هلا ريفيه ..
اللهم آمين ومن قال يارب ..
تسلمين على هالدعوات الحلوه بس والله تستاهلين كم ريفيه عندنا ..
بالنسبه للملاقيف ..
أنا مستغربه كيف بنات خالاته ولهم أحتكاك معه ..؟؟!
شووفي انتي اللحين ماتقدرين توقفينهم عند حدهم بقووه ..
لأنك خطيبته مو زوجته رسمي يعني كلام رسمي فقط .. !
يعني لو قلتي لهم شئ بيقولون أنتي خطيبته بس مو زوجته ..
لحد اللحين ماملكتوا عشان تكونين زوجته رسمي فهمتي علي شقصد ..
يعني عندهم شئ بيردون عليك فيه ..
مثلا أنها ماهي زوجته في فرصه (( لاسمح الله الله لايبلغهم أن شالله ))
أنه يهون وياخذ وحده من هالملاقيف ..
بس أنتي خلك واثقه من نفسك ومثل ماقلت لك ..
ماأخطبك إلا مقتنع فيك ..
وماعليك منهم ..
بس أن شالله بعد ماتملكون ..
عطيهم باللي مايرحم ..
وقفيهم عند حدهم وبيصير لك مطلق الحريه بالتصرف معهم ..
سواء سرتهم الطرييقه اللي تكلمينهم فيها ولا لأ ..
أنا ماأعرف وش طبيعة علاقتك فيهم ..
يعني لو قريبات من بعض يعني مثلا لكم أحتكاك ببعض قووي لدرجة صداقه أو لأ ..
لو قريبات من بعض بس يناكشوون فيك عشانه بيكون زووج المستقبل زي اللي يغيظوونك ويقهرونك ويستفزونك ..
فكلميهم عاادي بهداوه ..
اما إذا غير كذا كلميهم ولا تدرين خلي أمك تكلم خالتك أو (( خالاتك )) اللي هم امهات (( البنات الملاقيف ))
ووضحي لهم الصوره اللي أنتي فيها بأنو اللحين أنتم زوجين وأن شالله بينكم مستقبل وأنهم بتصرفاتهم ذي يخربون اللي بينكم ويدمرون حياة شخصين وأن هم مالهم علاقة بالأسااااس فليه يتلقفون ..
وأقهريهم بالكلام الحلوو انه هو أختارك وأنهم مهما سووا ماراح يقدرون يسوون شئ بينكم أن شالله ..
(( عشم أبليس بالجنه )) ..
يعني عيشيهم بفكرة الفشل قبل المحاوله .. !
فهمتي علي ..
إذا فكرتي تكلمين خالاتك نفسهم اللي هم أماهتهم ..
كلميهم بأسلوب ذرب وذووق يعني توودديهم بالكلام الحلوو ..
وتذكري زين وانتي تكلمينهم وبثقه أنه لك وأنتي له مهما سووا .. (( بأذن الواحد الاحد))
وبيني لهم انها خصوصيات وأنهم بعد ماراح يرضون أحد يدخل بخصوصيات بناتهم لو أنخطبوا يعني يرضون تجين تخربين عليهم !!
لأ طبعاً ..
بس تذكري وأنتي تكلمينهم بانهم أكبر منك لاتنفعلين عشان لايحسون أنك فاقده نوع من الثقه او فيك خووف من أنك تفقدينه (( لاسمح الله)) بحركات بناتهم ذي ..
وأرجع أقوولك خلك واااثقه تماماً بانه ماأختارك إلا عاجبه لوونك مهما كااااااااان ..
وبما انه يقرب لك ..
اكيد هو قايل المواصفات اللي يبيها لأمه وعلى أساسها اخطبتك يعني في الأول والاخير اختياره ووذوقه ..
وانتي في النهايه ذووقـــــه وحلمـــه بكل بســــــاطه ..
وبعد الملكه أكيد بيكون بينكم سوالف وجلسه ..
ولا تبيني نفسك أنك متضايقه بأنك أقل درجه منه باللون ..
ترا بياخذها عليك حجه ..
وبيقعد يرفع ضغطك ويناكشك فيها بعد الزواج ويمكن تتطوور لأن يعايرك فيها !!
فانتبهي أهم شئ الثقه ..
الثقه ثم الثقه ..
أنتم لحد اللحين ماصار بينكم جلسه .. ((يعني جلستوا مع بعض وسولفتوا))
فأبدأي من البدايه وباول خطوه وانتي بكل ثقه ..
وخلك واثقه ومتأكده أنه أختارك وهو مقتنع فيك بكل شئ وبكل ماتحتوين ..
من اشياء داخليه (( الرووح )) وخارجيه (( الجسد)) ..
:26: ..
والله يووفقكم لما فيه خير وصلاح لكم بدنياكم وآخرتكم ..
ويجمع بينكم على خير ويبعد عنكم الحساد والملاقيف ..
اللهم آميييين :26: ..
وش شعورك اذ كااان زوجك ابيــــــــــض منك !! والبنات حاسدينك عليه؟؟
متابعة النقاش، صفحة 4