عندي فكرة لغرفة بناتي

مرحبا

أنا حابة أغير في غرفة بناتي من الصبغ والستارة والديكور ..الخ

أبي أسوي بوردر من الفراشات الملونة في أعلى الجدار بس
مب عارفة من وين أحصل على البترون لفراشات كبيرة
والصبغ هل أخذ سبري أو صبغ عادي؟
أنا أفكر أخذ صبغ سبري بيكون أسرع وأحسن بس أخاف يسيل لما أرفع البترون!!!!!:(
وبعدين أبي أنثر لماع على الصبغ حتى تكون تكون الفراشات لامعة
أتمنى أن فكرتي وصلتكم وأن تساعدوني بأفكاركم الحلوة

15 تعليق 12,769 مشاهدة

شاركي في النقاش

سجلي الدخول لإضافة تعليق.

التعليقات

15
  1. @almhnd_3

    ما شاء الله تبارك الله ربي يبارك لك
    بس عندي اقتراح اختي
    لماذا لا تختاريني رسومات طبيعية اجمل من رسومات الارواح لكي لا يكون عليك اثم
    الله يسر امرك
  2. @cheery_amp_candy

    صاحبة الموضوع
    أختي المهندة مشكورة على الرد

    أنا أخترت الفراشات علشان ما بتفصل كل شئ فيها يعني الجناح والجسم من غير تفصيل الوجهه والعيون

    أنا بعد مب حابه أني أحط صورة أرواح في غرفه بناتي مع أن بناتي اللي تبي صورة برنسز واللي تبي باربي

    أبي فراشات و زهور
  3. @almttor_101

    الفكرة وايد حلوة أما على البترون انا مثلج مش عارفة
    بس وانا قاعدة ارد علج خطرت علي فكرة
    وهي نزلي من النت او من الكمبيوتر إذا ارسمه عندج أو من مجلة في ورقة عادية وطبعيها
    وبعدين جيبي ورقة شفاف الي يستخدمةنها لرسم الخرايط و رسم بترون المديل وجيبي قلم رصاص وطبعي وحددي الشكل الي تبينه
    وبعدين جيبي ورق مقواء أو جيبي الوحة المقوء وحطي البترون فوقها وحددي على ارسمه للين ما تطبع عندج ارسمه على الورقة المقواء
    وبعدين قصيها بشفرة على الاطراف حتى تعطيج الشكل اللي تبينه و جيبي صبغ اللي تختارينه وجيبي اسفنجة (شفتي اللي يغسلون فيها الوعاين هي هذي الاسفنجة )
    وبعدين حطي اللوحة اللي رسمتيها واللي قطعتي اطرافها في المكان اللي تبينه وطبعي اللون اللي تبينه
    وإن شاء الله اكون ساعدج
  4. @mlkh_mmlkty

    اختي انا يبتلج صور فراشات بس ما فيها تفصيل دقيق مثل الوجه والجناح

    بشكل تجريدي خالية من التعابير

    ممكن تنفعج للباترون تطبعينهم على ورق طباعه كبير وبعدين على ورق مقوى ترسمينهم وتقصينهم وترسمينهم على الجدران



















  5. @cheery_amp_candy

    صاحبة الموضوع
    المتطورة 101
    مشكورة يا عمري على الطريقة الحلوة
    فعلا أنا أمس رحت محل وكان عندة بترونات قديمة وأشكالها مب حلوة وقال بيبت لغرف الأطفال بس مايدري أمته الأوردر يوصل لكن شرحي الطريقة وهو أن أثبت البترون على الجدارواخذ القياسات المناسبة وبعدين أقدر أصبغ أو أستعمل الصبغ السبري لكن لازم أنتظر لما يجف بعدين أشيل البترون

    كل الشكر:26:

تابعي تجارب أخرى من هذا القسم.