بنات جامعه الملك سعود يتفضلون بالدخول

صباح الخير بنات طالبه جديده على الجامعه توني مسجه هالسنه و حبيت اسالكم عن التيشيرتات الي تلبسوها بالجامعه عادي تكون فيها صور ورسمات مايمسكون عليها لان اغلب ملابسي فيها صور والتنوره لازم تكون سوداء وا عادي اي لون ولازم تكون طويله ولا ميدي عادي_


13 تعليق 1,246 مشاهدة

شاركي في النقاش

سجلي الدخول لإضافة تعليق.

التعليقات

13
  1. @ghyghy

    انا ماعندي خلفية... لاني مادرست بجامعة سعود
    لكن حبيت اسألك طلعت نتائج القبول؟؟؟
  2. @mshaaal_alryad_2

    هلا اختي التنوره لازم تكون طويله ومافيها فتحه والالوان اسود وبني وبالنسبه للتشيرتات الي فيها صور خفيفه يمشون اما اذاكانت البلوزه من ورا وقدام يمسكونك عند البوابه واحسن التنانيير تلقينها عند زارا وبرمود وكمايو انا اخذت وحده من يومين من كمايو روعه -واي سؤال من عيوني
  3. ياعيني ع الحماس ...

    التشيرتات لازم كم طويل ...أو حاير..والرسومات عادي
    والتنورة سوداء طويلة ...وعادي جينز وبني ...بس الأكشخ أسود


    طبعا بعد السعة 10 ونص خذي راحتك لأن المراقبات يروحون *_^
  4. مبروك القبول .. الله يوفقك



    الملابس تكون على حسب البوابه .. وحسب الموظفه ... وحسب مزاجها طبعا خخخخ

    عندك بوابه 5 يدخلون عادي بس ما تكون التنوره قصيره مره .. ميدي عادي .. التيشرتات الالوان الصارخه يمسكون عليها بس يمشونك اذا قلتي مستجده .. الالوان مثل الاحمر والاصفر .. الاكمام يمسكون على اللي فوق الكوع لازم تكون تحته .. بس يمشونك اول مره عادي


    بوابه 2 يمسكونك على الالوان وما تدخلين الا لما تجيبين بلوزه ثانيه وتغيرين .. يعني صديقتك تذب عليك بلوزه وتلبسينها من فوق وتمشين بعد ما يسجلون اسمك ورقمك << اذا ما عندك صديقات ارجعي البيت مع السواق .. اذا السواق راح .. عليك الانتظار الى اخر الدوام ههه الله يعين << اول مره يمشونك بس بعد كذا لو تطيرين ..


    بوابه الباصات ذولا عاد ابو التعقيد كل شي ممنوع الحمد لله والشكر حتى الشناط احيان يمسكون عليها .. << اشك اني في جامعه ..



    يمكن هالسنه يكون حظك حلو ويغيرون تشكيله الموظفات اللي عند البوابات .. ^_^
  5. @noth

    الترم الي فات كانو منهبلين

    تاركين البنات على كيفهم مدري وش جاهم

    تنانير قصيره وتي شيرتات كت وقصير والوان وصور وحركات

    عموما من قبل مايخفون علينا وهو عادي يعني وسعي صدرك ولاعليك

    اشتري فيها صور وحركات والوان الي تبين

    وان قالو لك كلمه ردي عليهم بعشر لاننا بعيونا نشوفهم يدخلون بنات ويمسكون بنات

تابعي تجارب أخرى من هذا القسم.