مرجع شامل لكل من استخدمت وتستخدم حبوب roaccutane لحب الشبـــــاب

سكره اجل على هالسالفه كوابيس سعييييييييييده خخخخخ

بنااات
ما ادري اذا احد كان يتابع ردودي من قبل
انا الحين في الشهر الاخير للعلاج و اخذ 50 ملغ

ايه نعم ما انكر في تحسن في وجهي مقارنه لما كان عليه قبل العلاج
و لكنه ماهو النتيجه الي كنت احلم فيها
لازالت الاثار موجوده و بقع حمراء على وجهي
الحمد الله طبعا و سعيده بالنتيجه و الحين وجهي احسن من قبل بكثيرررر

بس ماهو مثل ما ذكروا البنات ان البشره تصير صافيه و نقيه و وووو
هذا كله كلام فاضي بالنسبه لحالتي
بخلص الكورس بمنتصف شهر ثمانيه و بروح اشوف الدكتوره بشهر 11
يعني بشوفها بعد ثلاثه اشهر من نهايه العلاج علشان تتاكد ان كل شئ سليم و الاثار الجانبيه اختفت لاني عانيت من ارتفاع بسيط بالكوليسترول

سئلتها اذا اقدر اشيل شعر من منطقه الذقن بواسطه الكهرباء و قالت ممنوع و مش قبل سنه !!
فاستغرب من العضوه الي تقول انها تشيل بالليزر علما ان الليزر اقوى من الكهرباء!
حتى قالت لي لا اشيل شعر جسمي بالواكس او السكر او حتى النير لان الجسم بيبقى حساس لفتره..

ما اعرف بصراحه اش بسوي الحين افكر اروح اشوف دكتور ثاني بس اسمع رأيه و اشوف اش بيقول...مابدي اصير فأر تجارب بين الدكاتره...بس خليني اسمع رأي مختلف...يمكن ينصحني بشئ

المهم حبيت اقول اني اتعالج بكندا و بصراحه و بدون زعل انا اوثق بدكتورتي و كلامها اكثر من كلام الدكاتره في البلاد العربيه

يعني لما تقولي ما تشيلي بالكهراباء او الواكس فنصيحه يا بنات تسمعوا كلامها و اتركوا كلام الدكاتره في بلادنا!!

اي سؤال انا حاضره :26:

هلا وغلا فيج دموع الندم

مبروك على قرب انتهاء فترت العلاج وعلى النتايج اللي حصلتيهاا

وبعدين اذا قصدج الاثار والبقع تروح ان شاءالله اكيد دكتورج بتسويلج تقشير بعد العلاج هذا الاغلبيه يسوونه


وبعدين بخصوص الليزر انا مسويه وجهي ورجولي وقبل لا اسوي مستشيره دكتوري وقالي عادي اوكي


وبالتوفيييييييييق :26:

انا استعمل الروكاتين ولي الحين 3 شهور واسبوع وتحليلي سليمه وممتازه الحمد لله ولا اخذت العلاج الا لما شفت نتيجته على كذا وحده .. والنتائج جدا مرضيه

الجرعه:حبه 20 وحبه 10 بعد العشاء
وزني : 50
الاضرار : الجفاااااااف طبعا , الم الظهر ,اكتئاب وضيقه احيانا , تساقط شعري
طبعا اثناء فترة العلاج ممنوعه الليفه وممنوعه العدسات واكيد الحمل ممنوع لانه يسبب تشوه الجنين الله يكافينا الشر

كنت اخذ معاه سن بلوك من لويس ودمر 20% مع مرطب للجسم سيتافيل والغسول من سيتافيل بعد وقطره للعين من ري فريش ومرطب للشفايف لكنه ماكان يرطبها فـ رجعت للفازلين.

للحين النتايج حلوووه لوني تفتح والحبوب 80% اختفت بس الاثار مشكلتي .. عندي اثار بسيطه لكنها خفت والله ..

يعني انا راضيه عن نتايج العلاج تماما الحمد لله .. اهم شي الاستمرار والانتظام والاكل الصحي
واهم اهم شي ((((((((((( المـاء ))))))))))


اي سؤال انا حاضره ..


صحيح .. المكياج ما كنت احطه اول شهرين .. لانه كان وجهي يتقششششششر ويطلع شكل الميك اب عليه يعععععععع كني لحجيه