السلام عليكم ورحمه الله وبركاته
هلالالالا بالطش والرش وبنات حواء وحريمها :23:
تدرووووووون انى غاثتكم شوى بمشاكلى >>>>>>شوى الامدوختكم حبيت ارسم الابتسامه على افواهكم >>>>يمديكم على افواهكم كانى برامج القناه الاولى بعد التطوير
المهم >>>>>ايه الزبده
انى من يوم يدخل ابو الشباب وانا لاصقه فيه وين مايروح اروح معه استقبله عند الباب لاجاء :30:>>>>وهو يفتح الباب بالمفتاح يقول اللهم اجعل من بين ايديهم سدا ومن خلفهم سدا فاغشهم فهم لايبصرون
>>>> عشان مايلاقين بوجهه بس حلم ابايس بالجنه :42:
من يوم مايفتح الباب الا الكشره مفتوحه :35: اذا دخل الغرفه يغير دخلت معه اذا راح يشرب ماء من المطبخ وراه والله حتى اذا يدخل الحمام الله يعزكم امشى وراه لين يسبخ بوجهى الباب واصير زى الحسران اتردد عند الباب اليمين يطلع اذا قعد بالكنب كعدت بجمبه ويتعمد يجلس على المرتبه المفرده عشان ابعد >بس اختكم لوح مثبت بباتكس ابو جنى وهو اقوى انواع اللصق:يقعد على النت اجيب كرسى واقابله لاجاء يطلع للصلاه اواى مكان طررررردى وراه مع الدرج الى باب الشارع :44::والله الثقل زززين
ياعمرى انا مجهده احسب هذا الزين !!!!!!!!!!!
اليوم وانا نازله معه الدرج ابوصله باب الشارع التفت على وابتسم قال ابقولك شئ ............انا خقييييييييييييت قلت بقلبى الى يرجف من اللهفه جاك يامهنا ماتمنى :32:ومن الطفاقه الزايده ماصبرت لين يقولى قعدت اتخيل انه يقولى انت زى القمر الى مايستغنى عن النجوم !!!!!!!!!!!
او انت الورد المتعطش للماء او.........وقعدت اتخيل وش بيقول واسلهم بها العييييون اليمنى احوليت :تدرون وش قال ""
قال انت مثل ,,,القراد >>>>>>القراد حشره صغيره تلصق فى اذناب البقر والبعارين :(
اول شئ فتحت الكشره وامط فرتى من الوناسه اللوح لوح :23: بعد شوى استوعبت الكلالالالام
كانى مزعده من نوم عميق >>نومه هل الكهف حشاء واقوم واانتفخ ويلهمنى ربى رد برد قلبى قلتله
ماقلت زى النحله الى تلصق بالورد وتمص الرحيق >>امحق نحله
القراد مايلصق الا باخس شى وهو الذنب المروح وانت يالغالى محشوم >على بالى ماقصده
ياكبر كيدنا يالحريم هو فهمها ورجع ركض من الدرج يبى يكفخنى واركض اهج لغرفتى واقفل الباب >>>>>اول مره اهج منه بالعاده هو الى يهج
يوم حسيته طلع فتحت الباب لقيته كاتب بورقه عند الباب
لاول مره من تاريخ زواجنا اطلع وماتكونين وراى ههههههههه شوفى النجاسه مادخل الورقه تحت الباب عشان مالحقه حطها عند الباب
بعدها صممت اصير ثقل ولا الحقه بكل مكان >>>>والله من قل ماسويتها ابااابلنى لو عملتها
هذه نصيحه لكل حبايبى فى المنتدى لاتصيرون نشبات مثلى وارحمو رجالكم من كشراتكم واعتقوهم لوجه الله تنالو الاجر والمثوبه توبه توبه بنات مع السلامه شكل رجلى جاء ابروح استقبله عند الباب :23:همانا قلنا توبه ياشين الطفاقه شيناه
وســـــــــــــــــــــــــــلامتكم
الموضوع مغلق