الى متى يازوجـــــي حياتـنـــا كتــاب مفتوووح لأهلــــلك.؟؟

هذا اول موضوع لي معكم وابي منكم الفزعه بعد الله

ياخواتي الموضوع ومافيه ان زوجي طيب وحبوب وحنوون وانا مابي اخسر هالصفات الحلوه فيه

لكن فووق كل هذا حساس لأبعد درجه علشان كذا انا دايما اداريه بكل شئ


المشكله اللي متعبني معاه هي انه مايخبي على اهله ولا شئ يصير بيننا من باب الميانه

واني انا واهله علاقتنا حلوه لذلك تلقوونه ينبسط ويعيش جو وهو يحكي لهم حكاياتنا اليوميه

اذكر بداية زواجنا تناقشت معه واتنرفز وقال انا اعرف وش اقول ماني غبي كل شئ اقوله

لكن يابنات وربي ان اغلب اللي يصير بيننا يحكي لهم بوجودي وبغير وجودي

انا تعبانه من هالنقطه اخاف افاتحه بالموضوع يتنرفز زي اول

ويظن اني ما احب اهله

مادري شرايكم

43 تعليق 3,392 مشاهدة

شاركي في النقاش

سجلي الدخول لإضافة تعليق.

التعليقات

42
  1. @alshbash_althhbyh

    افتحي الموضوع معه مره ثانيه بوقت يكون هادي ومزاجه حلو وجيبي له عصير علشان يلطف الجو زياده..
    وقولي له المفروض ماحد يدري عن تفاصيل حياتنا ولا وين رحنا ولا وين جينا حتى اهلي واهلك المفروض مانقولهم لأن البيوت لها اسرارها وحنا صايرين قدام الناس كتاب مفتوح وحنا ماندري عنهم ولاشي(الأفضل ماتحددين اسم اهله لأنه بيفهمها وهي طايره)
  2. @nora_aal_aldrb_1

    يااختي ليش تعقدين الموضوع دام انك مبسوطه معه ومرتاحه مع اهله لاتشغلين نفسك ترى هذا كله من الشيطان يبي يدخل بينكم...وبعدين خلينا صريحين انتي مو كل شي تقولينه لاهلك ..هو زيك يقول كل شي لاهله بعدين وين المشكله دامك انتي واهله مابينكم حساسيه وحزازاة...واسفه على صراحتي بس صدقيني لاتجيبي الهم لانفسك ترى الدنيا ماتسوى وانا اختك.
  3. @kob_hlyb_1

    الشباصه الذهبيه
    افتحي الموضوع معه مره ثانيه بوقت يكون هادي ومزاجه حلو وجيبي له عصير علشان يلطف الجو زياده.. وقولي له المفروض ماحد يدري عن تفاصيل حياتنا ولا وين رحنا ولا وين جينا حتى اهلي واهلك المفروض مانقولهم لأن البيوت لها اسرارها وحنا صايرين قدام الناس…
    كلام رائع :26:
    اسمعي كلامها

تابعي تجارب أخرى من هذا القسم.