حرام عليكم يأمهات!!!

أخواتي الكريمات السلام عليكم ورحمة الله وبركاته.........
الليله كنت موديه عيالي لأحدمدن الملاهي المغلقه وتضايقت بالمره من تصرفات بعض الخادمات اللي مرافقين لبعض الاطفال.. وحده تجر طفل عمره سنتين وتصرخ عليه عاد انا مره تضايقت حسيته مثل ولدي قلتلها لاتصارخين عليه قالت هو مافي يفهم!! قلت: أكيد مايفهم هذا صغير وين أمه؟
قالت يجلس هناك.. مأدري لاشعورياً قلت الشرهه مهب عليك على أمه اللي مخليته معك!
طبعاً مهوهذا الموقف اللي شفته بس كذا موقف من كذا خادمه..
سؤالي ليش هذا الاهمال من بعض الامهات باسطه مع أهلها أو صديقاتها تقهوى وتسولف ومهي داريه عن عيالها -خصوصاً هالصغيرين اللي مايعرفون يتكلمون ولايشكون- وهم يتجرجون مع الخدامات ولايمكن ينضربون بعد وين حنان الامومه؟
على الاقل يأختي طلي كل شوي على عيالك وانتبهيلهم اذا منت قادره تتحملين مسؤؤليتهم بالمره وتحس الخدامه انك مراقبتها لعل وعسى..
والله ياأمهات هالاطفال أمانه في اعناقكن ورعايتكن مسؤؤلات عنهم وكيف تأملن في الغد -بإذن الله -برهم وانتن أهملتن في رعايتهم والاهتمام بهم..
طبعاً انا لاأعمم على الجميع فهناك أمهات قمم في التربيه والرعايه والاهتمام أكثر الله من امثالهن.. ويعلم الله أني مأكتبت هذا الموضوع إلا من آلمي مما شاهدت الليله..
والله أرجو أن يحفظ أبنائنا من كل سوء..
مع أجمل تحيه للجميع.

23 تعليق 1,345 مشاهدة

شاركي في النقاش

سجلي الدخول لإضافة تعليق.

التعليقات

22
  1. ياااااااربي سنتين!!!والله لوانا منك كان رحت لامه ونبهتها..انتي كذا ماردعتيها

    الصراحة مناظر مؤلمة ..الله يعينا على تربيتهم التربية الحسنه
  2. @tyb_klb

    والله انك صدقتي والله اشوف خادمات تتعامل بقسوه مع الاطفال اللي معاهم لا واللي يقهرني الام تكون حولها بس تغفل دقايق تلقينها ياتخبطه بالعربيه اللي فيها طفل ثانيا والا الكيس اللي في يدها واذا امه بعيده امر وادهى الله يكفينا شر كل من فيه شر يارب

تابعي تجارب أخرى من هذا القسم.