عشان وزنها بصراحه ذيك الفترة انهارت وحاولت بس بصراحه مانزلت وزنها وهذا غباء لأني احاول اقنعها انه الوزن وشكلك مهم حتى لو شخصيتك ممتازة
الشي اللي ابي استشيركم فيه هو انه هي تعرفت على انسان من فترة متزوج ويبي يتزوجها بس الصراحه زواجه غريب يبي يتزوجها مثل المسيار بس يدفع مهر ويملك وبعدها يطلعون مع بعض
وهي ببيت اهلها ساكنه واهله يدرون والعالم يعنى شبه مسيار هي رفضت وقالت صعب افاتح اهلي على الأقل توفر شقة قال ماقدر والأمكانيات مع انه بصراحه ماعليه راتبه جدااااا ممتاز والمشكله ناوي بالصيف يسافر مع زوجته وعياله ويتكلفون حول 25 الف ان مو اكثر بعد مفاوضات قالتله على الأقل استاجر شقة وفرشها يكون بعدين بس قدام اهلي فيه شقة فيه استقرار قال اوكي ابدور كلميلي اهلك ابتقدم هو بصراحه شافها وعارف شكلها يعنى مو معترض على الوزن ولا على شي ثاني
هي ترددت حست انه عرضه للزواج مو مريح صارت بين نارين العمر يجري والعررض يقلل منها وحيرانه مووووت هو عطاها مهلة تفاتح اهلها وتحسم امرها وهي مو قادرة وهو قالها اذا لا قولي عشان ينهي عرضه ويبعد عن حياتها؟ انا ماعندي راي انتظر ارائكم انتم