اخواتي الله يعطيكم العافيه على جهودكم والله البزوره يبونلهم صبر ايوب بكل شي الله لايخسر احد انشاءالله
حبيت اقول انه الطفل يبدا يفهم عليكي زين من سنتين و6 شهور وطالع انا بالنسبه لعيالي والله علمتهم على ال3 سنين
واول ماتبدين المغامره هههههههه لازم تاخذين كذا خطوه
#اولها التشجيع يعني (يالله يحبيبي لازم تسوي كذا عشان تصير شاطر)وانتي وشطارتك
#ثانيا عدم الضرب او الهوش لانه ممكن يعقده
#ثالثا التحفيز كييييييف؟
انا اقولكم كيف:
وهذي*المرحله الاولى*
1_تروحين تجيبين جدول مثل جداول المدارس او ممكن انتي تسوينلك جدول وتزينينه
تعلقينه بمكان يكون مرئي والكل ممكن يشوفه
2_تشترين دفتر ملصقات حسب ولدك او بنتك ايش يحب يعني ملصقات سيارات للاولاد مثلا او فله للبنات حسب طفلك المهم يكون طفلك يحبها لانه هي السر بالتحفيز
بعدين كلما صار يدخل الحمام تخلينه يختار ملصق واحد بس وتخلينه يلزقها بنفسه بالجدول وكذا يصير يبي يدخل الحمام بس عشان يلزق ومع الوقت راح يتعود وبسرعه
وهذي انا بنفس جربتها على بنتي وولدي وصدقوني احس ان الفكره سحريه
طبعا بهالفتره بيكون الحمام بس بالنهار باليل لازم حفاظه
ولما يسير يتعود على الحمام وكل شي اوكي
عاد تجي* الفتره الثانيه*
وهي انك ماتلبسينه حفاظ وهو نايم
بس قبل ماينام:
1_ تمنعين عنه اي نوع سوائل اقل شي بثلاث ساعات ماعدى المويه طبعا
2_وتودينه الحمام قبل مايروح الفراش مباشره
3_تقوليله وتعطينه خبر انك راح تقومينه بالليل عشان يروح الحمام فيصير الطفل يبرمج عمره بعد فتره ويتعود اكيد بالبدايه راح ينزعج بس بعدين يتعود
4_يجي دورك انك توقتين الساعه المنبه بعد ساعتين او ثلاث وتودينه الحمام وهي مسأءله وقت لاغير وصبر
5_يجي عاد الصبح اذا شفتيه ماسوا شي بفراشه امدحيه قدام العيله وحبيه وضميه وقوليله انك صرت كبير وانك فرحانه مره وخليه يلزق على الجدول
وكلما لزق اكثر بيني فرحك وكافئيه بشي يحبه وبيني قدام ابوه انه شاطر ووري ابوه الجدول عشان يتحفز اكثر
*المرحله الثالثه*
وهي لما تكونين بمكان عام وحابه تكملي المشوار خليكي دايمن فاطنتله كل شوي اسأليه اذا يبي الحمام لاتهملينه لانه بيكون يلعب وملتهي وماراح ينتبه لنفسه
ومثل ماقلت هي مساله وقت وصبر وصدقوني يصير الطفل يعتمد على نفسه ويجي يقولك بنفسه انه يبي يروح الحمام
والجدول روعه يااخواتي لدرجه ان عيالي كانو اذا جانا احد ضيوف مثلا بس من العيله كانو يتباهون بجدولهم قدام العيال ويخبرون انهم صارو كبار وهم مفتخرين
حتى اني ماشلت جداولهم عشان احسسهم اني فرحانه بعملهم
تدرون خواتي ان فكره الجدول ممكن تستعملينها بكذا شغله تخص الاطفال
*بشقاوتهم مثلا
*للاطفال اللي ماياكلون زين تشجعينهم انهم اذا اكلو يلزقون
وباشياء كثيره عاد انتي وذكائك وابداعك
اتمنى خواتي اني فدتكم
وشكرا
هنا ندرب الاطفال عالحمام
متابعة النقاش، صفحة 38