بنـــــات البحرين ولا يهونون البقيـــه .. محتاجه آرائكم واذواقكم
صبااااااح الخير
شخباركم بناااات .؟؟
بصراحه انا من فتره ناويه اغير غرفتي ومتكيسله
لكن بعد ما شفت مواضيعكم ما شاء الله تشجعت اغيرها
الله يسلمكم غرفتي جديده مالها سنه
الغرفه صغيره وشرينا اثاث صغير على اساس بتكون لي ولاختي
بس تغيرت الظروف وصرت انا لوحدي وهي لحالها
الزبده ان الاثاث مهب عاجبني
وغير كذا السجاد اللي متحسفه عليه لونه درجات البني والبيج
وبحكم تخصصي دمرت السجاد وصار كله الواااااان وحوووسه
المهم ناويه اغير غرفتي تغيير كلــــــــــي
حتى الاثاث بس ما راح اشتري جاهز لا تنجيد
لاني بحتاج سرير وتسريحه وكومدينو بس
لان الكبت ( الدولاب ) بالجدار
وانا اعشق اللون التركواز بس المشكله ان ماشفت عندنا محلات فيها الالوان هذي
وايكيا اللي يتكلمون عنه ما عندنا في البحرين
اخاف ابدا باللون هذا وبعدين اتوووهق
بالنسبه للأثاث شرايكم أسويه خشب والا شنو ؟؟
وودي احط فيها استراحه يعني كنب وطاوله صغيره او اي شي المهم مكان للراحه
بليز ابي افكاركم للعلم الغرفه صغيره بس ماعرف كم مساحتها
وغير كذا ناويه احط طاولة تلفزيون
وعندي طاولة الكمبيوتر ماخذه مساحه كبييييييره وانا ما استخدمه لان عندي لاب توب
اخاف اشيله بتاتا واحتاجه بعدين ؟؟
واخاف اخليه وياخذ مساحه ع الفاضي
والسرير برايكم أي احلى يكون رفيع او نازل مع العلم اني احب الرفيع بس متردده
وبس يعني ياليت تعطوووني افكار وشلون ترتيب الغرفه ووين احط الكنب والطاوله وهالشغلات .
واهم شي ابي اعرف محلات بالبحرين تبيع كماليات حلوه وغريبه واسعار معقوله
وهل اللون التركواز احصله بسهوله او لا ؟؟
وشنو موضة الجداار لان خاطري اسوي فيها حركه
وتقريبا كم يكلفني تفصيل الاثاث ( سرير متوسط بين النفر والنفرين + تسريحه + كمدينو )
وباقي الشغلات كم تكلف
لا هنتوووووووووووووووووا





