= على المكشوف حصريا لكل وحدة صريحة وجريئة =

أنا أقوووول لكم المشاعر ثم المشاعر ثم المشاعر..

اهتموا بمشاعركم تجاه ابنائكم والأهم أنكم تبينون هالمشاعر وتحسسونهم فيها..

طوول طفولتي كنت أحسب أن أمي ما تحبني.. وأن أبوي بس هو إللي يهتم فيني..

مع أن أمي مسكينة هي اللي كانت تسوي لي كل شي في حياتي..

وأبوي كنت لما أشوفه ممكن يسولف معاي ويسمع سوالفي عن المدرسة وصديقاتي وووو

بس ما كان يسوي لي شي ثاني..

لكن لأن أمي طبعها عملية.. تعبر عن مشاعرها بالإهتمام.. أكلي ولبسي ونظافتي وشعري وترتيبي ودروسي.. وكل هالاشياء ما كنت استمتع فيها كطفلة..
عكس ابوي.. كان يسوي الشي الوحيد اللي استمتع فيه.. يحسسني باهتمامه فيني وحبه لي..

ترى الاطفال يحتاجون المشاعر والحب والاهتمام..

طبعا لما كبرت فهمت أن حب أمي لي كانت تترجمه لتصرفات.. لكن هذا ما يلغي حبها لي..

وأنا بطبعي انسانة شاعرية وأحب أحس بحب واهتمام اللي حولي.. وهذا زاد الطين بلة..

هالحين بنتي لسة صغيرة.. لكن طوول الوقت كلمة أحبك على لساني..

وأكلمها وأقول لها شكثر أحبها وشكثر تعني لي.. أدري لسة ما تفهم..

بس أكيد بتحس.. ولما تكبر بتكون عااارفة مكانها بقلبي وبحياتي..

الله لا يحرمني منها..

ترتيبي آخر العنقود
أمي وأبوي عرفوا إنهم ما يقدرون يجيبون من بعدي طفل لأن كان في خطوره على حياة أمي الله يحفظها
وأبوي الله يخليه لنا من خوفه عليها وافق على إنها ما تجيب له عيال مع إنهم كانوا في العشرينيات من عمرهم
واكتفوا فينا نحن الـ 7

كنت أحب الوجبات السريعة حالي حال أي طفل كنتاكي وبيتزا هت الخ..... فيجيبوا لي على طول
فطلعت تغذيتي غير سليمة والحين كبرت وصرت ما أحب شي مفيد
يعني لا (خضرة - فواكه - لحم - سمك - رز - الدجاج بس الصدر أتقبله ولازم بدون جلد وعظم) يعني
يوم أحمل أتعب كثير

شربت في الرضاعة لين 4 سنين فسد نفسي عن الأكل

كنت إللي أبغيه لازم أحصله فصرت قليلة الصبر

من خوفهم علي كنت ألعب في البيت ومع ناس محددين ومعينين اللي هم الأطفال المسالمين من عمري وعيال الأهل بس فصرت ما أحب أخالط إلا من كنت معاهم في طفولتي وغير جذي آخذ وقت طويل بالسنين لين أتعود على الناس


بس في نواحي إيجابية اكتسبتها مثل
أحب أحن على الناس وأعطف عليهم
أقول كلمة الحق لو على نفسي لأني عارفة محد بيقدر يضرني
اكتسبت القوة
يوم فقدت ولدي حمدت ربي لأنه طول عمري وربي يعطيني وعمري ما انحرمت من شي فما فيها شي لو ربي أخذ مني شي واحد ولو هو غالي وايد ومتأثرة أكيد بفراقه
بس الله سبحانه وتعالى خلاني محظوظة وإن لي أهل ما يخلوني أبات الليل وأنا في شي في خاطري
وصحيح ربي أخذ مني بس رجع وعطاني الحمد لله طفل ثاني وبعد يعطيني ويعطيني فحمدك وشكرك يارب

كانوا يكلموني بنوعومة زايدة ... لين صرت يوم أتكلم وكأني أتصنع الدلع تقولون جني حليمة بولند
وهذا الشي يسبب لي إحراج كثير .... وخصوصاً إذا إللي أكلمة رجال غريب ... فأحاول وأتصنع وأتكلم عادي بس إذا اندمجت شوي أرجع على حقيقتي .... وإذا انتبهت أقول في خاطريلا يضن إني قمت أخورها وأقصد التميع والدلع :(

صحيـح يا خوات أم نوف و نواف ذكرتني
بأن فعلاً الدلع الزايد مايخلي الوحدة قد المسؤولية
وعلى الأقل هي أفضل عني يمكن تعلمت
لكن أنا ماتعلمت كل هذا .... والدليلإني يوم تزوجت
فضلت أجلس في بيت أهلي مع زوجي ... أولاً لأني ما أعرف كيف أتصرف إذا فتحت بيت وجوني ضيوف
ولا أقدر أبعد عن أمي وأبوي لأني أتعب نفسياً كثير
لأنهم عودونيأكون معاهم في كل مكان دايماً
وإذا سافروا أجلس أبكي مثل الطفل وأقول لزوجي أبغيهم
ولازم أكلمهم ويكلموني يومياً
وباجر سفرهم ما تتخيلون كيف ضايق خلقي :(

والله يحفظ لي أمي وأبوي ويطول لي في أعمارهم قولوا آمين

أنا اكبر غلط وما اسميها غلطه من اهلي

كانت دلعوووووووووووووني مرررررررررره

كنت ما انظف ولا ارتب ولا اطبخ ولا اسوي ولا شي في بيت اهلي

لما تزوجت انصدممممممت

طبعا اهلي كانوا يرسلون لي الغدا يومياااا

وشغالتهم تجيني كل يومين تنظف البيت

لما تعلمت تدريجيا على شغل البيت

:26:

نقلت التعديل للرد إللي فوق

مم عن نفسي غلطة اهلي ان امي كانت تخجل تعلمنا بعض الامور يعني اول مانبلغ وجذي ماكانت تعلمنا
وكانوا يخوفونا بأخونا الكبير يعني لدرجة اوقات نسوي الشغله مو عشان شي بس عشان لايزف فينا اخونا الكبير

:)