تكفون عطوني الحل يأهل الخير0000

بصراحه تردت قبل ما اكتب بس قلت يمكن حد يفيدني اودعوه صادقه بعد الله تعيني على العموم ماطول عليكم السالفه وهي ان اخوي يبي يتزوج والي ما لقيناله حل هو المهر المعجزه وتاثيث البيت له المشكله هو موظف في قطاع خاص يعني شركه والراتب 2800 هوراتبه نقول زين وخير وبركه بس لما جا يتزوج انحاست عليه وهوان راتبه ماينزل على بنك وهو يبي سلفه والبنوك رافضه تعطيه لان راتبه مو على بنك واصحاب السيارات رافضين يعطونه سياره لان راتبه قليل ولا عنده كفيل ولا حد راضي يسلفه الكل يتعذر والله اني حزينه عليه حتى انه ما صار ينام اليل واهل خطيبت طيبين مايبغى يخسرهم بس مايدري كيف يثث الشقه ولاهو قادر يتزوج والسياره خربانه وحالته حاله بس خوفي عليه من الانتحار لان نفسيه مره تعبانه وانا ابي استفسر فيه حل له تكفون ياهل الفزعات عطوني حل ولادعوه صادقه تفك ضيقته ومحنته دعواتكم 0000000000

10 تعليق 864 مشاهدة

شاركي في النقاش

سجلي الدخول لإضافة تعليق.

التعليقات

9
  1. أسأل الله العلي العظيم أن يفك كربته ويفرج همه
    والله أنا مالي خبره بالسولف بس عندي حل وهو أنه يداوم على الإستغفار
    ووالله العلي العظيم أنه السبب بعدالله في رزقه
    أبقولك هالقصه من مصدر موثوق جدا وياليت تخبريه بها
    وهو أن فيه واحد مثل حالة أخوك بس الفرق أن أخوك عنده وظيفه والرجال ماعنده وظيفه وإستغفر في اليوم فوق خمسة آلاف مره وماشاء الله يقول بعد حوالي شهر كلم عليه عندة شركات يطلبونه للوظيفه وبرواتب مغريه..
    فعليه بالإستغفار أسأل الله العلي العظيم أن يرزقه
  2. شوفي عندك حلين خليه يطبقهم

    1- يجيب تعريف بالراتب ويقدم على قرض من بنك التسليف وقدره 20 الف

    2- يقدم على مروع بن باز لمساعدة الشباب على الزواج

تابعي تجارب أخرى من هذا القسم.