ساعدوني بآخر حركات الأستقبال للمولود وامه

الله يقومك بالسلامه

آخر اخباري ..
الحمد لله شريت قميص استقبال فخم من واحة الجلابية لونه ذهبي غاااامق ..
وشريت بجامة فخمة لونها كريمي خمس قطع بعد من عندهم بس الروب تبعها طويل الى فوق الركبة بشبر يعني ماحد يدري اني لا بسة بجامة اذا ما مشيت ... <<< اسعارهم رووعة بالنسبة لباقي المعارض
لأني مريت نهج الحسناء ونعومي وطقتهم لقيت القميص الواحد ب 1000 وزيادة .
بالنسبة للبس الأستقبال تبع البيبي اخذتله قماش ووديته الخياط يسويلي بدلة بذيل ... اوفر واحسن .
واخذت صينيتين عندي قديمة ووديتهم محل تغليف هدايا سواها لي شي راقي وبسعر حلو وبلونين بيج وذهبي ..
وريته صورة وجبتله قماش وطبقلي الفكرة بالضبط .. وحدة للعصير والثانية اكبر خليته يقسمها لي 6 اقسام ان شاء الله بعبيها موالح من لافندر وبشوف اذا لقيت محل حلو بعد للموالح من اللي شاروا علي فيهم بنات حواء الله لا يحرمني منهم في موضوع ثاني ..
شريت سريربيبي باسكت لونه ذهبي بحطه جنبي على السرير حبيته علشان اقدر انقله معي من غرفة لغرفة او من بيتي لبيت اهلي يكفي ل 4 شهور .. وبعدين ان شاء الله اشتري سرير اكبر لبيتي ...
ملابس البيبي العادية وغياراته اخذتها من سيتي بلازا ومملكة الطفل ماكثرت لأن الحجم بيتغيران شاء الله ..
بقالي العربة اللي بعبيها شوكلاتة التقديم وفي جزء منها بحط فيه فكرة معينه لهدايا المولود بتصلحها لي اخت من منتدى حواء هداياها جدا روووعة ..
بس المشكلة ما بعد سويت ديكور للعربة منتظرة هدايا المولود تخلص وادوكرها على اساسها ...
ادعولي ان الله ييسرلي اموري كلها واهم شي ييسر ولادتي ويرزقني بطفل في اتم الصحة والخلقة يارب لي ولجميع المسلمات .
اللهم آمين .

تسلمين يا قمر الله يجزاك خير .

اهلين السهرانه الحمدالله انك بديتي تضبطين امورك
والله يتمم لك على خير ويقومك بالسلامه

انا اختي الكبيره هي اللي بتولد وبالنفاس بتجي عندنا والله يهديها ذبحتني بالبرود والله من يومها في الرابع وانا اقول لها اخلصي ولا خلصت وتخيلي من دخلت الخامس وهي من مستشفى لمستشفى ومريضه الله يهديهم لو مخلصه كان ما انشغلنا كذا
الحين هي خلصت اغراض البيبي الاساسيه وحقت المستشفى اخذتهم من مذر كير وستي بلازا باقي طقاطيق خفيفه بقولها عن طريق الطفل عشان تكملها
باقي طقم البيبي حق التقديم ماخلصته وملابسها بعد ماخلصتها
وانا باقي اشتري طقم بيالات وفناجيل وكاسات وخرابيطها
بس السواق سافر :icon33: كانه وقته الله يهديه :icon33:
وانا متوهقه اخواني كل واحد يقول قولي للثاني ويومهم بسنه ومايحبون الدوران :icon33:
انا مشكلتي احب ادور اتفرج بعدين اشوف احسن شي واخذه عشان ما اتندم

ان شاءالله بكره بحاول اشوف وش احسن محل للبيالات بروح المائده اللي بالعويس وبروح لعبدالوهاب وبروح للقرعاوي بشوف ويارب بكره اخلص منهم لاني شايله همهم احس هي اهم شي

الله يقومكم بالسلامه واختي امين يارب

Lightning
يا حليلك اخيرا لقيت احد مثلي انا اللي موهقني ومأخرني اني احب الف على كل المحلات بعدين اقرر عشان ما اتندم واللي حولي يحبطوني "وش ذا الكلافة وش ذا المشورة " ومن هالكلام اللي يحبط ..
الله يعين بس ..
الله يساعدك ويسخر لك اخوانك وييسر لكم اموركم يارب ..
انا الحمد لله البيالات والترامس والفناجين على الوالدة الله يطول عمرها ان شاء الله ..
بس انا سويت صينية للموالح وصينية للعصير غلفتهم بقماش مكسر بيج وخليته زم على الحواف ومن المسكات حطيت شوي اكسسوار ذهبي على شكل وردة واوراق واغصان وتبع الموالح قسمتها على شكل صحون عددها 6 بعبيها موالح واغلفها مادري وش رايك بالفكرة ...؟