أم زوجي عدو يلبس ثوب الصديق

الله برزقك الصبر والتحمل ولا تقطعيهم علشان زوجك واولادك سلام وسؤال عن الحال وامشي واهم شي يكون زوجك معك عشان ما تلحق امه تغلط عليكيعني ادخلوا سوا واطلعوا سوا

الله يعينك يارب ويعوض عليك رجل صالح محب بار لك وافضل شي انك تركتيهم احد يجيب الهم للقلبه
الابتعاد عن الاذى يكون دايم هو الدواء

اختي قلوبي شكرا على النصحية
يبدو ان الكل يقترحون اني ماقطعهم

طيب لي رحت لهم وانا وجهي زعلان اكيد بيسوون سالفه
لأن أم زوجي دائما تقول عني اني وجهي مو مبتسم ولا مرتاح!!!
يعني تسوي سواها وتنتقدني اني ما ابتسم!!!!!!!!!!
تبيني على طول راضية ووجهي فرح!!!!!

شسوي ؟
أدري كأني وحده ولا أفهم بس تحملوني لأني ماعمري فكرت اخطط لأي شي
دائما اسوي اللي يطري ببالي بدون دراسة

لا تتخلون عني لآخر لحظة بليز :26:

حبيبتي مشكلتك نفس مشكلتي وفي البداية تنازلت كثير وكنت أسمع كثير من الاهانات والاستخفاف فيني وفي أهلي ومع كذا ماقطعتهم وكنت أزورهم بحكم القرابة اللي تجمعنا وعلشان خاطرزوجي بعد كذا صارحت زوجي بأني متضايقة من تصرفاتهم وثاني مرة لوتكلمت أمه وأخواته راح أرد عليهم بعدكذا هو اقتنع إني فعلا مظلومة منهم واتفقنا إنه يزورهم ويكلمهم ويسأل عنهم وأنا مالي دخل فيهم أكلم أمه بس بالتليفون بس ماأدخل بيتهم لأني غيرمرغوب فيني ولابزيارتي لهم وكل ماجيتهم سووا مشكلة بسبب جيتي عندهم علشان كذاريحت بالي وارتحت وكسبت زوجي والحمدلله ومومقصرمعاي بشي ولاأجيب سيرة أهله إلا بكل خير ولا أذم فيهم قدامه ولا شي بس فعلا حبيبتي الحقران يقطع المصران هم لما شافوني كذا وإني كسبت ولدهم وخافوايبتعد عنهم قاموا يجاملون شوي بس أنا عارفتهم زين والمؤمن لا يلدغ من جحر مرتين وعليك ياأختي بالدعاء لهم بالهداية وحابة أقولك إن وحدة من أخواته ضرتني ضرر كبير في البداية لحد ماتعبت نفسيتي فدعيت الله سبحانه وتعالى ياخذلي حقي منها من غير ماأسوي معها مشاكل وسبحان الله ربي رد فيها كل اللي سوته فيني وأكثر وانتي عارفه كل شي بهاالدنيا دين وانتي استقلي بحياتك وطنشيهم ومهما قالوا لاتردين عليهم هذا اللي يموتهم زيادة .

بالتوفيق حبيبتي

اختي أم عبدالله
سعدت كثيرا بردك وقد خفف علي كثيرا, أتمنى لك التوفيق بحياتك, منذ زواجي وقد نصحتني بعض الصديقات اني ما الزق بأهل زوجي واني ابتعد اشوي واعاملهم برسمية بس انا اللي ماسمعت الكلام وظنيت ان الواحد لمن يصير طيب كل شي يسهل عليه والناس كلهم يصيرون معاه أفضل..
اكتشفت أن أهل الزوج مو زي كل الناس ولا ينطبق عليهم " أحسن إلى الناس تستعبد قلوبهم" والله مايفيد الا الابتعاد والمعاملة بالرسمية أو هذا اللي باين

شكرا من كل قلبي