أنا على فكرة مش مغتربة بس شكلي هنضم للقافلة قريب أوي :)
أنا زوجي جاي له عقد عمل في الرياض. وكنت عاوزة أسأل اللي منكم عايشين أو عاشوا في الرياض عن شوية حاجات.
1- عاوزة أعرف شوية عن منطقة الملز وأسعار الشقق هناك كام تقريبا. مش مهم المساحة تكون كبيرة يعني حجرتين كفاية أوي. عاوزة أعرف سعر الإيجار هناك كام بس يكون في حتة حلوة ومستواها كويس. نفس الشئ لمنطقة العليا.
2- الوظايف إيه أخبارها هناك؟ أنا أصلا مهندسة كمبيوتر ومش عارفة ممكن ألاقي وظيفة ولا لأ ؟؟
أنا بفكر لو معيدة في كلية مثلا؟؟ بس عاوزة أعرف المرتبات بالنسبة للنساء هناك كام تقريبا ؟؟ وهل أنا أصلا ممكن ألاقي وظيفة هناك؟؟ وتفتكروا ممكن ألاقي وظايف زي إيه؟؟ أنا عندي خبرة 3 سنين في مجال البرمجة و تصميم مواقع على الإنترنت بتقنية جافا وحاليا بحضر في الماجستير. أنا نفسي أشتغل عشان أقدر أندمج في المجتمع.
3- هل العيشة في الرياض حلوة ؟؟ يعني ممكن أتبسط ؟؟ أنا عمري ماتغربت قبل كدة :(
4- التقديم على خدمة الإنترنت هناك سهل وللا صعب ؟؟ يعني ياخد وقت قد إيه كدة ؟؟
أسفة طولت عليكم يا ريت ما تبخلوش علي بالرد .. وألف شكر مقدما :)
بنات مصر فى الغربة( الطيور المهاجرة)
متابعة النقاش، صفحة 345