شاركي في النقاش

سجلي الدخول لإضافة تعليق.

التعليقات

33
  1. @mshtak_lk

    أنا نفس الشي كانت بنتي متعبتني بالمصاصه لدرجة إنها متخليني أشيلها من فمها وإذا بس طاحت الله لايوريكم تقولون قنبلة أنفجرت في البيت وخلاص أنا طفشت من هذا الحال كل وحدة تشوفني تقولي أيش هذا بنتك على طول هالمصاصه فمها خلاص عمرها صار سنه ونص ولين الحين ماتركتها بلاهم مايدرون ماذا تعني لأبتني؟؟ بس سبحان الله يابنات بنتي من النوع اللي يقرف من أي شي وأنا أستغليت هذا شي ضدها أيش تتقعون أني سويت أخذت المصاصه وغمستها في البهارات حقت الأكل وخليتها مكشوفه وكل ماتبغى تطلبها طالع في شكلها وتقرف بس على فكره في البداية تذوقتها والحمدلله من بعدها تركتها بس تعبت معاها ثلاث أيام ... معليش أخواتي طولت عليكم بس حبيت أفيدكم بتجربتي مع بنتي والمصاصه وإن شاءالله قدرت اساعدكم والبنات إن شاء الله مايقصرون .......
  2. @shawakha

    انا في بنتي .. من البداية علمتها تاخذها بس لن بقت تنام.. ومن تنام اشيله من فمها..
    ويوم وصلت تقريبا سنه ونص.. كان الدكتور واصفلي فيتامين لها كان سائل وريحتة وطعمة سيئين جدا... فخليت المصاصة في متناول يدها بس بعد ماحطين نقطة من الفتامين عليه.. فلما بقت تنام في فترة النهار عادي مثل كل مرة جابت المصاصة تبقي تحطها في فمها فتذوقت الفتامين وماستحملت رمتها في القمامة.. وجات قعدت في حضني ونومتها بهدوء.. في الليل تعبتني شوي .. عطيتها وحدة نظيفة يوم خلاص تعبت وما قامت حتى تركز..
    ثاني يوم نفس الشي عدت الكرة بس في الليل كان متعب أكثر من اليوم الأول ... بس عطيتها المصاصة الموجود عليها الفيتامين.. فما ستحملت .. وخلاص تركتها... يعني وقت النوم صار اصعب بس مع الأيام تعلمت تنام بدونها.. بس المشكلة كانت لما تشوف طفل ثاني في فمة مصاصة .. تقعد تشوفه .. وتكسر الخاطر .. بس اقولها المصاصة طعمها كريهه ولهيهه بش ثاني..

    بس الفتامين له مقدار معين في اليوم.. فلا تكثرين منه لانه راح يظرة .. وانا كان من المفروض اعطيها الفتامين من قبل الدكتور.. فضربت عصفورين بحجر واحد..
  3. @november

    اختي اولا ابدي بالنهار امنعيها ابدا لا تخلينها تشوفها واذا سألت عنها سوي نفسك تدورين او تبينين لها ان المصاصه ضايعه لا تقطعينها وتعطينها لان نفسيتها بتتعب وبتقعد تصيح تبي غيرها وفي الليل نفس الشي كلميها ولعبيها لين تنام ...شي طبيعي انها بتصيح وبتتضايق وبتعبج وايد في البدايه ...

تابعي تجارب أخرى من هذا القسم.