الى متى يازوجـــــي حياتـنـــا كتــاب مفتوووح لأهلــــلك.؟؟

ماشاء الله تبارك الله

الله يخليكم لبعض ياقلبي

وعلى قولتك اهم شئ ان حبوب وقلبه طيب


شكرا حبيبتي على ردك

اختي تماظر؟ ..

انسى وخلي نفسج ما سمعتي شي .. ترا والله هذا كله من صحتج .. لا تخليني شي يضر صحتج .. لانه ساعتها محد بيفيدج .. انسي .. ودخلي الكلام من هذه الاذن وطلعي من الاذن الثانيه .. بتتعبين وانتي تفكرين ..

في شي ما قلته .. انه معاش الشهر ما اشوفه يروح عند امه على طول .. وهي مسكينه اتخبي الفلوس لنا مش لها انا اعرف .. لكن اول ما عرست كنت اعااني من هذه المشكله .. اي مشكله ؟!! مشكله لما احتاج فلوس .. اقول لزوجي يروح عند امه .. زوجتي تبغي فلوس عشان كذا وكذا .. تخيلي انا شو حالتي هذيج الساعه .. حتى لما اشتري حق امي هديه .. يقولها اشترت لامها كذا وكذا وبسعر كذا .. بس لما شفت العصبيه ما تنفع معه .. قمت اقنعه في هذا الموضوع .. لحد ما قررنا يكون عدنا مبلغ من المعاش يكون لنا شهري انا وزوجي ومحد يعرف وين صرفنا وين ودينا .. بس في اول الايام اللي طبقنا فيها هذا الموضوع قامت تطلب منه قائمه بالاغراض اللي اشترينها وكل غرض جنبه السعر طبعا .. لكن قمت اقول لزوجي نسيت اكتب ونسيت هذا بكم و و لحد خلاص ما قامت تطلب القائمه .. لله الحمد

الحين ابني بيتي وكنا واصلين مرحلة الشبابيك .. اخترت لون ابيض بحكم الاحلى بين الالوان وبيت اهله لون الشبابيك اخضر .. ولانه بيتنا في حوش بيتهم .. اتفق مع الرجال وكل شي على اساس ابيض حسب رغبتي .. ما دريت الا لما خلصوا الشبابيك يرجعه للمحل يقولهم سويهم اخضر واصر على لون اخضر وكان ما يبغي مني اي نقاش .. لحد ما اكتشفت انه قال لامه انه لونهم ابيض وطبعا قالت له شكل بيتنا بيطلع مش حلو وراح غير للون اخضر .. ما كان علي الا اسكت كان كنت ابغي احافظ على حبي وغلاتي عند زوجي ..
الحين نحن في مرحلة الصبغ .. اي شي انا اختاره طبعا يتغير في اليوم الثاني وهو يقول انه هو فكر وما عجبه بعدين اسمع امه تقول انا قلت لها مش حلو حط اللون الفلان ... الشكوى لمين ؟؟!!! الشكوى لله ..

انتي يت على سفره ؟؟؟!!!!!!! تعالي اقري انا يت على شو ..

طبعا اول ما عرست حملت .. وربيت .. لما ربيت اتفقت مع زوجي اني ما اقدر احمل فوق بعض .. خل البنت تكبر تقريبا سنه ونص وبعدين انفكر .. وكان مقتنع تمام .. وكنا متبعين طريقة العزل ..

لما بنتي وصلت 6 شهور .. ما صار عنده تفاهم .. كان كل كلامه لما كرشتك تكبر وتكونين حامل ولما تحملين و تحملين .. انا كنت اتنرفز من هذا الموضوع لانه التربيه تعب وانا بعدني ما ارتحت من بنتي .. ولما بندخل نتعاشر نتفق على العزل ويمشي معاي .. لكن وقتها ولا كانه اتفقنا وكان يجبرني وتعرفين عقوبة الحرمه اذا قالت لا لزوجها في هذا الشي .. كنت اسكت .. وبعد نص ساعه يجي فرحان ان شاءالله تحملين هذا الشهر .. لحد ما حملت وقلبت عليه الدنيا من العصبيه وكنت اضايج من بنتي وهي عمرها 8 شهور ..كنت الومه على كل شي لحد ما ضاقت الدنيا فيه من كثر الضغط اللي سويته واعترف انها كانت رغبت امه ......... شوفي يا اختي لاي درجه التدخل في الحياة صار .. لكن الحين انا في الشهر 4 وما تعرفين التعب اللي يصير لي الله يعيني لما اولد كيف بربي اثنينه مع بعض وكل واحد محتاج لي ..

الشكوى لله .. شوفي مصيبت غيرج بتهون عليج مصيبتج .. وانسي وطنشي وبيجي يوم اللي ربي بيكرمج فيه وبيهدي اهله وبرتاحين ان شاءالله

الله المستعان كلام الاخوات وخاصة كوب حليب رائع وان شاء الله يفيدك وانا ازيد عليه ان كانت هذه المشكله مؤثرة في حياتك لهذه الدرجة فاسرعي في حلها عن طريق الحوار الهادئ مره واثنين وثلاثه مع زوجك الى ان يقتنع لان صغائر المشاكل بين الزوجين ثغره واسعه للعديد من المشا كل لاسمح الله فبادري بالحل السريع وثقي انها مشكلة العديد من المتزوجات وخذي بعين الاعتبار انها بسيطه حتى يسهل حلها ودمتي في رعاية الله.

نفس المشكله والله ما لها حل اول يوم بيزعل وثاني يوم بيخير هم

الحمد لله بيحكي بس أهله ان شاء الله يحكي عنك با الطيب بس فعلآ مو كلشي

لازم يحكيه لآهلو اشي زايد و صارحيه اذا زودها شوي بس لاتقوليلوا مباشر مثل ما نصحتك

تلاخت شباصة الذهبية و الله يوفق الخير

يارب احمي بناتي و زوجي و اهلي و ابعدنا عن الفتن ماظهر منها وما بطن .