ابني عمره سنه وشهران
ومدمن على مص ابهامه وابغى اقطع هالعاده جربت الفها خلاص كبر يفكها ثم يمص
المشكله انه ماينام الا اذا دخلها فمه
وكمان مايحب اللهايه يرميها من فمه:04:
ايش الحل
شاركي في النقاش
سجلي الدخول لإضافة تعليق.
التعليقات
5- أختي أنا ولدي الكبير عمره الحين ست سنوات و شوي , و بطل عن هالعادة تقريبا قبل تسع شهور ... اشتريت له دواء من الصيدلية مثل طلاء الأظافر طعمه مر و ما يروح الا بفرك الأصابع بالصابون .. و الحمدلله بعد اسبوع بطل عن هالعادة .. بس مدري يمكن ولدك توه صغير على هالدوا اسألي الدكتورة اذا ممكن تستخدميه أعتقد اسمه "ستوب" stop .. و هو لعادة قضم الاظافر و مص الأصبع ...
و طبعا حيتعبك كم يوم و يمكن يزعجه طعم الدوا و لا ينام كويس لين يتعود .. لازم تتحملي كم يوم قبل لا يكبر و تصير عادة , نصيحة لا تهملي الموضوع لأني ندمت لما طنشت ولدي ... - اختي ليش تساهلتي مع ولدج لما كان عمره بالأشهر
تدرين انا بنتي لما عودتها تنام بدون قماط (لف ) عمرها كان 3 شهور
بس بعد تركها للف لما انام اشوفها تمص صبعين مب صبع
وكانت تمص كانها ترضع والوراثه تلعب دور لان ابوها مص ابهامه لين 6سنوات
وعمتها الصغيره تمص بعدها
قلت لا والله دامها صغيرة ما بخليها تمص على الاقل قبل ما تكمل الست الشهور اقدر اتحكم فيها
والله اني بديت الف ايدها وقت النوم ووقت انشغالي عنها الفها لف عدل واحيانا احط استيكه عليها(بتقولين قاسيه)
هب مشكله المهم ما تمص والله الطفل لما يكبر بيحصل انتقاد من الكل لا عيب لا تمص صبعك انته كبرت
وش العادة الوسخه ...............ألخ
الطفل بيتعب
فقلت اقصرها من اولها
والحمدالله بعد 3 شهور بديت اختبرها فترة الظهر لما تنام انا احيانا ما انام فما الف ايدها واراقبها
فبفضل الله ثم بفضل اصراري تركت مص الاصبع و ارتحت نفسيا
ما ابا بنتي تكون مثل عمتها اللي بين فتره وفتره تحصل هواش من العيله عشان مص الاصبع
والحمدالله على كل حال
للعلم( الكل كان يحبطني انها وراثه وما بتقدرين عليها وخصوصا لما كملت قريب شهر ونص اشوفها بعدها تمص بس انا تحديت الكل والحمدالله الله وفقني)
فكري في معاناته لما يكبر
تأخرتي وايد بس بعد حاولي معاه
بنت خالتي تركت بنتها مص الاصبع لما كان عمرها سنتين حطت على اصبعها اللزقة مال اللف اللي ما تنشل بسهوله و لفتها عدل وخلتها يوم كامل
واليوم الثاني شلت اللزقة على اساس يرتاح صبعها وبعدها ردت لفتها يوم ونص ولما شلت الزقة الجلد شويه ينشل مع الاصبع فشكله يخوف
فخافت البنت من صبعها وما عادت تمص
اتمنى تستفيدين من التجارب اللي عرضتها عليج - مشكورين اخواتي والله يعين
- مراحب ياحلوين
بصراحه اول مره اكتب بهالمنتدى الرائع وفي هالموضوع بالذات لأنكم عن جد دقيتوا على الوتر الحساس
بنتي الله يحفظها عمرهاخمسه اشهر ويدها على طول بفمها وتمص في هالأصابع والله معورة قلبي ودي أسوي لهاشي بحيث تبطل هالحركه السيئه وش تنصحوني فيه
مع العلم إني أم جديدة ومو عارفه شي - حتى انا عاني نفس المشكلة مع بنتي وعمرها 3 شهور ونص حتى المصاصة صرت اعطيها وماتبيها
واتمنى البنات يفيدونا .
مواضيع مشابهة
تابعي تجارب أخرى من هذا القسم.