ساكنة مع أهل زوجش؟ إذن السؤال موجه لك..

أنا سكنت عندهم 3 سنوات ونص
بغرفة ودورة مياه بس يعني المطبخ مشترك
بس كان الغداء الشغاله تسويه وهم يتغدون بدري
وانا انتظر زوجي يجي من الدوام متأخر ونتغدى سوا
أما العشاء هم ماكانوا يبون طبخ يأكلون اشياء خفيفه
وانا احيانا اطبخ لزوجي واذوقهم منه
ويوم الاربعاء تكون العائله مجتمعه واسوي عشاء بس مب كل مره
بالشهر مره على حسب المزاج
واسوي حلا
وصحيح الجلال يكدر الخاطر وتنغثين منه لكن يالله كله بآجره
والحمدلله صبرنا ونلنا

وعقبالكم

انا عن نفسى ابقول لكم قصتى وعطونى رايكم بصراحة
انا متزوجة من اربع سنوات وعندى اولاد اثنين والبيت عندى غرفة وحمام واخوان زوجى ثلاث ومتزوجين وزوجى اصغرهم ؟ وكل الحريم ربات بيوت يعنى قاعدين بابيت وانا معهم وكلهم يطبخون بالدور الغداء والعشاء وانا لا اهم قبل لايتزوجون كانو يعرفون الطباخ بس انا لا وابتعلم وزوجى رافض مايبينى اطبخ ؟ وشوفى عاد النغزات من حريم اخوان زوجى ؟ اللى تقول محد طلع من بطن امه عالم """" واللى تقول كلنا مانعرف نطبخ وتزوجنا وتعامنا
واسفة على الااطاله

لا حبيبتي rose انا مب ملزومه اطبخ لهم كلهم

مره مرتين معليه لكن مب كل مره الوحده بعد تبي تاخذ راحتها مع ريلها وتاكل معاه بروحهم ولا شرايكم يابنات انا غلطانه؟؟

صراحه قمة اللقافه منهم وخاصه اذا كانت الملقوفه زوجة اخوه مسويه عمرها شيخه وتدخل المطبخ علي وانا تعبانه من الطباخ ولاتمد يدها تساعدني وتقول حطي لنا منه وتطلع!!!

انا وحده مب عادي عندي كلللش اذا مصخت السالفه لا وتعالي شوفي عيالهم بعد مايقصرون في الاكل جني اطبخه لهم

انا لي مطبخ لحالي الحمدالله بس لو كان مشترك اكيد ابطبخ يوم وهم يوم لكن ماراح اكون مرتاااحه ابد

بصراحه السكن مع اهل الزوج متعب ومقرف مهما كانت الظروف لو يتاخر زواجي سنين ارحم من العيشه والعذاب النفسي معهم

المسألة فيها جني ..............ياساتر:)
اختي انا ماقلت انك ملزومة بس كون الواحد يطبخ بمطبخ مشترك لابد من المشاركة وعلى الاقل ماتخافين على نفسك وزوجك اخاف نفسهم بالاكل وتتنكدينه..
وبما انك معهم لازم تعانين وبنفس الوقت تجارينهم..:09:
لاتظنين اني مو حاسة فيك اكيد في اشياء ترفع الضغط بس تخيلي مرة اخوك تطبخ لنفسها بس ولا تكرم امك بطبق صغير..
السالفة ومافيها ان قناعتك صحيحة انك مو ملزومة فيهم بس مضطرة عشان العادات الاجتماعية وللمحافظة على علاقتك مع زوجك اولا وعلاقتك مع اهله ثانيا..بصفتك عايشه معهم..وهذي وجهة نظري...تحتمل الصواب او الخطأ..