تعالوا اقولكم من تحرش بولد اختي
بنات انا اليوم قريت موضوع البنت اللي تحرش فيه ولد الجيران ابو 18 سنه وهذا مراهق يعني ماتضمنين تصرفات المراهقين وهو غلط
بس اللي صار لولد اختي شيء يقهر والقهر من مين صار له
وتخيلو من ميييييييييييييييين؟؟؟؟!!!!!!
ولد اختى عمره 7 سنوات يوم تصير السالفه وكان يدرس بالصف الاول ومدخلته اختى مدرسه اهليه من اكبر مدارس الرياض كان فيها من التمهيدي
المهم قبل نهاية الترم الاول كانت اختي تلبس ولدها بتروح لبيت خالتها وكان يسولف لها عن المدرسه المهم قال لها تصدقين ياماما ان مدرس الفنيه يلعب معاه قالت له كيف قال لها بحسن نيه انه يخمه من ورا ويمسك يدينه ويشيل فيها الاغراض اختى ماتخيلت الموقف فقالت له تحب هالمدرس قال لها ايه بعدين قال لها تصدقين ياماما اني احس في ................. اختى طارت عيونها سألته كيف تحس فيه قال لها هو يلزق فيني بعدين احس فيه اختى خافت ان ولدها يخاف اذا تكلمت بصوت عالي وكانت تتكلم معاه عادي علشان يقول كل شيء قال لها انه سوى هالحركه اربع مرات ومثل لها كيف كان يسوي
المهم راحت اختي لخالتها وهي ضايق صدرها مره يعني كيف مدرسه اهليه وشديده ويصير فيها هالشيء وقالت لاخت زوجها مره تحبها وقالت لازم نقول لاخوي
قالت لزوجها وانهبل زوجها وسأل ولده ونفس الكلام من الصبح راح للوكيل وقال له الموضوع ونادى على ولد اختي كان رايح مع ابوه ومثل الولد اللي صار قدام وكيل المدرسه والوكيل انهبل وراحوا لمدير المدارس وقالوا له
وزوج اختى حب يكبر الموضوع قال لمدير المدرسه ان ولده بول على نفسه بالليل وانه رافض يدرس
المدرسه ماقصرت سوت تحقيق وفصلوا المدرس وسافر لديرته حسبي الله عليه ونعم الوكيل
انا يابنات حبيت اقول لكم هالسالفه علشان مانستهين بالاطفال ونقول لا مايفهمون ولا نفتح اعقولهم على هالمواضيع
لازم نعلمهم ان هالاماكن مااحد يلمسها واي احد يلمسها لازم يصرخون ويعلمون اهاليهم وهذا الشيء حرام
ولازم نعلمهم بطريقه حلوه علشان يفهمون مو نهوشهم والا نضربهم ونصارخ عليهم