شاركي في النقاش

سجلي الدخول لإضافة تعليق.

التعليقات

39
  1. @am_aaboood_1

    ورد البحرين كفت ووفت الدكتوره منى الشرقي بمستشفى الاستقلال التخصصي بسند
    زينه ومتفهمه وطيبه واايد اسعارها مثل اي عياده
    الرسوم 15 دينار الالتراساوند 15 دينار التحاليل 12 دينار والفايل 10 دينار كل دشه
    يعني بتخسرين حوالي 25 دينار كل شهر لانك بتروحين مره بالشهر
    واذا بتسوين تحاليل سويها بالمركز الصحي ببلاش وعرضيهم عليها ما تقول شي
    وترى اذا قالت بنت يعني بنت واذا ولد ولد مشاءا الله تعرف تميز من الرابع
    الله يوفقج يا انوار وييسر لج حملك
  2. @thlg_onar

    هلا انوار

    انا اتابع في العسكري.. لاني رحت المركز الي تابع له زوجي ولاعت جبدي منه صراحه

    للحين دخلت على الدكتورة مرة وحده ولاعرفت نظامهم بالضبط

    بس اسمع يمدحون دكتورة هدى شريدة هناك في الخاص.. انا قلت اذا صادتني مشكلة وياهم هني او شي بروح الخاص بس الحين بتابع عندهم عادي.. لان تعاملهم حليو وكل شي عندهم ومنظمين ..

    المركز رحت موعد واحد وبعدها حولت للعسكري ولا رحت وتوهم متصلين عقب 3 اشهر يسألون ليش مارحت!!!! هذا اهتمام؟؟؟

    والعسكري كان ذاك الاسبوع يوم موعدي عندي امتحان ولا رحت.. مارجعت الا عندي اتصالات ارقام ماعرفها واتصالات لزوجي وعمتي تقول لي متصلين المستشفى ويقولون لازم اروح اخذ موعد جديد ضروري.. يعني شوفي الفرق!!

    بس بغيت اسألكم عن سالفة جنس الجنين؟؟ انا سويت التراساوند وقالوا لي ولد.. بس ابي اتأكد الحين عشان ابتدي اجهز.. شنو احسن شي غير الالتراساوند؟؟ لان سمعت عن شي تصوير ثلاثي الابعاد مدري شنو ماعرف اسمه ولااعرف عنه شي؟؟
  3. @mraoy82

    ^^
    تبين اكيد اكيد اكيد تعطيج جواب
    فوزيه كمال

    يوم انا حامل كل الدكاتره قالوا لي مشيمتين الا هي مشيمه وحده ويوم ولدت طلع صج
    هي تسوي 4D بـ 25 دينار
  4. صاحبة الموضوع
    && ورد البحرين&&
    العفو اختي.. ولو حاضرين وما سوينا شي.. اهم شي حصلت منك دعوة حلوة يمكن في عالم الغيب تستجاب.. ويا رب تروحين عندها وتعجبك, لا اتفشل هههههههههههههه يالله اعطيك نسبة 90% انك راح ترتاحين لها وال 10% علمها عند الله.. على العموم إذا احتجتي لمس…
    هلا حبيبتي ان شاء الله بروح عندها وتلحقيني بعد شهر يارب ما تطولين على بال ما تحملين


    انزين عندي طلب بسيط ممكن تعطيني وصف دقيق لموقع العيادة لأني بصراحة لا ادلي


    لا برادات ولا صيدلية رويان ......خاش باش ما كاني ساكنة في البحرين..ههههههههه


    انزين بقولج اذا اني جاية من الشارع الرئيسي الا فيه وزارة الاعلام ومركز المعلومات على


    يميني بيجيني عقب دوار اللي صوب مركز المعلومات اروح سيده الدوار والا الف على اليسار


    عشان ادخل داخل سند ؟؟


    ياريت اتوضحين لي واكون شااااااكرة لج وعذرا تعبتك معاي..
  5. صاحبة الموضوع
    **ام عبووود**
    ورد البحرين كفت ووفت الدكتوره منى الشرقي بمستشفى الاستقلال التخصصي بسند زينه ومتفهمه وطيبه واايد اسعارها مثل اي عياده الرسوم 15 دينار الالتراساوند 15 دينار التحاليل 12 دينار والفايل 10 دينار كل دشه يعني بتخسرين حوالي 25 دينار كل شهر لا…
    شكرااااااااا لج على المعلومات بصرراحة الاسعار عجبتني وايد زينة..


    باخذ موعد عندها هالأيام حق بداية شهر 7 على بال ما اخلص


    اامتحانات المعهد..

تابعي تجارب أخرى من هذا القسم.