السلام عليكم ورحمة الله وبركاته
اشتقت لكم يابنات ... الحمدلله رجعت من السفر ( فرنسا تجنن ) .. وحابه اكتب عن سفرتي شويه عشان اللي بتروح تستفيد .. وخصوصا الحين الصيف ببدايته ........
باريس حلوه ماشاءالله وشغلها ميه ميه
بداية حجزنا قبل السفره بفتره واستعنا بدليل سياحي اصله مغربي وهو في فرنسا اتفقنا معاه واحنا بالكويت
المهم ورحنا المطار وسوينا شغلنا كله وركبنا الطياره طبعا ع الخطوط الجويه الكويتيه واقلعت فينا متجهة الى باريس مرورا بجنيف ترانزيت ساعه وبعدين اتكمل رحلتها الى فرنسا... تستغرق الرحله حوالي 6 ساعات ونص انا وزوجي وولدي قعدنا بالطياره وخلونا نصور وصورنا لين قلنا بس اللي بتسافر انصحها اول شي تحطه الكاميرا لوووول
انا اقولكم نصيحه خذو معكم بلاي ستيشن وكتب للي طبعها ملول مثلي وخذو حبوب منوم اذا معك ولدك مثل ولدي هههههههه طبعا ضبطت عمري وقعدت عند الدريشه حق المناظر الخلابه وانتي بالطياره
واقلعت طائرتنا الى فرنسا ... في رحلتنا راح نمر على عدة دول منها بغداد :)
و تركيا ...تم بوخارست ومن وصلنا حاشتنا موجه شديده من المطبات الهوائيه والغيوم كنت بموت من الخوف لولا القرآن اللي على اذني اسمعه وشكل الطياره يجنن بوسط هالغيوم
ومرينا على ايطاليا
وشفت جبال الألب واااااااو ... وعقبها دخلنا جوووو سويسرا وعقبها جنيف
طبعا ماتتصورين المناظر من فوووووووق والله روعه صدقتو يوم قلت لكم اهم شي الكاميرا
والبيوت تبين كأنها كراتين ملووووونه عجييييييييبه
وطبعااااااا بدت تنزل الطياره ( انواع الدلع )وطبت بالمطار وريحنا تقريبا ساعه بالطياره مانزلنا عشان نكمل رحلتنا الى مطار جارلز ديجول في باريس وعب الراحه طارت طيارتنا الى باريس ....وطليت من الدريشه جان اسمع زوجي كاااااهي باااااااااااااريس
ونزلت الطياااااااااااره وهبطنا بسلام الف الحمدلله ماشاءالله الجو يجنن رووووعه
المهم اول ماوصلنا استقبلنا الدليل ركبنا بالتاكسي ( سيارته ) متوجهين الى الفندق
ووصلنا تقريبا الساعه 7 ونص الصبح بتوقيتنا وصلنا وزوجي سوا اجرائات للفندق طبعا انا طوالي على الدريشه ولا ششووووووف وااااو منظر وقسما بالله رووووعه واهم شي جمام سبحه وافكاري تودي وتجييييييييييب زوجي قال يالله نروح نتريق = نفطر .......
قلت لا ريوق ولا بطيخ بنااااااام هو قعد مع ولده وانا رحت بسابع نومه بملابس وبنطلوني حتى الحزام مافسخته :( من التعب
وبعد نومه عميقه من التعب مال الطياره طبعا الدليل ماقصر .. طبعا عاد أول مايخطر في بالكم وين رحناااااا ..؟؟؟؟؟ الشانزليزيه :) ياملحي
ورحنا انا وابو الشباب الشانز ... وشفت القطار اللي تحت الأرض ...
واختكم طوالي على محلات LV ماتتصورون اشكثر كبيييييير وضخم
دخلته وشريت اشياء بعدين دخلنا مطعم لبناني واكله حلال الحمدلله تغدينا كان يوم راااائع
وهناك وااايد مقاهي وناس رايحه ورااااده
ورحناااااا
قوس النصر ... ميدان جارلز دي جول .. وبالليل بالفندق اتفقت معاهم وسويت مفاجأه لزوجي عندهم خدمه مميزه حيييييييييييل
اليوم الثاني رحنا ميدان الكونكورد اللي قبل حدايق تريلوي لعبنا بلعبه الدائره الكبيره وهي بالفعل كبيره طبعا انواع الدووووحه وولدي راكب معانا واكتشفت انه ماخاف ههههههههه بس يقول ابي ماي وتسلط علينا ابي ماي :(
المهم رحنا برج ايفيل وقصر اللوفر وشفت لوحه الموناليزا هههههههه مادري ليش طق مطاقق بيصورون ماعجبتني <<< حلفي
لوتشوفون اشلون محاوطينها ومشددين الرقابه عليها وحجزنا مركب كان وايد وناسه بس رجعنا لى الساعه 7 المغرب توقيتهم صج فللللللللللله ...وبعد رحنا بالباص المكشوف
للعلم الجوله عن طريقه شركه Bus Azur و سعر الجوله الكامله للشخص 2.55 يورو من محطه Quai Laubeuf لغايه محطه Palm Beach
واسواقهم هناك تدخلين ماودك تطلعييييييييين والله صرفنا صرررف :42:
المهم رجعت لكم وان شالله كلكم تستانسون مثل مانا استانست واي سؤال انا بالخدمه ...........اي سؤال !!! واي نصايح ...؟؟؟ :26:
تجمع بنات فرنسا و كل ما تحتاجين معرفته حول فرنســــــا ** France *** حياكن المولى
متابعة النقاش، صفحة 80