السلام عليكم
عندي مشكله وابغيلها حل واتمنى انكم تساعدوني ..
كييف اتصرف !!!
صديقتي انا وياها من فتره طويله .. وعلاقتنا قويه لدرجه انه امها واهلها يعرفوني ويحبوني
ونفس الشي امي واهلي يحبونها ويعرفونها .. ومن غير هذا كله انها تقرب لي بس من بعييييد
المهم
ندخل فالموضوع
انا من سنه تقريبا ملاحظه عليها انها متغيره .. يعني مثلا يوم نكون فالسياره . هي تتصل في حد
واتقول اهدااء هالغنيه على هالاذاعه اسمعيها .. ولما اسالها منو تكلمين من اتقولي صديقتي
مع العلم انه صديقاتها هم صديقاتي .. وانا واعرف اهلها عدل .. المهم انا طنشت السالفه
دايما لما اجلس معاها تقعد تتكلم فالتلفون والاحظ انها ما تكلم بنت يعني اسلوبها غير وانتو اكيد فهمتوا شو قصدي وهذا دايما يصير
وفي مره من المرات .. خذت تلفونها (( عادي انا اخذ تلفونها وهي تاخذ تلفوني وانا اشوف المسجات والصور وغيره شي عادي عندنا )) قلتلها بشوف الصور فهي فتحتلي الصور اللي هي مصورتها
وتمت تراقبني كل شي تاخذ التلفون وتسالني شو تشوفين .. انا شكيييت الصراااحه استغربت من تصرفها اول مره تقول هالشي .. المهم كملت الشوف .. ودخلت على ملف وليتني ما دخلت
شفت صور ولد .. انا انصدممممممممممت انا متاكده 100% انه مب من اهلها .. انا اعرفهم واعرف اشكالهم .. وبعدين لو كانوا يقربولها ما بتحط اصور في مليون ملف علشان محد يشوفهم
ودايما اشوف اسمه (( الدلع )) في المسجات والمكالمات الصادره واسم دلع ينقال للبنات والاولاد مثل فوفو وغيره من هالاشيا
ومن غير هذا كله
دايما اذا رحت السوق معاها .. اشوفه هذا اللي تكلمه واعرفه لاني شفت الصوره فأعرف الوجه عدل وهو يشوفنا بس اسوي نفسي ما انتبهت والا اعلق عليه واقول شو مشكلته هذا يطالع ما يخاف ربه .. وفي مره كنا بالمطعم وشفته وبعد ثواني اشوف تلفونها يرن ... وكان قبل لا هو يتصل . انا علقت عليه وقلت شو هاذي الاشكال اللي ما تستحي ومن هالكلام .. فهي سمعتها تقول فالتلفوون
هييه التعليقات شغاله وتضحك .. وانا دايما اذا شفته اعلق من باب اني متعمده علشان ابينلها شوي اني اعرف
والمشكله مااشوفه الا اذا كنت طالعه معاها
وهي تحسبني ما افهم .. وانا ما شاء الله والحمدلله انتبه على ابسط الاشيا وادقق بس اسوي نفسي ما انتبهت
ابغي الحل ..؟؟ شو اسوي معاها ؟؟ شو اقوللها ..؟؟ ابغي انصحها بس كيف
انا حاولت كثيير وهي تعرف انه غلط وبنفسها اتقول ..
منو هالبنت الغبيه اللي تكلم شاب وتصدقه .هو يلعب عليها وعلى مليون وحده غيرها
والله اني محتاره اكيد هي تقول هالكلام لانها تبغي تبعد الشك عنها
وانا متاكده انه تكلم واحد من المواقف اللي تصييير وياا كثرها من مواقف بس نسيتها
ارجوكم ساعدووني ..
واسفه طولت عليكم
شاركي في النقاش
سجلي الدخول لإضافة تعليق.
التعليقات
25- صديقتك تكلم شاب
والطريق هذا خطر الحقيها من البداية
كمليها بهدوء وريها قصص ونماذج لبنات مشوا في الطريقق هذا ونهايتهم كانت سيئة
واذا مرةةة ماقدرتي كلمي حد كبير يعرفكم يعني مدرسة او صديقة كبيرة او احد من اهلها
مافيها شيء لاتقولي فضيحة
الفضيحة بتجي لو استمرت في الطريق هذا
والله يوفقك حـجـازيـة صديقتك تكلم شاب والطريق هذا خطر الحقيها من البداية كمليها بهدوء وريها قصص ونماذج لبنات مشوا في الطريقق هذا ونهايتهم كانت سيئة واذا مرةةة ماقدرتي كلمي حد كبير يعرفكم يعني مدرسة او صديقة كبيرة او احد من اهلها مافيها شيء لاتقولي فضيحة …
مشكووره اختي هالرد
صديقتي ادرى عني بمواقف البنات اللي مشوا في هذا الطريج وتعرف مخاطره
بس ما ادري احسبها انسانه لها شخصيتين
مع انهم والله ناس معروفين واهلها مافي احسن عنهم وواثقين فيها
ابغي اكلم اختها .. بس اختها نفسها .. علاقتي بعد قويه مع اختها
وهالاشياء فيها وفي اختها
يعني كييف اتصرف ؟؟- مو حال مستغرب ياكثر مانشوف نماذج والله ونسكت
من جد حال يقهر وانشر بكثره
اسمعي حبيبتي احسن شي بهالحالات المواجهه الى متى تسكتين لحد ماتروح صاحبتك فيها
فهميها وقولي لها اذا يحبك قوليلها يدخل من الباب مو شباك
لاتنصحينها لا الطريقه هذي ماتنفع ابدا
وعيها وافتحي طريق لها مع توجيه بدون نصح - مالك الا انك تنصحيها
حتى لو عرفت انك عارفه
عادي موصديقتك؟
لا تستحي منها وصارحيها عشان ما تتعلق برقبتك يوم القيامه
والله يهي الجميع - غاليتي صديقتك هاذي حرام تتركينها لابد من حل لانها ممكن لاقدر الله تضيع الافضل انك تخلين احد يكلم امها ز
ويقولها وهي تعرف تتعامل معاها لانك ان نصحتيها راح تغبي عليك السالفه وتقول لا وانتي غلطانه وتنتبه اكثر امامك
الافضل امها تدري اكيد بتقولين لا وحرام والله الحرام انها تضيع لاقدر الله
والله يحفظ الجميع
مواضيع مشابهة
تابعي تجارب أخرى من هذا القسم.