* تونيك/ مستحلب * - منعم ومرطب ومبيض لليدين بعد كل غسلة

تسلمين ياقلبي دلوعة زوجها على الكلام الحلو ,, الله يحلي ايامج بطاعته

ويحليج بعين زوجج دوم ,, ويصير مايلتفت يمين والا يسار
الا ويشوف طيفج بس اللي قدام عيونه وحلاتج :)


مشكورة على المرور

حاضرة ومن عيوني :)

قشور برتقالتين
قشور ليمونتين ( الليمون الاصفر الكبير)
زجاجة ماي الورد كاملة
زيت لوز مقدار قليل ,, يعني ثلاث ملاعق الى نص كاس صغير بس مو اكثر

يعني براحتج تبينه دسم والا خفيف :)

ملعقتين كبار مسحوق الرز ( يعني الرز المطحون)

لكن اختي لاتعبين حالج وتطحنينه ,, هو ينباع جاهز بالسوبر ماركت

قطعة مرة


تغلين القشور لمدة ربع ساعة بعدين تطفين عنها النار وتخلينها شوي
وبعدين تصفينها وتاخذين الماي فقط

دخليه بالثلاجة خليه يبرد

بعدين صبيه بزجاجة فاضية عندج ,, بخاخ او حتى زجاجة سائل صابون
( على سبيل المثال سائل لوكس لليدين) ,, ورجيه زين

وبس :)


خليه على مغسلتج ,, كلما جيتي تغسلين ايدج رشي عليها من هالسائل وفركيها شوي
يعني كنج تغسلين ايدج بالصابون عادي ,, وبعدها نشفيها وخلاص

واذا بغيتي ترطبينها اكثر ,, رطبيها بمرطب لليدين واذا ماتبين مايضر ,, لان اصلا السائل مرطب لحاله


اتمنى اكون شرحت لج شرح وافي

وبالتوفيق :26:

وجزاج باحسن منه اختي

مشكورة على المرور الحلو :26:

لا اختي مايصلح للوجه ,, ومسحوق الرز هو المطحون

تلقينه جاهز في كيس ,, بالسوبرماركت


وشاكرة لج مرورج:26: