الفزعة يالغاليات, الله يوفق كل من تساعدني@

السلام عليكم,,,
بنات ابي خلطة طبيعية لوجهي مرة تعبانة بشرتي رحت قبل شهر ونصف لمركز مشهور في الرياض وشافتني الدكتورة وكتبت لي كريمات ألوان وأشكال وقعدت أستعملها شهر ونصف وألاحظ وجهي زاد النمش الي فيه وجف بزيادة حتى زميلاتي يقولون وشفيك وجهك مرة نمش زايد!!
يعني جيت أبكحلها وأعميتها ليتني مارحت لهالدكتورة لا وبعد دفعت حوالي700ريال بس خساير..:(
هلحين لي 4 أيام ما أستعمل كريماتها وكأن بشرتي شوي بدت ترجع الحمدلله خف الجفاف الي صابها من هالكريمات الله لا يعيدها..
لا تقولون لي دوري لك بهالقسم فيه أشياء حلوه , أدري بس فيه100خلطة مادري وش استعمل ووش أخلي !!
أبغى وحدة منكم تكون مجربة خلطة وشافت نتيجتها معاها,,
أنا بشرتي جافة فيها نمش خفيف أول وهلحين زاد مرررة باهتة تعبانة, أبغى شي يرجعلي نضارة بشرتي الي فقدتها..
الله يجزى خير كل من تساعدني وتبشر بدعواتي لها آخر الليل والأثنين والخميس...


الموضوع مكرر معليش لأن كمبيوتري مرة غاثني مايشبك بسرعة وتفاجأت بموضوعي الأول مانشر إلا بعد حوالي ساعة من كتابته!!