مدري وش اكتب وش اقول
لكن قبل كل شئ
المنتدى هذا كبير
ويدخله ناس انا متاكده ان هالموقف حصل لهم وهالموقف بعد حصل منهم
لذلك يابنات اتقوا الله ولاتلعبون بمشاعر الناس
من خلال سالفتي بتعرفون وش اقصد
الى متى الى متى
استقبل واودع
لاتقولون لي النصيب انا الحمدلله راضيه بكتبت ربي وانا مو معترضه على ان نصيبي ماجاء لان كل شئ مكتوب عند رب العباد لكن الى متى
والناس يجون يبون يشوفون البنات وتلقين الكلام المعسول والتدقيق على التليفون لين يلقون القبول من اهل البنت عشان يجون يشوفونها وبالاخير اذا جو وشافوها راحوا وهي الروحه لااتصال لاشئ
حتى لو ماكانت البنت متعلقه بالموضوع او مب راغبه فيه اساسا كفايه ان ببالها فيه موضوع حاصل
ببساطه
الى متى بنتظر الام او الاخت تجي تناظر وتقلب فيني كاني فستان وبعدين اذا ماعجبتهم تروح ولاترد خبر بان الموضوع قسمه ونصيب
ترا الموضوع جدا بسيط مايلكلفكم اتصال واحد تقولون لاهل البنت الله يسهل لها ويوفقها
بدال ماتعلقون البنت بافكارها وهواجيسها
ليه حال الناس بعد الشوفه مو زي قبل الشوفه
يانااااااااااااااااااااااااااااااس اتقوا الله كفايه تدخلون بيوت خلق الله وتطلعون
كفايه تطليل بوجيه بنات الناس وتهجون
لاتدخلون البيت الا وانتم سالين عنهم ولو ماقدرتوا اسئلوا امها لماتدقون على البيت عن صفاتها اذا عجبتكم مبدئيا ولالا
يجون للبنات السمراء ويشوفونها ويروحون واذا سئلوهم ليه ماعجبتكم البنت قالوا سمراء واحنا نبي بيضاء ولا البنت بيضاء ويقولون نبي سمراء وغيره وغيره وغيره
طيب ليه ماسئلتوا من البدايه
ببساطه هذا حالي وحال كثيرررررررر من البنات
الى متى :angry2:
مو عشانا نبي الستر والاستقلال
تلعبون بمشاعرنا
تجرحونا تحطمونا
ادري كل شئ نصيب
بس انا اتكلم بموضوعي عن الذوق
انا مااعترض واقول ليه انقهرت على روحتهم لان الله كاتب لي الي احسن منه
لكن اقصد ليه مايعطون خبر بالرد
ياناس الي قدروكم ودخلوكم بيتهم قدروهم باتصال وقولوا ماصار نصيب الناس ماياكلون اتوقع انهم اليفين
بجد بنات الى متى
وحده قالت لي المفروض يصير الرجال يجي ويتفاهم مع الابو
لماجربنا وقالت امي لوحده والله ودنا الولد يجي اول يجلس مع ابوها
قالوا لاماعندنا
واخاف اتبع هالاسلوب يمشي العمر والحريم ماراح يتركوون عنهم اللقافه
انا ماقلت لاتجون تشوفون بس خلونا نشوف ولدكم اول اخلاقه طبعه بجلسه مع الابو ولاتخافون ناكله
الى متى يعني
سؤالـــــــــــــــــــــــــــــــــــــــــــــــــــــــــ
مين بيتزوج انتم ولاهو؟؟؟
قرفت من اني اتزين وارتز وانتظر اعجبهم ولالا:09:
قرفت من اننا نوجب وصواني حلى وفطاير على الفاضي((والله المفروض على قولة صديقتي تمر ويخب عليهم))
قرفت اننا ننظف المجلس عشان ناس جايين يخطبون:06: لالاعفوا قصدي يتفرجون
صح الي خطبوني قليل وصح ان هالموقف مر بي قليل
لكن يضل القليل ولاالكثير ياثر
لذلك نصيحه وطلب ياناس
لمابتخطبون لولدكم
تاكدوا من المواصفات قبل لاتدخلون على بيوت الناس
ولو قدرتوا تشوفون البنت من بعيد لبعيد جبرا لخاطرها احسن
فيه ناس هوايه مناظر بنات الناس ودخلت البيوت
وحده تقول وش ورانا نزور الناس ونسولف
ياسلالالالالالالالالالالالالالالام حلوه ذي:42:
والله الموضوع طويل
وحارق دمي
الى متى
انحرجت من اهلي
وصرت اذا دخلت على حريم كاني اسوي واجب ادخل مااصدق اطلع
الله يفرجها بس على وعلى بنات المسلمين:(
وتجعل في هذي السنه زواجي وافتك من التزين وهز الطول
احس بجد اني رخيصه لماادخل عليهم بس بجد هذا الوضع ولازم اتحمل لين ربي يفرجها
يـــــــــــــــــــــــــــــــــــــارب
افرجها علي وعلى كل العزابيات
شاركي في النقاش
سجلي الدخول لإضافة تعليق.
التعليقات
249- الله ييسر لك الزوج الطيب اللي ما تشوفي في الدنيا غيره
اللهم آآآآآمين - والله الناس صاروا كذا شكلهم يبون القهوة الظاهر
أنا اعرف لك ناس يروحون كذا ناس بالأسبوع يشوفون كمن بنت والبنت الأحلى تتأهل
هم ماخذينها عادي ان جازتلهم ولا فيه غيرها بس الدنيا تدور ولهم بنات
الله يعوض الجميع ويرزق بنات المسلمين - ياااقلبي الله يرزقك بالزوج الصالح عاجلا غير اجلا..ويرزقك السعاااده الدااايمه...
وفعلا بعض النااس موكلهم مااااعندهم ذووووق..ابد ابد...
بنااات النااس موفرجه وبس ماعجبتكم قولوا مافي نصيب موتروحوا وتنطشوا..مع اني ماعمري مريت بهالموقف لكن بجد يقهر...
الله يرزقك باابن الحلال عااااااجلا غير اجلا امين
تقبلي تحياتي - كلامك صحيح والله
المفروض كل أم وكل أخت تسوي هالموقف
تحط في بالها انها لها بنات تخاف عليهم وتبي لهم أفضل شيء
فالمفروض تعامل بنات النا س على هالأساس
بس أي بنت تمر بهالمواقف تقوي نفسها وتخلي ثقتها كبيره
وانه ربي بإذن الله كاتب لها الأفضل
ومهما طال انتظارها نصيبها جايها بإذن الله
ربي يسعدك ويرزقك ويرزقنا وجميع البنات الأزواج الصالحين - يعني كل اللي ردوا براءه
المهم
انا اعتقد البنت لازم تهيئ احتمالين والافضل يجي الرجال ويشوفها قبل الاهل
لان الناس اذواق
ونصيحه البنت اذا عدى 3ايام ماردوا تفهمها
مواضيع مشابهة
تابعي تجارب أخرى من هذا القسم.