الي زوجها مو من ديرتها تدخل

انا زوجي امريكي والحمد لله متوافقين مع بعض


































































خخخخخخخخخخخخخخ امزح انا وزوجي من نفس الديره بس اخو زوجي ماخذ بريطانيه هو وياها متفقين مرررررررره ماشاء الله وعلى ان عياله في الجامعه الى الان يواجه مشاكل مع اهله وبصراحه مالومهم
مخلي الدرعا ترعى وضارب في العادات والتقاليد الجدار

انا والله احاتي من هالشي زوجي حظري وانا قبيليه واختلااااف احسه واجد هذا وانا باقي ماجيت بس انا مب حامله هم زوجي لانه متفهم لكن تعاملي مع مجتمعه هو اللي احاتيه

انا زوجي سعودي وانا قطريه...
انا وهو ابد مابينا خلاف.. لكن نظره قرايبه لي مره مزعجتني انو ترك هله وقرايبه واخذ الغريبه..
الحمدالله انا اصل وفصل وجمال ومستوى مادي ممتاز..
لكن مدري ليه هالنظره.. خاصه بيوم خطوبتنا ماحيست بنات عمه حابيني بالمره.. مع اني وربي يعلم بنيتي اني ابي هله يحبوني زي ما احبهم ومابي احد يشيل علي..
خطيبي مره وسيم.. وطويل والحمدالله انا ماعلي قاصر من الحلى لكني قصيره فديام يقولون وش يبي بالهقصيره صحيح انا طولي مو باين مره اني قصيره لكن بالنسبه له كثير وهو مو هامه لكن مرات هالحاجات التافه تقهر مره..
العادات والتقاليد مره نختلف فيها بحكم انو حنا فري وهم متشددين لكن هو متفتح غير عن الباقي..
الله يعين يارب ويتمم لنا على خير

انا واااااااااااااااااااااااااااااايد يعجبني المثل الي يقول "حلاة الثوب رقعته منه و فيه" .. بس ما احسه ينطبق على ناس دول الخليج .. تقريبا كلنا واحد ، و عادتنا بشكل عام متشابهة .. جان فيه اختلافات بين القبايل و العوايل فعادي ، الاخوان الي من ام و ابو واحد يختلفون في بعض الصفات .. عشان جي اقول لاي وحده خليجيه ماخذه واحد خليجي مع اختلاف الدول ان المثل ما ينطبق عليهم لانهم من ثوب واحد

صديقتي امارتيه ماخذه لبناني عن حب و عقب مشاكل و ضرب و هواش و قطيعه .. متوافقين و متفقين في كل شي .. لكن يت السالفه عند الاكل و هنيه ظهرت المشاكل بينهم ، هو يباها تطبخله اكلات من بلاده و هي تبا الاكلات الي متعوده عليها .. يعني شي الواحد ما كان يتصور انه ممكن يسبب مشاكل

بالنسبة لي انا .. انا من قبيلة و زوجي من قبيلة ثانيه .. بعض عوايدنا تختلف ، لكن الحمدلله في تربيتنا لعيالنا ماخذين من القبيلتين احسن مافهيم و مطبقينه على العيال .. ما شاء الله و الكل يشهد عيالنا مميزين عن كل العيال في العيلتين .. انا ما ربيتهم على حسب ما يتربون العيال عدنا ، و هو ما حاول يفرض عليهم بعض الاشياء الي تمشي عندهم .. كل شي شفناه ايجابي مشيناه عليهم

انا احس انه حلو الوحده تاخذ واحد مو من مدينتها تغيير احيانا تكون طبايع اهل مدينتك ماتعجبك فلو اخذتي من غيرهم احسن لك