اللي ولدت في مستشفى الملك خالد الجامعي تدخل...

والله ماعندي علم بس حبيت ارفع الموضوع

ان شاءالله البنات يفيدونك
للرفع

للرفع

انا ولدت بمستشفى خالد الجامعي
بس كان ليلة عرفه
فامادخل علي طلاب
اختي دخل عليها طلاب صرخت عليهم انهم يطلعون ورفضت وسكرت رجولها
وطلعوهم بس مااضمن تكون نفسيتهم كويسه معك
المهم بتكلم عني انا
بما اني ولدت ليلة عرفه فامافيه الا طبيب مناوب مافيه طبيبه
وازيد الطين بلة كان سعودي شاب بعمر 27 او اكثر شوي
بس كان ولا احسن منه بصراحه الله يوفقه يارب
لان كان تحت يد استشاري مصري الله يهديه كانت نفسيته شينه مره مره
بس اشوا استقال الحمدلله
وحتى هالسعودي هو اللي خيطني والله كأني بكريه وش زين خياطته
ومرتبه مالها علامه
اقولك انا ولدي جلس 24 ساعه مايتحرك مع انه مافيه اي علامة طلق
ورحت لهم وماطلعوني قالوا تنويم من بكره نزل معاي خيوط دم
وقالوا لي ادخلي غرفة الطلق عشان يعطوني تحميله على كلامهم طبعا
ويوم دخلت جاني المصري وشاف المويه الى هي خضرا << معناها ان الجنين متبرز طبعا اذا كانت المويه حضرا
قال المصري لازم ابرة وريد قلت انا لا ماابيها مسويه فاهمه طبعا بكريه انا قام عصب علي وجلس ينافخ وانا في حالة لايرثى لها وجلست اصيح انا :(
قال للمرضات خلوها توقع على ورقة انها رافضه الابره وتتحميل هي المسؤليه
راح هو وجلست لحالي ماغير دميعاتي تبطبط والممرضه عندي من دخلت غرفة الطلق ماخلتني ابد ابد
واذا جاني الطلق ياحبي لها تمسكني وتهاول تهديني وتمسك بطني وتدلكني
حتى يوم خلص شفتها وجتني الممرضه الثانيه وش حليلها بعد بس ماكانت مثل الاوله طبعا
المهم واقولها نادي الدكتور السعودي لاني مااعرف اسمه قلتله السعودي بس الظاهر اسمه خالد
ويجي قلتله وش السالقه قالي ان الجنين متبرز ولازم تولدين بااسرع وقت قبل لايشرب من موية الرحم ويجيه تسمم واجلس اصيح ثانيه واقوله يعني مايدري اني بكريه مادري وش السالفه مايكفيني الم الطلق ويزيد علي يرفع صوته انا منيب في حاله اني اتحمل الم طلق وواحد يهاوشني <<< انا مناحشتن من رجلي عندكم وذا يهاوشني خخخخخخخخخخخخ امزززح :)
قالي ماعليه ان الدكتور هو دايم كذا ومانقدر نقوله شي قلتله طيب مايصلح تعطيني تحميله ماابي ابره خايفه منها قال الا قلت خلاص قام هو اعطاني اياها وانا اصيح وهو يحطها لي ووحده من الممرضات ماسكه يدي تهديني والثانيه لامتن راسي بعد يقالها تبي تهديني الله يهديها كتمتني خخخخخخخ
المهم كلها 3 ساعات الا ويودوني غرفة الولاده بس قبل لعبوا علي قالوا الغرفه هناك ويااشرون بعيد واقولهم ابي كرسي قالوا مافيه كراسي خلصت امشي امشي بس سوي وامشي وامشي الين وصلتني اخر السيب ورجعتني ثانيه قلتلها وين الغرفه قالت شوفيها هناك قلتلها تلعبين علي قالت احسن عشان ماتطولين على طول تولدين واوصل للغرفه مامعي الا قابله وممرضه ( على فكره انا قلت للدكتور ابي ابرة ظهر قالي طيب قلتله سجلها بالملف اخاف ماتكون موجود قالي لا انا ابي اعطيك اياها قلتله ولو سجلها قال طيب )
وادخل غرفة الولاده والحمدلله دخلت وماامداني الا وهو طالع الراس والحمدلله يوم جا الدكتور قالي الحمدلله على السلامه تحسبوني قلتله الله يسلمك لاااااا قلتله وانا اقولك ابي ابره وماجيت تعطينياها قال انتي ماصبرتي ههههههه حلوه ماصبرتي
ويجي المصري يقول ايه خلصتي خلاص ياخي قل الحمدلله على السلامه
المشكلههالسعودي وهو يحط لي التحميله حقت الطلق مغطيتن وجهي عنده ومطلعتن البتاعه ونعم الستر والله لا يوم ولدت وخلصت يدخل علي تحسبوني تغطيت والله متنحه من ابرة المورفين اللي اعطونياها
ويوم ولدت وخلصت تقولي الممرضه نامي وانا اقول لا لا مافيني النوم المشكله خلصت والده الساعه 10 الليل واناظر الساعه عقب شوي الا هي 12 سبحان الله مادري وشلون خخخخخخخخخ

والله انا ضحكتني سالفت اختي رســيل ههههههههههههههههه

والله يا اختى ما اعرف عن المستشفي مللك خالد الجامعي.
اعتقد رسيل كفت و وفت ...:)

والله يتمم عليج اختي ويقومج بسلامه

وبعدين لو تروحييييييييييييييين اغلى واحسن وافضل مستشفي في العالم يرجع الامر لربج لانه السهــــــــــــــــــــــــــــــــــــــــــــــــــــــــــــــاله من رب العالمين