يا بنات ابغى شوركم...

السلام عليكم ورحمة الله وبركاته
بصراحة انا اول ماسجلت بهذا المنتدى وانا مترددة في طرح الموضوع لكن الان خلاص صرت منكم وفيكم وابغى مشورتكم مشكلتي هي انه من قبل ثماني سنوات تعرفت على صديقة في الكلية في اول سنة لنا احنا الثنتين وكانت صداقتنا جدا رائعة والاحلى من هذا اني تعرفت عليها من خلال موقف مريت فية وكنت في امس الحاجة للمساعدة وكانت هي اول من ساعدني مع اننا كنا مانعرف بعض في هذا الوقت .
بكيت من قلبي لفراقها في اخرالسنة الدراسية لاني في ذلك الصيف تزوجت وانتقلت مع زوجي لمكان عمله وبعدها استمرت صحبتنا عن طريق الهاتف لمدة سنتين فقط.وبعدها صرت انا اللي اتصل وهي ماتسأل الين في يوم وفي لحظة غضب مسحت رقمها من عندي وانتهى كل اللي بيننا. المشكلة الان انو نفسي نرجع لبعض مع انه الله العالم هي تفكر في والا لا بس انا مانسيتها وافكر فيها كثير والله اعتبرتها في يوم من الايام اكثر من اخت . لكن وينها الان؟؟؟؟؟وانا الى الان اعتبرها صديقة واخت وعزيزة على قلبي جدا
انا اعرف مكان بيتها لاني زرتها مرة وفكرت اروح لها بس كمان خايفة من ردة فعلها. وفي نفس الوقت ماني قادرة انساها .دين واخلاق والكمال لله وحدة . وانا الان ابغى رايكم في مشكلتي واتمنى ماتتجاهلوني.