حبيبات قلبي بنات وصبايا عالم حواء ..
هل سبق ورحتوا لتايلند ؟؟
زوجي يبينا نسافر لها وأنا والله ماودي أسافر لتايلند .. ودي بالنمسا أو بريطانيا ..أوربا جو حلو وطبيعة حلوة .. وهو رافض هالشي تماماً ..
انتم وش رايكم بتايلند ؟؟ تستاهل المشوار مثل مايقولون ؟؟ وإذا رحت لها من وين تنصحوني أتسوق الشنط وملابس واكسسوارات البنات ؟
ساعدوني الله يخليكم .. لو شفت أغلبكم ما مدحها بلغي السفر هالصيف بشكل نهائي .. وأي المناطق ارتحتوا فيها أكثر .. ؟
:( :icon33:
شاركي في النقاش
سجلي الدخول لإضافة تعليق.
التعليقات
11- اي والله ياريت اللي راحت تايلند تخبرنا عنهااااااا
- تايلند وايد روعة خاصة للعوائل
واحلى المناطق اللي فيها طبعا الجزر بوكيت وشنغماي وبانكوك رحلاتها وايد حلوة بس برا بانكوك نفسها يعني تقريبا ساعة او ساعة ونص عن بانكوك
احنا من سنتين رحنا تايلند كانت الرحلة بانكوك شنغماي بانكوك
والاماكن اللي زرنها
حديقة دريم لاند التقييم روعة
حديقة سفاري التقييم ممتاز
حديقة التماسيح والثعابين حلوة بس خفنا من الثعابين
طبعا في الاسواق المائية يحليلهم يكسرون الخاطر يبيعون شغلات ما تسوى وهم في الماي
في شنغماي الجو كان روعة
رحنا الشلالات
حديقة الفيل وركبنا الفيلة والثيران والسفن المائية بصراحة كانت من اروع الرحلات
وللتسوق
في عدد اكبير من المراكز وغير البزارات وغير الاسواق الليلية
بس نفس ما قلت لج للعوائل روعة تايلند خاصة للاطفال وللكبار اللي يحبون المغامرات
بس بشكل عام جوها اشوي حار
بالنسبة لاوروبا الجو بارد حلو العام كنت في النمسا وزلامسي يا ويلي عليها بصراحة جنة ما شاء الله
بس تبون الصدق ماليزيا وتايلند للعوائل اربش
ان شاء الله - هههههههههههههه اختي السعد وعد الحقيقة فتحت الروابط قبل لا أقول اللي عندي وبالفعل ما شاء الله الرابطين ذكروني بتايلند .. كنت فيها السنة الماضية صراحة اللي يبي يتسوق يروح لها رخيصة بس يدخل أسواقها يرجع الفندق لأن بانكوك وسخة وحر ومطر فجأة.. وتعري وفسوق الله لا يبلانا..أنا عجبتني أسواقهم ومعروضاتهم وأسعارهم لو بفكر أسافر بروح إسبوع بس للف في أسواقهم .. للأسف هالمفاسيخ الأوروبيين يفسدون كل مكان يجون فيه..
بالنسبة للرابط الأول موب صحيح الكلام اللي فيه... صحيح الدولة في قائمة الممنوعات من السفر لها لكن لنا سفارة هناك وسفير وإحنا سفرتنا الماضية كانت في ضيافة السفير سيارة خاصة تابعةلللسفارة السعودية ومرشد سياحي يتقن العربية الفصحى تنقل معنا إلى بوكيت وشنغماي .
وهناك السفارة السعودية لها شأنها في المطارات والفنادق حتى مواقف السيارات ..
عموما الجوفرق بين تايلند والدول الأوروبية لكن الفسوق والتعري بهم كلهم.
موفقة حبيبتي واستخيري. - اختي ادخلي موقع المسافرون العرب -بوابه السفر الى تايلند وبستفيدين كثير
مواضيع مشابهة
تابعي تجارب أخرى من هذا القسم.