شاركي في النقاش

سجلي الدخول لإضافة تعليق.

التعليقات

766
  1. @rky_2

    الف من ذكر الله
    يا الله متا يجي شهر 12
    واشوف نظر عيني
    يارب لا تحرمني الذريه الصالحة
  2. صاحبة الموضوع
    رقي
    شكرا بدايه تسلم ايدج عقبالج يارب
    انا حاسة اني تعبانة مرة هاليومين ومرة ثقلانة
    ولما بأقعد جنب زوجي أحس نفسي غودزيلا أو غوريلا أو اني انا الرجال وهو الحرمة
    مرة صايرة حركاتي ماأحس فيها أنوثة أو نعومة بأخجل من حركاتي بالذات لما أقوم أو أقعد أقعد أتسند على الطاولة ولما أقعد الكنبة تهز تحتي
    هو مسكين مابيقول لي الا ربي يعينك يارب
    بس انا بأتضايق من حالي مرة
    واليوم في العصر صحيت من النوم الساعة5
    ويادوب دخلت المنتدى أبغى اشوف الاخبار ولا جاني شد مرة قوي في جهة اليمين من بطني ويروح ويجي وصرت أصرخ من الألم لا اراديا وجات خدامتي مسكينة مرعوبة ومفجوعة علي شافتني في هالحالة وانا أأشر لها على جوالي تعطيني ياه عشان أكلم زوجي يجي من شغله
    وانا زي اللي متشنجة ماني قادرة اتكلم او أتحرك من الألم
    ولما بدأت تخف الحالة هدي على طول اتصلت بزوجي وقلت له تعال بسرعة وكلم الدكتور نروح له للعيادة
    وبالفعل مسكين ترك شغله وكل شي وجا اخدني وآآآخ عالألم اللي يجيني خلى اللي يشوفني يبكي معاي كنت حاتجنن والله من كتر مايصير وجهي أحمرررررررر مع كل مرة يجي الألم
    و زوجي ياحرام طاير بالسيارة لغاية ماوصلنا عند الدكتور وفحصني على طول
    وانا اقول ياليت يقول لي ولادة وانا ابكي مو من الألم بس من التعب اللي تعبته في الحمل أحس انه ماعاد فيني اتحمل قلة نوم وفلة نفس وقلة اكل وحرقان بول وتعب خلاااااااااااص احس اني طبخة واستوت
    وكله كوم وشكلي قدام زوجي كوم تاني وتنفيخ وجهي
    بس شافني الدكتور بالألترا ساوند والحمدلله مافيهم شي ال2 كويسين
    وبعدين حط ايده في من تحت ودخلها على الأخير ولمس راس بيبي واحد لانه التاني مقلوب والغرزة اللي عمل لي هي وقت اللي ربط لي رحمي وقللي االغرزة مرتخية وماهي مشدودة الحمدلله ومافيكي شي
    واحتمال بس من شد اعصابك من قلة النوم
    طبعا انا تفاجأت انه كل الألم هدا ويطلع بالأخير قلة راحة وشد أعصاب بس
    وعمل لي تحليل بول يتطمن بس
    آآآخ نفسي بعد اسبوعين بس اكون دخلت الأسبوع ال32 يقولولي ولادة وخلاص
    صرت ابكي وأقلله دكتور ولـّدني بعد أسبوعين ترا والله انا تعبت
    قللي ممكن أولدك بس حيقعدو البيبيهات شهر في الحضانة
    انا تعبت والله تعبت حاسة اني ثقيلة مرة
    والله لما أتقلب في الليل وانا نايمة السرير كله يهز من تحتي ووزني صاير 95كيلو تخيلو
    يعني بقرة نايمة على سرير
  3. سبيعية.......مشكورة على الترحيب..........وطمنينا عليك.
    نحلة عسل.........مشكورة ياعمري..وربي يسلمك...
    مس ميوزك...الله يعوضك...ويجعلهم الله شافعين لك....والحمد لله على سلامتك..
    جوزاء...اثير الشوق....انا وياكم...الف مبروك والحمد لله على سلامتكم...وربي فرحت لكم من كل قلبي..
    يارب مثل ما سمعت عنكم اسمع زين الأخبار عن باقي الأخوات..
  4. لا حبيبتى نونة هونى عليك
    عشان خاطر البيبيز ما حصلتيهم بالساهل فلازم التضحية عشانهم
    راح الكثير و مل بقى غير القليل ربى يفرحك بشوفتهم معافين سالمين يارب

تابعي تجارب أخرى من هذا القسم.