يا حريم شوفو اخطار الكبو واعشاب التضييق

اخواتي العزيزات والله انا ماعندي خلفية

ولا اعرف هذه الاعشاب لكن نقلت لكم الموضوع عشان تعيدون التفكير

ومشكورات على الردود الحلوة

مشكورة

جزاك الله خير

انا لسه ما حملت وعمري ما استخدمت هالاشياء ولا راح استخدمها ان شاء الله
وامي واخواتي وخالاتي وعائلتنا كلها ما احد فينا استخدم هالاشياء ابدا
بالنفاس يشربون قرفه وحلبه بشكل معقول غير مبالغ فيه لانه ما منها مضار لانه القرفه تنظيف وكل شيء باعتدال ما منه ان شاء الله مضره
اما خلط اعشاب كثيرة كلها مع بعضها واخذها بشكل يومي فما عندنا هالشيء بعائلتنا
والحمد لله ما سمعت بيوم انه واحده تشتكي من معاناة بامور الثانيه اللي اسمع كثير يقولون عليها وانه الواحده اذا ما اخذت الاعشاب تخرب ارحامها (يا كرهي لهذا الوصف يوم يقولون (خربانه) ) بصراحه الوصف جدا مزعج

الرضاعه الطبيعية احسن شيء ترجع الرحم لمكانه وتشد عضلات المهبل لكن للاسف الحريم هالايام اغلبهن تركوا الرضاعه الطبيعية رغم انه احسن شيء للرحم وعضلات المهبل وهالشيء ثابت حتى بدراسات اجنبية

بالاضافة للمحافظة على النظافة الدائمة للمنطقة وايضا الغذاء السليم والصحي واخذ مشروبات طبيعية عاديه والبعد عن الغازيات والبيبسي واخذ اعشاب عادية بشكل منفصل وليس خلطها مع بعضها البعض


اعرف قصة لواحده امها كانت تمرخ الحريم وكل الناس تجيها واللي ما تحمل وتوصف لها اعشاب وغيره وبارادة الله الحريم تشوفينهم بعد علاجها يحملون
وكانت تعطي لبنتها دواء عشان شي ثاني عشان المعدة وتنظيف المعدة وبعد فترة بنتها يا دوب عمرها صغير الظاهر بالعشرينات توفت لاقوا امعاءها وكبدها مهتريء والدكاتره جدا استغربوا قالوا هذي ماكله شي لانه مو طبيعي انه كذا امعاءها وكبدها بهالطريقة تالفين عمرنا ما شفنا كذا واتضح انه كانت تاخذ عشبه وهالعشبه رغم فوايدها الا انها سببت لها هالشيء وترققت عندها الامعاء واهترت
وهالشعبه ياخذونها على ما اظن لتليين المعده نسيت اسمها بس مشهوره هنا بالسعوديه كثير وهي مضرة جدا وسبق انه زين الاتات حذر منها كمان وقال انه ما يصير ياخذها الواحد بكثره
وعلى ما اظن اسمها (سنا ) او شي كذا

فعشان كذا وهذي كانت من اشهر الحريم المعروفين بالعلاج العربي للحريم وشوفي كيف بنتها انضرت وتوفت الله يرحمها

وبعد ايام زمان يعني قبل حوالي 20 سنه الحريم كانوا بعضهم اللي يعالجون بالاعشاب يشرون (زئبق) ويحطونه على راس البنات اللي فيهم قمل ويمسكونه بيدهم وما يدرون انه الزئبق صحيح روع القمل لكن يتلف الكبد وواحده كمان ماتت بنتها وعمرها 27 سنه بتليف الكبد كان متليف على الاخر والسبب اكيد هو هالزئبق اللي كان دايم ينحط على راسها

فانتبهوا من كل هالاموررررررر

وخذوا الاشياء على حدا بدون خلط ومو اي شيء في اشياء معروفه ما منها ضرر

مثل القرفه (بشكل معقول وباوقات معينه) مو بفترة الحمل بالشهور الاولى اكبر غلط اللي تاخذها لكن بفترة الدورة والنفاس القرفه زينه بس كل شيء باعتدال

والحلبه كويسه



وعذرا طولت بس حيت اني لازم اقول هالقصص اللي اعرفها من نفس عائلة البنتين اللي توفوا

مشكورة على طرح هذا الموضوع لكن هل نظام فيافي خطر