السلام عليكم
اول شي انا دايم اشوف البنات يتناقشون على مسألة انه كوافير كويسه او لاء
يعني بعضهم يوصلون كوافير للسما
وبعضهم يسبها مووووووت
وهذا مايعني اننا نقلل من شأن كوافير ولا نرفع من شأن الثانيه
لانه الناس اذواق
وكل وحده لها ذوقها وستايلها ومظهرها الي تحب انه تظهر فيه
وممكن تكون كوافير ممتازه بس ماناسبك مكياجها هل هذا يعني انه سيئه وانها فاشله
وانها ماتعرف تعمل ميك اب ولا هذا يعطيك الحق انك تسبينها وتمسحين بكرمتها الأرض
لا مو من حقك وتذكري المثل الي يقول
( قطع الأعناق ولا قطع الأرزاق)
يعني كون انه ماناسبك مكياج هذي ولا هذيك مايعني انه شغلها شيييييييييين ولا ينطاق
بس ممكن انه رسمتها ماناسبتك او ذوقها وطريقتها بالمكياج ماعجبوك
او انتي ماوضحتي لها وش تبغين بالضبط
فاهمين قصدي
هذا الي ودي اقوله قبل
ماانزل موضوع عن بعض كوافيرات الرياض
واذكر عيوب ومحاسن كل وحده منهم من وجــــهـــــة نــــظــــري
عشان يكون الموضوع مرجع للي يبغون يسألون عن الكوافيرات والصالونات
وخصوصاً الي مو موجودين بالرياض
والي عندها اي تعليق انا عندي استعداد اسمعها بكل طيبة خاطر
بس لازم نراعي حدود الذوق
لأننا اخوات في الإسلام قبل مانكون اخوات يجمعنا منتدى واحد
ونبدى بسم الله
اول شي نبدى بالكوافيرات الي يشتغلون لحسابهم الخاص
_________________________________________________
ورد
الجنسيه لبنانيه
مكياجها مررره ناعم وذوق
بس انا بنظري انه بسيط نوعاً ما (أنا احب المكياج الثقييل) بس نوعية الأساس حقتها مرررررررررررررره
ممتازه
يعني تعطيك لون حلوووووووووووووووووووووووووو
من تجربه شخصيه وانا بشرتي سمرا بس عطتني لون حلووووووووو
ومن ناحية اسعارها
تعمل للشخص العادي مكياج ب500
والعروس 3000
_________________________________________
روز
الجنسيه لبنانيه
مكياجها حلو
والوانها وطريقة دمجها مرررره حلوه ورسماتها للعيون مميزه
يعني لو تشوفين وحده مصلحه لها روز تعرفين على طول لانه شكل رسمتها معروف
بس نفسها خايسه نوعاً ما
ماتحب الإزعاج
واسعارها 500 للشخص العادي
ومن 3500 الى 5000 للعروس
________________________________
شذى
الجنسيه سعوديه
مكياجها مرررره روعه
وماتحط لك الا الي يناسب عيونك
يعني ممكن ماترضى تحط لك مكياج انتي عاجبك
بس هي عارفه انه ماراح يلبق لك
ونفسها حلو
واسعارها من 200 الى 250 لو جيت لها بالبيت للشخص العادي
ولو طلعت لك ب400
والعروس 1000 لو جيتي لها في البيت
و1500 لو طلعت لمك هيا بالمكان الي انتي موجوده فيه
____________________________________
فريال
الجنسيه لبنانيه
تعمل مكياج وشعر
انا عن تجربه شخصيه جربت شغلها للشعر مرررررررررررررره إبداع
طلعت شعري جنان
ومره فاشن
والمكياج ماجربتها بس شفت شغلها على ناس واجد ومرررررررره حلو
وتعمل لك افكار غريبه بالشعر
ونفسها حلو
واسعارها
500 للشخص العادي سواء ميك اب او شعر
و3500 للشعر عروس
و3500 للمكياج للعروس
_____________________________________
مدام امل
الجنسيه مصريه
شعر
بصراحه هالإنسانه قليله عليها كلمة مبدعه
يعني لو كنتي عروس سلميها نفسك وانتي متطمنه
مررره ذوق بتسريحاتها وتعاملها مره حلو
ومريحه
واسعارها
من 500 الى 1000 للشخص العادي
وللعروس
من 3500 الى 5000
____________________________________________
روبي
الجنسيه لبنانيه
مكياج
بصراحه مكياجها قممممممممممممممممممممممممممه في الإبداع
وتخليك شخص ثاني
مكياجها ثقييييييل
بس انا مره يعجبني
وماتستعمل الا ميك اب فور إفر
واسعارها
1000 للشخص العادي
5000 للعروس
__________________________________
خلصنا من الكوافيرات الي يشتغلون لحسابهم الخاص
نجي الحين للصالونات الي شغلهم حلو للعرايس وغيرهم
____________________________________________
دار نور
عندهم وحده اسمها فيلي شغلها الشعر مررررررررررررره روعه
جنسيتها فلبينيه
بس شغلها ابدااع
وماتكثر موس وسبري لحد مايصير شكل شعرك مقرف كنه خشب من الوقفه
واسعارهم للشعر على حسب طول الشعر
ونوع التسريحه
وبالنسبه للمكياج
عندهم وحده اسمها سوسو
يمدحون مكياجها واشوف ناس كثير يعجبهم انا شخصياً مايدخل مزاجي
بس الناس اذواق
وبرضو عندهم وحده اسمها ريم
مكياجها حلو
والمكياج عندهم من 350 الى 500 الي ب350 يكون خفيف والي ب500 يكون ثقييل
وبالنسبه للعرايس
داخل الصالون 2500
لو بيطلعون لها 4200
بس عندهم عيب مواعيدهم زفففففففففففففففففففففففففففففففففت
___________________________________________________
مركز ابولو
عندهم ثنتين مشهورين
وحده اسمها خديجه ووحده إسمها مليكه
كلهم شاطرين شعر
والمكياج عندهم ووحده اسمها نداء
مره شاطره ميك اب
وبالنسبه لأسعارهم
250 شعر و250 ميك اب للناس العاديين يعني مو عروس
داخل الصالون
والي عروس
ب 2500 داخل الصالون
ولو بيطلعون لها ب4000
_____________________________________________
المهم انا الحين تعبت
اكمل بعدين
اذا كان الموضوع عجبكم
كملت ولا من الأول قولو لي
عشان ابطل
لانه عندي كوافيرات كثار
شغلهم حلوو
وودي ابين محاسنهم ومساوئهم
اوكي
اذا عجبكم الموضوع كملت
ولا قولو لي انسحب احسن لي
ولا تنسوني من دعوه صالحه في ظهر الغيب
:27:^الكتكوته^:27:
الموضوع مغلق
