من فينى ما تتمنئ رضاء الله وترجتي رحمته وتطلب عفوه والسعه بالرزق والتوفيق بالحياة والذريه الصالحه والزوج المحب ويااااااااااااكثر ما نبي من الله وهو ما يبي غير صلاه وصيام وحمد وشكر
انا ما راح ادخل بمواعض والله الحمد فيكم الخير ان شاء الله
بس اخيتكم الي اهي انا
عندي خيال مش طبيعي خيال واااااااااااااااااااااااااااااااااااااااسع اوسع من ذمة بوش وعندي احلام 
يا زيني ساكته بس المهم يا خوياتي ذاك اليوم وكنت منشكحه على الاريكه ((( كالعاده ماعندي الا هي انشكح عليها من وسع القصر )))
جلست احلم واحلم
لو يوم فتحت شنطتي ولقيت فيها مبلغ 10 الاف قلت مالت عز الله هذا اقصى طموحاتي عشرات قلت الا اتخيل يجيني الوليد بنت طلال (( من زين السحنه بيفكر فيني الوليد اها بس اقضبي قردك لا يجيك اقرد منه)) ويقولي هذي بطاقه مفتوح المبلغ فيها ولك مهله يومين بس تشترين الي في خاطرك لو تشترين بمبلغ مليار يووووووووووووه كم صفر
طبعن انا بنط وانقز وطمر وطامر وناقز وارجع انقزوانقز بس بشويش اخاف من الحماس الزايد اصفق بالسقف واقوم من الحلم وحصيلتي فلقه في اعلى القله
طبعن بتقولون وش ابي اسوي انا اقولكم بدون ما اكذب ومراح اقول بتصدق لاني ماني متذكره انعيلاتي البسها من الفرحه بس بخلي الصدقه بعدين لحكمه بتعرفونها بعد قليل
اول شي بروح ادور لي عقارات ابي اشتري لي بيت اسكن فيه وماني منصبه ابيها فلا صغيره تكفيني انا والحبيب الغالي وعيالي
عشان اهل زوجي ما يجون يسكنو معي (( يمه حتى والفلوس مو لي اناحس مدري كيف بيرزقني الله ))وابي اشتري لي شقه في مكه ابي اذا جاء رمضان اروح فيها انا وعيالي
وابي اشتري لي عمارتين سكنيه عشان اجرهم واستفيد من دخلهم كا دخل ثابت
ابي اشتري لي فيلا كبيره عشان اذا كثرت العائله ننتقل فيها وفي الوقت الحالي استفيد منها وا اجرها
برووووووووووح لسوق الذهب وماني مخليه رشرش ولا مرتعشه ولا ذهب ثقيل ماني شاريته عشان اذا اخذ بطاقة اقدر ابيع واشتري ملابس وشنط
بروح محلات المجوهرات الفردان ومعلم و معوض والكوهجي والحرمين ولو انه رافضي بس وش اسوي الماساتهم تهبل وابي اشتري لين ازوووووووووع
وبروح لوكالات اودي واطق سياره لزوجي واروح لوكالة بورش واخذ جيب بورش واروح لوكالات جمس واشتري لي جمسسسسسسسسسسس
وانا راجعه بمر بيت الانصاري واعطيه واخليه ياثث البيت من الى والبطاقه تسحب
اهم شي اجمع اكبر عدد ممكن من الذهب هذي نصيحه
وبمر وكالة سفريات واحجز تذاكر وسكن على ماربيا وكان وجنيف و موناكو والبندقيه نفسي فيها من زمان المهم شهرين بالف اوروبا لف طبعن مع السكن عشان ما توهق ههههههههه
طبعا اذا بعت من الذهب راح اتصدق لانه الذهب لي صار ولو رحت وتصدقت من البطاقه بيكون من فلوسه هو اما لما تاخرت وخليتها لين اشتريت الذهب صارت من حلالي
وانا غارقه باحلامي رن تيلفون والقطه قالت الو الوليد قالي بعينك انا ابو الشباب زوجك منهو الوليد قمت علمته
قالي وش لي قلت لك سيارة اودي قالي والبيوت قلت لااااااااااااااااااااااااااااااا والف لاااااااااااااااااااااااقال ماعندنا حريم يتملكون بيوت قلت حقي معطينه الوليد قالي اص ولا كلمه معاد الا هي وهاوشني :icon33: وجلست اناشق
وعقبها قمت وتعوذت من بليس وقلت مالك الا العشره الي تنزل اخر الشهر واكلي تراب بس وجيت فتحت النت وقلت اعلمكم وابيكم تتخيلون مثلي بنات ابي كل وحده تكتب وش بتسوي لو صار لها مثل ماصار لي
مصدقه مع وجهي